紅山 尖沙咀

紅山 評價 相片

特長壽司6件 $68只係三文魚 & 鰻魚ok, 其他吞拿魚, 尤魚, 等等都極唔新鮮壽司飯太硬, 唔夠味銀雪魚便當 $70銀雪魚好好味, 係真正既銀雪魚黎嫁, (宜家好多地方都用其他魚, eg, 白雪魚, 當銀雪魚賣, 一食就知唔係銀雪魚) 便當連白飯, 湯,蟹子沙律, 3片 三文魚.d白飯好硬….海膽壽司 $40 ok, 海膽都幾甜, 但係其中一件d 海膽碎左, 都唔係一片一片.一客散叫的京燒銀雪魚 $70見冇咩好食, 就再食銀雪魚, 諗住散叫同便當都係$70, 照計散叫既銀雪魚會大件d , 點知係same size !!早之就叫銀雪魚便當啦, 就算d d白飯好硬, 起碼都有蟹子沙律&三文魚食下麻.** 佢個menu 上有壽司既相, 全部都係3件的, 但係問過waitress 又話一客係2件, 咁點解要d相係3件呢? 似乎有少少誤導喎total $270, 2 ppl

第二次來，原因同樓下一樣，本來想去domon食拉麪，但太多人，惟有過來這間。

上一次來是新開張不久，感覺不太好；今次覺得食物質素有改善。

义燒拉麪，海鮮拉麪，皆不俗：材料足、豬骨湯底夠濃，麪質夠彈性，唔會太淋；感覺不亞於domon。

壽司定食就味道一般，份量尚可，有十件壽司加烏冬及麪鼓湯。

環境亦不俗，服務態度則平平而已，要改善之。

(31/7/08)原本去Domo的,因為多人等位,轉移逛到此大廈。

誓要吃拉麵,便選了這裡。

一灌港式日本料理feel的店子,環境都算幾好。

壽司便當,刺身ok甜美、吉列蠔,炸得甘香鬆趣、金菇肥牛拉麵,拉麵略硬,湯唔夠濃。

求其食o下滿足下ok,不過應該唔會再來。

今次係我第二次去食了～服務明顯改善左～可能侍應多了的關係吧～食物都冇等得咁耐～值得一讚～但個經理就冇咩點改善囉，一樣黑口黑面～人多嚟食唔係應該開心咩？今次出左個希靈魚，味道幾得意唔錯，而我地叫了鍋燒烏冬，鰻魚炒飯，一品刺生，一口牛柳，鐵板和帶子，整體嚟講都唔錯．會再去的～但唔該個經理改善下la~

之前唻食過晚飯，印象唔錯。

今日同個同事唻食lunch，睇下有無分別先. 呢度有好多午市套餐，$38 ~ $68 不等，豐儉由人。

我同事要一個咖哩豬扒飯定食 ($42)，件豬扒大慨1.5cm厚，但係脆皮同豬扒既比例係2:3，對於怕熱氣既我唻講，呢個餐唔啱我。

我要咗個洋蔥牛肉定食($38)，因為上次晚飯食既一口牛柳同金菇牛肉拉麵既牛肉都好夠牛肉味，所以今次特別試下價錢平咗，會唔會畀啲次級牛肉我食。

牛肉本身唔差，可惜煮得太熟，所以口感差少少，不過味道搭夠。

希望今次只係廚師哥哥一時失手。

兩個定食都跟味噌湯、前菜同飲品。

前菜只係十多粒細細粒既青瓜，望落好小家。

反而佢切三、四粒大粒既會好睇好多。

飲品有樽裝氣水 (細支裝)，橙汁同豆漿。

橙汁當然唔係鮮橙汁啦，我反而想下次試下個豆漿好唔好飲呢?

紅山餐單提供日本菜, 壽司, 刺身等推介美食位於尖沙咀區，餐廳座位數未知人均消費約$101-200，結賬可以用Visa,Master,現金。

您對於尖沙咀餐廳「紅山」有何 comment？

紅山餐廳詳細資料：

• 紅山地址:
  尖沙咀麼地道31-41號海景大廈地下
  紅山, G/ F, F H P Shopping Centre, Mody Road, Tsim Sha Tsui
• 紅山電話:  
• 紅山價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,現金
• FB專頁: 紅山 Facebook

更多紅山相關資料:

• 紅山分店
• Youtube
• Facebook
• Twitter
• Google