榮發粥麵小菜王 上水
地址: 上水龍琛路36號地下
最後更新:
榮發粥麵小菜王推介
以前成日都食呢間餐廳嘅！自從疫情後，已經少咗來幫襯，事隔年半後再次嚟幫襯，唔知係咪自己口味改變定係真係差咗，d野食大不如前！叫左個小炒王，用埋自己個招牌做自己個菜名，點知就令人失望，首先就太油，而且可能天氣太熱豆腐卜欠新鮮生菜除咗多咗少少油之外，整體上都滿意！至於肉餅方面！其實都唔係太差！味道適中！用嚟送飯就最正喇！可以合格！最後叫咗煲仔飯，我唔記得咗影相！賣相就靚，但味道就比以前差得比較遠，冇咗以前果種飯香氣，叫咗個鳳爪排骨飯同埋白鱔煲仔飯，排骨就比以前瘦咗啦，比較多骨同肉少！令人感到有啲失望！至於白鱔就不是好入味，如果再入味d就會更加好！整體上嘢食就有進步嘅空間！服務就喺茶餐廳裏面叫好！環境就ok不過不失！
上水榮發粥麵小菜王
| 餐廳分店 | 榮發粥麵小菜王 |
|---|---|
| 地區 | 上水 |
| 電話訂位 | 26703636 |
| 餐單 Menu | 港式,粉麵,米線,粥品,茶餐廳,冰室, |
| 人氣指數 | 433 |
| 價錢幾錢 | $50以下 |
榮發粥麵小菜王訂位
榮發粥麵小菜王位於上水區，詳細地址是上水龍琛路36號地下，餐廳寬敞座位數目共有未知幾多個。榮發粥麵小菜王幾錢？價錢優惠後人均消費大約$50以下埋單，早餐午餐晚餐榮發粥麵小菜王餐單包括有港式,粉麵/米線,粥品,茶餐廳/冰室等美食，付款方式有付款，Booking網上訂位可以電話致電 26703636 查詢訂座。榮發粥麵小菜王優惠
榮發粥麵小菜王 評價 相片
以前成日都食呢間餐廳嘅！自從疫情後，已經少咗來幫襯，事隔年半後再次嚟幫襯，唔知係咪自己口味改變定係真係差咗，d野食大不如前！叫左個小炒王，用埋自己個招牌做自己個菜名，點知就令人失望，首先就太油，而且可能天氣太熱豆腐卜欠新鮮生菜除咗多咗少少油之外，整體上都滿意！至於肉餅方面！其實都唔係太差！味道適中！用嚟送飯就最正喇！可以合格！最後叫咗煲仔飯，我唔記得咗影相！賣相就靚，但味道就比以前差得比較遠，冇咗以前果種飯香氣，叫咗個鳳爪排骨飯同埋白鱔煲仔飯，排骨就比以前瘦咗啦，比較多骨同肉少！令人感到有啲失望！至於白鱔就不是好入味，如果再入味d就會更加好！整體上嘢食就有進步嘅空間！服務就喺茶餐廳裏面叫好！環境就ok不過不失！
上次食過昵到既點心都吳錯，所以呢間食肆係一定可以反轉頭再去，今日又去食下其他嘢先😋😋午餐精選：豆腐火腩飯———男人的浪漫😬😬😬😬好夠鑊氣又夠熱辣辣，有菜有肉，味道夠味又不會過鹹，✌️✌️✌️✌️✌️自制手打🐠魚蛋麵——魚蛋好有魚味，食落彈牙爽口，麵質又彈又爽夠口感，湯又鮮甜零味精✌️✌️✌️✌️✌️凍檸🍋茶——茶夠味，🍋又好味😬熱🍋茶🍵——茶夠香濃，🍋——————————————————下次食下晩飯小炒，我唸應該D小炒都會吳錯
零晨一點的孤單晚餐，繼續茶記。
繼繼繼續一人火鍋！嬸嬸：您連打三晚喎，得唔得架？雷：邊個話我唔得架，唔打唔舒服，晚晚打都得呀！嬸嬸們依舊熱情款待，鬍鬚叔叔都夠親切，客似雲來好多食客一浪接一浪喎，什麼大日子呀？湯底眾多，不要急不要忙，要續一擊破。
忌廉冰底，無人同您打，就自己邊爐自己打！怨氣極重，黎個巨蓮加冰順順條氣先！胡椒豬肚雞鍋，湯底比大埔翠榮咸菜胡椒豬肚雞更濃更甜更好味！不單調多配料多層次，芫茜、芹菜、蒜子、紅椒、腐竹、等等等，越神秘越想追住飲！雞肉質素同樣係大埔翠榮之上，肥雞肉質非常嫩滑，鳳脂甘甜不油膩，雞味濃濃。
食晒枝竹、豬肚、滑雞、紅椒、蒜子、生菜，再飲多三四碗湯，開心飽飽！如果有粉腸就好喇，如果有蘿蔔冬瓜就好喇﹗唐生菜，全部一次過落鑊一鑊熟 ﹗給點耐性浸腍一點，半爽半腍好食好食。
讓菜味溶到湯汁之中，無可挑剔的湯汁，跟胡椒生菜魚肉湯一模一樣，飲完全身暖笠笠，腸胃好舒服。
油麥菜，主攻食莖，鮮嫩極甜，灼一灼爽到似筍，煮到熟透軟腍就似瓜，索埋湯汁更好味。
冬蔭功海鮮鍋，游水海蝦、花蟹、花蛤，平靚正無得頂！只收 $170 蚊抵食過 $210 蚊薑蔥炒蟹仔千倍萬倍啊！冬蔭功湯天皇級好味道，港式冬蔭功湯少茄膏無椰奶真好，絕對清甜夠酸夠辣。
用上黃檸代替青檸，不過正宗泰式湯青檸只落汁，唔會成舊掉落去架，但師傅落左多塊連皮黃檸。
嬸嬸細心地解釋滾一滾黃檸就要夾走，再煲落去的話檸皮會釋放出澀味。
還建意滾起先試頭啖湯，中段再試海鮮湯，完事試埋生菜湯。
果真各具特色各有風味，當然頭一二項係最好飲。
邊食邊飲湯，都忘記飲左幾多碗咯。
豆腐何解會滑到如此地步，邊度買架？沾上指天椒豉油滾燙入口，堅熱到颷眼水啊，超級星際好好食！鮮茄及紅椒全部被我食清光。
芫茜、芹菜我食唔到的，要挑走去。
突然發現有條不速之客，豆角？加料真客氣，當然唔好浪費食埋去啦。
生猛游水海蝦當然好食過淡口河蝦，不變的永恆定律，蝦肉爽彈無比加上有甘甜蝦膏。
花蟹依舊奀滋滋細細仔，新鮮就好辣鮮，蟹肉十分可口甜美。
花蛤滾起一開就要急急撈起，浸太耐過熟變韌變橡膠就慘慘喇。
肥美鮮甜爆汁有天然海水咸香，新鮮彈滑飽滿肥嘟嘟，雖然有少少砂。
大食的我淨食海鮮只得半飽，食埋生菜就飽飽滿足。
唐生菜爽嫩多水，本新不怎有菜甜味，待吸收湯汁後變得非常好食啊﹗想睇繼續睇睇有什麼生料供應，不過真係堅飽食唔落，放棄吧。
連小強都聞到香噴噴走過黎趁熱鬧，咁大膽同我爭食？唯有送您上路，請安息吧！蕃茄薯仔大魚頭鍋，見到個鍋已心知不妙，滴晒汗，慘慘豬 ﹗顏色好明顯不是天然真材實料的蕃茄薯仔湯，程瘀紅色，紅卜卜茄膏顏色，雖然大魚頭真的非常大，但都難掩我傷感既情緒。
我真係寧願實實際際用五六隻蕃茄連兩隻薯仔，加埋瘦肉或豬骨滾個湯出黎好過，十五分鐘已可以完成，打邊爐仲會越滾越濃添，依家除茄膏味什麼都沒有，單調悶死。
先處理掉大大隻魚頭。
煎到兩面金黃僻僻腥味才下湯，魚雲魚肉滑溜，鮮魚味可口突出，散發強勁茄膏味真的大打折扣，即刻淋上指天椒豉油就好多了。
最肥美最嫩滑的臉珠登只得兩舊，居然唔小心跣左舊落地下，勁陰功勁心痛呀﹗豆腐不及冬陰功湯豆腐般嫩滑，不過已好滿意。
薯仔炸過的，所以薯仔未能溶在湯汁之中。
炸薯外層鬆化，裡面非常粉口，炸薯味濃郁，但跟茄膏味道完全唔夾，不喜歡。
湯只有茄膏味道，沒半點薯仔味。
鮮茄同豆腐最好食，炸薯仔試左兩舊，其他全部放棄。
芹菜不吃的，全數挑走。
雞子，可狠的雪藏火雞子收 $68 蚊，巨形到豬腰咁大點食喎 ﹗細隻還接受得到，細隻先會好食，雞子一味大係無用架﹗雞子，細粒火雞子都非常大粒，未完全溶雪，亦無調過味，食開新鮮本地雞子根本接受唔到，既然叫左都要照食。
熱騰騰浸滿指天椒豉油才入口，咬開脆脆外皮，裡面水潤像肝，免強下嚥。
火雞子大得誇張，大得像異形，唔想食囉﹗重慶雞煲半隻大辣，耐心等候滾開就食得，開呀 ﹗白煙直衝香噴噴，齋睇賣相及顏色已一砌在掌握之中。
讓雞件沾上大量辣汁試試，現成外購的辣汁，就算加幾多香菜味菜配料都不能掩蓋其沒有靈魂的味道，失望啊﹗少少辣味有的，還帶有泰式雞醬的甜。
雞髀肉嫩滑啖啖肉厚厚的雞皮，雞胸雞背脊偏乾偏鞋，有爆炒過的芹菜、芫茜、青紅椒、指天椒、紅蔥頭，香味香氣有的但略為微弱。
青椒夠熟變得超級清香爽甜，比雞更加好味道，好好食﹗全部雞食晒，連青紅椒都無得剩，可以加湯打邊爐咯。
只有滾水無清湯？本身個汁已不夠濃郁，再加水真的沒有味道，靠晒您喇，指天椒豉油出動﹗安格斯肥牛，真的安格斯嗎？不太像樣喎。
牛味淡淡的，乾鞋似肉碎，不彈滑不香甜，烚 3 成熟、5 成熟到全熟，效果都係一樣，隨時本地肥牛會更好食。
肥牛肉，她來至神州？外觀已告知不是來自美國了 ﹗什麼都不容許雙併，鮮牛跟肥牛同價都不可以囉。
碟碟都大大碟，我得獨獨火爐想食多幾款都唔比，過份呀﹗牛肉味濃，牛油味都濃，粉紅入口也好，全熟入口都好，帶乾帶鞋平價貨，不過不失唔難食，只是太普通，湯底淡茂茂最好沾上大量辣椒豉油極速地消滅掉，完。
四寶丸，有 12 粒之多。
嬸嬸話無手打丸供應，只有鯪魚球係新鮮裝造。
腥味強勁霸道，豉油都不能掩蓋，硬食粒半，最後都要放棄，受不了。
豬肉丸爽彈超然，味道香甜出色，好好食。
牛丸，正常滑溜溜，微爽也不錯。
魚蛋，發泡膠質地，發出生水味道，皮韌而假爽，討厭。
藥材醉雞窩，遠遠已聞到酒香，滾起時氣味就更加濃郁。
大肥雞另上，半隻雞已經勁大份，最初我還以為比錯一隻雞添呀﹗獨獨晚餐求鬼其全部一次過掉晒落湯潛陣水，慢慢浸熟。
試碗頭啖湯，酒味濃而有重重藥材苦澀味道，清淡而單調，可能無肉無菜烚過，等打到最後再試試。
掉晒所有雞件大滾 5 分鐘後，落蓋再焗 5 分鐘，禮成可以起動喇﹗堅厚肉肥美，但又不怎麼有肥膏，雞皮只是厚一點。
雞髀肉彈滑無可抗拒，雞味甜美清香，泊得住新鮮雞的味道，雞胸雞脊肉綿略鞋，可接受。
白菜仔，因為菜吸油超勁，先撇撇浮在湯表面的油就一次過倒晒白菜仔，費事煩慢慢落。
立即再試試啖湯，勁澀好唔掂喎，難飲﹗立即挑走晒藥材先得，黨蔘、川芎、白芷全部無得留低，剩下紅棗、圓肉繼續餚湯，希望救得返。
其實都唔仔喇，大大棵白菜，再大少少直頭老添啦﹗專登烚多幾倍時間，我愛吃軟腍的白菜。
烚左段長時間，白菜仍然堅廷如新，照食吧﹗外爽內微軟，都可以啦。
質地有點粗糙，吸了湯汁再沾上大量指天椒豉油，味道不錯。
係時候揭盅，最後機會醉雞湯﹗係依隻味喇，香甜味濃，有紅棗有雞有菜味，味道蠻喜歡，熱騰騰連飲三碗夠晒滿足﹗白鱔片，鱔片切得那麼奇怪？細看之下，應該超級大白鱔。
勁厚肉先可以開雙飛成蝴蝶一樣，十分厚肉呢！賣相雜亂無章，唔知味道質素如何。
其貌不揚，但肥美香甜，肉厚彈滑結實，肉汁豐富可口。
鱔脂甘甜無比，使到鱔肉加倍甜美，滋味無窮。
清湯豬手煲，點解同胡椒雞煲一樣味既？湯底初時好淡，要打到最後先香濃甜美！咸豬手非常有彈力，肉質超級嚼勁，豬皮膠彈，枝竹、紅椒美味不錯。
一品鍋，自己的邊爐自己打！其實只係叫個鍋食之麻，好奇心驅使之下想探探有幾雜錦呢？豆腐勁滑，蘿蔔非常香甜多汁，魚雲好新鮮出乎意料，粉腸彈滑甜美，豬肚帶甜不澀富彈性，枝竹吸湯滑滑散發豆香。
鯪魚球微腥，略滑少彈，浸上大量豉油還可以。
咩粟米？乾爭爭，瘦猛猛，無味架喎？全部食晒，只剩三件豆腐仔，粟米勁難食要放棄。
一早預計會好飽，所以退回生菜不要浪費，好采無加餸，真係非常飽飽。
鯇魚鍋，有炸枝竹、白蘿蔔，仲有蒜子、芹菜、紅椒增味。
豬肚雞鍋、豬手鍋、一品鍋，都係用依個胡椒湯底，而且跟油鹽水浸蜆既湯非常相似。
滾起即時開動，先來幾口湯，滾熱辣胡椒味濃，飲得到的魚甜味，還有陣陣蘿蔔及油麥菜味道，好好飲呢﹗鯇魚腩一早用半煎炸方式將肉汁完全銷在裡面，一咬爆汁﹗外層酥香，魚肉滑溜溜，魚汁閃令令，骨少啖啖肉，淋上辣椒豉油享用，更是惹味可口，魚皮外脆內滑十分有趣。
蘿蔔切角滾左成個鐘都唔夠腍，切片會更好。
皮去得不夠深有點渣，不過蘿蔔肉非常甜美。
操得咁辛苦，奬勵下自己，獨滾靚魚鍋。
枝竹羊腩煲，耐心等候湯底滾開，出晒煙香噴噴啊，殺呀﹗腩肉連皮結實勁彈又爽脆，不乾不鞋。
另類的質感，要加點肉緊、加點牙力嘴嚼呢。
沾上大量腐乳入口，乳香吸引，惹味不濁。
羊肉沒什麼羶味，幾乎完全感受不到，炆得普普通通，質素滿意既。
估唔到我胃仔細細裝得落成個羊腩鍋，勁多肉得三四舊骨，抵食！枝竹又會咁硬既？不夠棉滑，使到吸湯力大減啊，趙落索索聲。
馬蒂爽甜，羊肉湯充滿馬蒂清甜香氣，熱燙燙入口完全停不了，全身暖笠笠，好好飲。
只有 one size 無細鍋，照食可也。
上水街市、大埔祥基較好食。
飲兩罐雪碧先夠喉，味濃多肉點都會較為頸渴。
淨南乳豬手併五香牛筋腩，牛筋超讚無得頂﹗係我最愛軟綿膠滑的質地，滑嘟嘟跣入口，嚥韌黏黏，五香味特濃入味。
牛腩香料味濃厚可愛，鬆化無渣彈彈，想象不到食得下喎。
豬手已去掉趾甲除去心理壓力，可以盡情享受。
肉多骨少真材實料，南乳味突出甜美，不過份不嗆喉不混濁，加上皮爽帶黏，骨膠原滿瀉，瘦肉鬆軟，損得十分滋味，好食好食。
依個南乳汁搭牛筋腩撈飯必定美味到震，兩三碗飯濕濕碎。
瑤柱肉鬆蒸水蛋，蒸品預計製作十分鐘以上，當然要耐心等候。
終於出爐滾熱辣送上，香噴噴好靚仔啊！深黃色蛋汁襯上光澤甜豉油，似足明亮皎潔的月亮，仲有蔥花點綴，不過我唔食蔥的。
急不及待先淺嚐幾口，熱到燙到嘴仔喎，不過越熱越好食，越熱越鍾意。
滑蛋可口嫩嫩，藏著美味嚥韌瑤柱肉鬆，淋上清爽甜豉油，跟飽滿飯粒融合，天神級戰力，萬夫莫敵，好食到跳舞啊！每口都甜美無比，每口都混有瑤柱肉鬆，足料無欺場，使我進入失控狀態。
要再來、要再來，不停地輸送入口，嚼得十分起勁。
但依然未能滿足我已暴走的食慾，要整碗飯掉到水蛋之中，高速地消滅殆盡！兒時屋企煮蒸水蛋，大家取夠後，我都係整碗飯掉到水蛋中撈勻，全數據為已有。
肉汁蛋汁湯汁混然天成，天下無敵。
幾熱都無用，燙到嘴仔甩皮都在所不惜，一啖兩啖三啖四啖，直至完全蒸發才能停下，飽飽大滿足。
菠蘿咕嚕肉，跟我幻想的離天萬丈遠。
咕嚕肉當然要肉感較強，骨感要弱，脆漿極少或是不用。
現在除了無骨外，跟本同生炒骨一模一樣。
炸得透徹乾爭爭脆卜卜，不喜歡啊﹗我要鬆軟啖啖肉的呢。
甜酸汁不錯，酸甜度剛好，不會嗆喉。
我居然食晒所有青椒，清甜爽脆熱燙燙，如果再熟一點就更好喇。
豉椒蒸游水倉魚，一條倉魚兩面質地，廚藝出神入化！索價 $120 蚊，價錢都幾貴，跟預計一樣較大條的。
最初叫豉汁，嬸嬸問要否加指天椒啊？梗係要啦，即轉豉椒蒸。
游水即叫即撈即劏即蒸，新鮮度不庸置疑生猛紮紮跳，耐心等候了 15 分鐘，隆重登場。
叔叔從遠處廚房徒手整碟送上，剛剛出爐滾熱辣，厚厚的豉椒醬塗滿倉魚，立即反轉先由底開始食，免得被豉油浸得過咸過熟或變霉麻，開動﹗先處理向底那邊魚肉，用筷子將骨肉分離，魚汁即時澎湃飛射，豐富的肉汁閃令令，迅速將一大舊背脊肉送入口，超級滑溜魚味香甜濃郁，夾雜著豉椒的香辣惹味，滋味無窮，拍爛手掌。
再向魚肚進擊，軟棉膠彈滑嘟嘟，真係神仙都企唔穩，無得彈呢﹗不用三分鐘半邊魚已一絲不掛光禿禿。
不能停下來，立即反轉繼續處理餘下部份，發現師傅係魚身開了幾刀，可以更入味更易熟，不過會使到魚汁大量流失呢。
魚肉明顯比底那邊結實帶硬，有點乾不夠濕潤，雖然味道稍遜幸好仍然美味。
最後頭頭尾尾都損得乾乾淨淨，屍骨無全。
及弟粥走蔥，好食過招牌雞腎雞粥。
粥底棉滑夠厚，可口雞湯底，粉腸彈滑甜美不腥嗅不苦澀不硬韌，豬膶軟棉微爽可口不乾不鞋，咸瘦肉鬆軟也不錯，仲諗住會有豬肉丸可以試試添。
清蒸游水金古，結實微滑魚鮮味特濃，魚肚膠膠黏彈滑有齊激正，居然連魚肝都有，甘香軟塾無比，全條魚都係寶，不得了﹗索價 $150蚊，有東星 $350 蚊喎，但不知為何突然縮一縮，平時真係諗都唔洗諗就叫咯。
油鹽水浸大蜆，食過多次都不知為何叫大蜆呢？普通蜆仔黎喎，雖肥美清甜好味道，但好多砂呢。
涼瓜田雞，我係要涼瓜田雞煲架！苦瓜腍到一劈，半溶狀態唔洗趙，要爽甜多汁而回甘先好食麻。
田雞肉實淨有點韌，嫩滑欠奉亦欠鮮味，味濃香口蠻不錯，不過無鑊氣。
前排天氣凍，朋友話帶我去食佢細個成日食既茶餐廳，話煲仔飯都幾出名。
不過我就唔太好煲仔飯，所以單點左個西檸雞+飯。
西檸雞一碟有都有~10舊大雞肉，每舊都係岩岩炸好出爐，熱辣辣。
雞肉非常滑嫩多汁，金黃色既下皮脆卜卜，即使浸到d汁都冇腍到。
而落左好多檸檬去煮既汁又唔會過酸，證明蜜芽糖份量拿捏得準確，用黎撈飯就一流。
而朋友叫左滑牛窩蛋煲仔飯，即叫即煲，飯夠熟，粒粒分明，但好奇怪地落哂成碗豉油都唔夠味。
值得一讚既係煲仔飯既師傅好用心，見到佢一邊煲一邊微笑，睇得出佢真心鐘意自己份工。
整體黎講，環境、餐具乾淨，小菜真係幾好食。
不過價錢偏貴，一煲仔飯、一西檸雞、一白飯，二人埋單都要$177同埋老闆態度再友善d就更好…
今晚從大陸過關回來, 上水好多食店都關了, 勁肚餓又想食飯, 即時諗起上水滙側榮發茶記,茶記係上水真係賣少見少了, 夜媽媽想食碟麻甩飯真係得佢咋~其實睇餐牌佢價錢係偏貴, 6070蚊一個炒野,7090蚊一個小菜, 簡直係酒樓價錢~但如果俾貴20蚊左右, 佢炒得好, 有鑊氣我又覺得OK喎~我知夜媽媽唔應該食D咁油膩野架啦~ 但係真係好鬼肚餓~我叫咗個排骨炒面, 個炒炸得好脆, 中間仲有D軟既面,個汁同排骨都炒面好香,好滿足的一個宵夜~
您對於上水餐廳「榮發粥麵小菜王」有何comment？
榮發粥麵小菜王餐廳詳細資料：
- 榮發粥麵小菜王地址: 上水龍琛路36號地下 榮發粥麵小菜王, G/ F,36 Lung Sum Avenue, Sheung Shui
- 榮發粥麵小菜王電話: 26703636
- 榮發粥麵小菜王價錢: $50以下
- 分類: 港式,粉麵,米線,粥品,茶餐廳,冰室,
- 座位: 未知
- 付款:
- FB專頁: 榮發粥麵小菜王 Facebook
更多榮發粥麵小菜王相關資料:
香港餐廳2023推介04月
為減低冠狀病毒病在大掌櫃內有任何傳播的風險，大掌櫃在餐廳內會盡力保持高水平的清潔及衞生標準。餐廳大掌櫃除了遵守預防及控制疾病的相關規例，大掌櫃同時建議採取以下措施*大掌櫃 黃, 大掌櫃 藍, (大掌櫃 黃藍 等意思黃店或藍店簡稱
常見問題 FAQ:
榮發粥麵小菜王在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內榮發粥麵小菜王應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳榮發粥麵小菜王建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
榮發粥麵小菜王餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳