韓風韓國特式小食專賣店 新蒲崗

韓風韓國特式小食專賣店 評價 相片

今次有幸得到食店既邀請, 出席該店既試食活動一向都對韓國風,特別係韓式食物情有獨鍾, 總要耐唔耐食一食韓式食物記得香港之前捲起一陣韓風,先係電視劇,再係韓國名星,令香港人令韓國食物亦多了一分特別既情感自己黎講，正式既韓國餐,有飯有麵既食得多,個人上倒係相對少試韓國既小食一黎係覺得主攻呢方面既食店相對唔多,質素亦未必高,二黎本身認為韓式小食味道可能都係差唔多,難見高下但今次到呢間用心既小店用餐後,確有令我對韓式小食有一個幾良好既感覺韓國既小食傳統黎講係做成前菜, 好多時韓國人會有好多個前菜,但的確呢種文化係香港未必有市場,皆因香港人生活節奏急促,唔會有好多時間去分前菜同主菜所以韓國既小食係香港搖身一變,變成係用黎當主菜/伴飯既菜式,演繳成為一種港式韓國文化,別有一番風味***一入到去韓風就有一分親切感,自動玻璃門打開就見到左右有兩排吧檯,中間係一個開放式廚房,店員同食客可以無障礙既溝通因為食店除左食物可以令食客返轉頭之外, 服務同埋店員同食客間有交流互動,亦係一個好吸引既地方, 而呢點韓風無疑佔有一個很大既優勢論食物, 食物款式多幾多元化,有傳統既,有FUSION既, 韓風亦有帶黎驚喜最欣賞既係呢間食店韓式既,亦有做FUSION以迎合香港人口味既小食全晚最驚喜既係青瓜同八爪魚看似簡單既現青瓜，非常清新可口，一食落去已經感受到青瓜水分很多，同一般食落硬身既青瓜高下立見八爪魚：好得意既係佢唔係一般平時食紅色細細既全隻八爪魚，反而係一個個吸盤凹凸分明，好粗身，切成一小段既八爪魚腳，從色澤上睇得出係好新鮮既，很有嚼勁，而八爪魚係每日新鮮訂既，所以好似都幾搶手，賣完就無泡菜: 呢度既泡菜係傳統既泡菜,比一般出面食到既,例如泡菜媽媽既鹹一點,辣一點泡菜製作過程都頗為一絲不苟,用既係一個鐵容器壓住大白菜,到第二日大白菜就會自然出水,再進行醃製,放入保存容器內存放發酵, 都花上幾多心機雲耳: 做得很不錯,配上微辣小酸既味道,很開胃,佢既雲耳比一般既大,食落係滑身既,好似海蜇變成一大塊咁,加上了一點點芫茜作調味,很開胃豬耳:食落很有膠質,一如正常既豬耳,中間既部分係較硬脆既,很嚼勁,平均都要咬5,6口大豆芽: 老實講,如果平時點菜,我基本上係唔會嗌大豆芽既,皆因唔係好鐘意食黃色一粒,好似豆哥部分,但呢隻大豆芽既黃色豆部分,係比一般既薄同脆既,加埋白色幼身既部分很FRESH,就食下偶而健康一下吧胡桃紅豆餅: 呢個係韓國既街頭小食, 紅豆餅外形很可愛,係一個明顯有凹凸紋路既波波,女仕見到都應該會幾鐘意食落係有很厚身既紅蓉, 用料唔吝嗇, 仲有一粒合核係底,唔會太甜,幾附合健康甜品既路線總括黎講,都真係對呢間隱世小食店既印象都幾良好, 最欣賞既係佢有做到"即整"同"新鮮"呢兩大原則,覺得佢係一間用料上盛, 用心製作既食店真心覺得而家香港既飲食市場很多時候都俾大財團壟斷, 反思我地不是正須要更多好似呢種用心經營既小店嗎?

不少朋友都愛韓式小食，不時走到尖沙咀韓國街選購。

我更為韓瘋，嚴味道不夠理想，多次自己動手製作韓式泡菜與小食，忙足一整天勞累非常，一眨眼便吃光了，但對味道也不甚滿意。

當晚機緣巧合來到新蒲崗，抱著不是行貨的希望來試食。

對新蒲崗非常陌生的我，只覺晚上7時多的爵祿街街燈不是太明亮，四周都是住宅，住宅樓下多經營著食肆，人流不太暢旺。

韓風是街舖，面積雖不大，幸好採用了開放式的門面設計，這樣較易吸引人的注意。

舖位左手邊的雪櫃展示了韓式小食，右手邊玻璃自動門內設有三排短短的吧枱，同一時間大概可容納56位食客。

與吧枱相連的是廚房，食客仿佛走進了迷你的 Sushi 吧進食，一邊可看到廚房的運作，廚師與食客、甚或乎食客與食客都是近距離的接觸，小店至珍貴的就是這樣親切和相互交流的空氛。

雪櫃內放滿了大大碗的泡菜小食，看得唾液驟增，精神為之一振。

招牌下掛有大大紅紅的餐牌，各式其式的韓式泡菜，小食，主食等一目膫然。

更有外賣到取熱線，中午相信可吸引不少 Office Lady。

泡菜有大、中、小盒三種選擇，大的接近一斤重。

欲多嘗試的話，可跟廚師溝通混合兩、三款不同的口味。

韓式年糕是韓風主食的熱賣之一。

年糕質感很煙韌，彈性充足，原來是從韓國訂購回港的，怪不得口感如斯的細緻。

橙紅的醬汁調製得很地道，跟在韓國吃到的質量沒有兩樣，香中帶甜、甜中帶辣，濃度恰好，更混合了紅蘿蔔絲及韓國魚片。

唯一不夠地道的，是辣度調得較輕，要不然大部份港人咀嘴巴也得噴火。

韓風的泡菜、青瓜、白蘿蔔是我最愛的泡菜款式。

泡菜是自家醃製，經過清洗、鹽醃、壓水多個程序後︳再經人手將由辣椒粉、韓式醬料、香料等特製的醬汁續塊葉片均勻地搽抺上，待發烤一星期左右始能食用，整個工序全是心機製作。

因此泡菜質感特別的鮮及爽，突出酸味與辣味很協調。

因青瓜較易出水不好存放，所以韓風不厭其煩每日新鮮製作。

從外表已可察覺青瓜特別的翠綠，瓜塊挺直。

入口即感到非常的爽脆，味道不會過濃，能吃出一份新鮮與清爽。

白蘿蔔一試後真不能停口，甜中帶酸加輕辣的味道滲透白蘿蔔的裡外，尾隨更傳上一陣蘿蔔的香氣，能平衡醃料與食材原味的泡菜確實不多，韓風的白蘿蔔真叫人驚喜！八爪魚是韓風人氣甚高的小食，10斤的八爪魚可於3天內賣光，客人多是預訂，事關八爪魚是從魚販訂購的新鮮貨色，供貨受季節及天氣影響。

一咬已感到那強勁的彈度，新鮮就是新鮮騙不了人，還有那突出的大小吸盤，口感非常特別。

而八爪魚用上燈紅的醬汁醃製，同樣的入味。

除辣度調低外，食味全是韓國餐廳的滋味勁兒，不是機器能及的標準！再來試一下兩款街頭小食：芝士味魚串，賣相恰似一條變肥了的韓式魚蛋，原來魚肉用了 100% 的黑鯛魚製成，不含麵粉、添加劑及防腐劑，中間釀有芝士，趁熱吃芝士還會流心的，很可愛！不放醬汁的話，可嚐到魚串的原汁原味，放上茄汁及芥末醬又是另一番酸甜的滋味，無論您愛哪一款吃法，魚串絕對不失為美味健康的小食。

除芝士味魚串外，另有原味、香腸、年糕及螃蟹4款的口味，看來每款均有其吸引之處。

合桃紅荳波波是要即叫即做，否則香氣會較遜。

甜甜的牛油香未吃已叫人心勳，軟綿的波波內有一小合桃肉，還有紅荳蓉，在韓國地鐵站當嗅到那份的甜香，便可知合桃紅荳波波就在附近了。

除韓國小食外，韓風特意做了一些較 Fusion 風格的小食。

大部份會先用鹵水汁烹煮，然後再混合韓式醬汁。

由於鹵水汁主調較甜，相對醬汁的味道就不是太明顯了。

*大豆芽是韓式泡菜類，味道清新、質感爽脆，兼沒有過鹹，簡單就是美。

韓風著重食材的選料與新鮮度，例如米飯選用台灣的壽司米，某些材料更從韓國訂購。

加上誠意的自家製作，吃的盡是的手功與精神。

所謂好的開始便是成功的一半，好的食材與嚴緊的製作當然是優質食物的元素。

大白菜在受壓後會滲出多餘的水份，每一個工序都不能苟且，才會製出美味的泡菜來。

韓風一分的耕耘，讓食客吃出地道的韓式泡菜與小食，不是清一色外購現成製品的味道，蘊藏了自家獨特的風格，畢竟質量才有保證。

放工經過見到開左間新野. 呢區黎講都算係好特別, 因為好少韓國shop, 佢既泡菜分大($45),中($35),小($20) 3個size, 我買左個中(16安士), 佢有6~8樣比你選擇, 我就選左最大路既泡菜+青瓜, 店主話已經開左一個月, 可能個位太側, 所以正正係屋企樓下都見唔到 =.=” . 個青瓜既醬雖然係紅色, 但原來唔係太辣, 我覺得偏甜tim. 而個泡菜真係好辣. 2樣都覺得爽脆, 味道唔錯. 而且分量都足. 都有80分既! 新裝修, 好似有堂食. 但見唔到有椅, 唔知係唔係比人企係度食呢? 而且分量都足

HA...第一次寫食評,琴日要去新蒲崗幫老細拎野,見有時間睇下有咩食,行過康強街,見到有一間食韓國小食同間聚寶(食海南雞)我諗左好耐,食邊間好呢@@食海南雞就一定冇死,但最後都係博一博試新野,入到去,地方真係細細地..心諗會唔會中招嫁 之後睇左一陣,決定左要一個韓式年糕,泡菜同8爪魚,我冇諗過個味道會做到咁!!!D8爪魚個味勁正,又彈牙!冇諗過,之後問老闆,原來佢話D8爪魚係日日新鮮入番黎,一個上午就賣哂,難怪,之後試過個泡菜都好好,最後決定打個包買多盒8爪魚番去.

您對於新蒲崗餐廳「韓風韓國特式小食專賣店」有何comment？

韓風韓國特式小食專賣店餐廳詳細資料：

• 韓風韓國特式小食專賣店地址:
  新蒲崗爵祿街98號A地舖
  Heng Fung Korea Food, Shop A, G/ F,98 Tseuk Luk Street, San Po Kong
• 韓風韓國特式小食專賣店電話:  
• 韓風韓國特式小食專賣店價錢: $50以下
• 分類: 韓國菜,小食店,
• 座位: 8
• 付款:
• FB專頁: 韓風韓國特式小食專賣店 Facebook

更多韓風韓國特式小食專賣店相關資料:

• 韓風韓國特式小食專賣店分店
• Youtube
• Facebook
• Twitter
• Google