Walter Bistro 觀塘

Walter Bistro 評價 相片

呢排酒店啲餐廳真係好抵，趁機會去Walter Bistro食咗個semi buffet dinner，除咗main dish之外仲有好多其他嘢食。

晚餐係$400 +1一位，但係四月份嘅優惠係有八折。

因為肺炎疫情嘅關係，本身應該係可以自助嘅嘢食，餐廳都選擇用上菜嘅方式，感覺會衛生啲，唔會經過咁多人嘅手，但係一啲比較容易處理嘅食物都係自助形式咁樣。

海鮮拼盤生嘅食物例如呢啲海鮮都會用上菜嘅形式，啲生蠔都幾大隻，而且食落好有海水嘅味道，質量幾好，另外啲青口都同平時買到嘅雪藏青口唔同，味道好夠，又冇雪未，識落非常新鮮，唔使落醬汁。

兩個人有原隻龍蝦，龍蝦有好多下高，味道好濃郁，蝦肉彈牙，隻鉗中好多肉一啲都冇縮到。

刺身壽司刺身壽司呢啲生嘅食物都係用上菜嘅形式，啲刺身幾新鮮，又夠厚切，特別係帆立貝，食落好creamy。

壽司方面啲壽司飯就略嫌凍咗少少，食落有少少硬，其實嗰餐都好夠嘢食，啲壽司反而唔上個飯會更加好。

沙律同埋甜品都係用自助嘅形式，最欣賞佢係芝士都有幾款揀，選擇好多，又冇將貨就價。

鵝肝多士呢個係今日大廚送嘅，鵝肝嘅外層煎得好香脆，裏面味道濃郁，無筋，我剛濃郁嘅味道滲到落去多事嗰度，配埋上面嘅士多啤梨醬，中和少少肥膩感。

香煎鴨胸伴薯蓉及蘋果蓉鴨胸非常厚切，好夠份量，火候略嫌老咗少少，變得乾身，但係呢個時勢最緊要乜嘢都係熟，除此以外其他都掌握得好好，特別係個蘋果蓉醬汁，可以中和到鴨胸嘅肥膩感。

個薯蓉落咗好多牛油，湧出一陣牛油香味，質感非常幼滑。

烤牛柳配新鮮時蔬個牛柳嘅份量好重手，好似Double左出面啲餐廳嘅咁，火候控制得好，加上個醬汁，令到成個味道好出，亦都好有juicy嘅感覺，牛柳上面仲配左一塊鵝肝，令到個味道更加複雜，而且成個菜式high class左。

甜品有好多選擇，重點係佢係有專人拎俾你，又係唔使經過咁多人嘅手，特別鍾意佢個芝士蛋糕同埋焦糖燉蛋，個芝士蛋糕質地非常厚身，用了好重，有濃郁嘅芝士香味，好耐冇食過唔係玩鬆軟口感嘅芝士蛋糕。

另外仲有movenpick雪糕食，呢度真係完全冇將貨就價。

和朋友聚餐， 同事推介觀塘巧明街Holiday  Inn 裏面嘅 <Walter Bristo>半自助晚餐套餐， 除咗酒店級嘅舒適環境， 食物質素， 現正做推廣優惠， 晚餐每位$398第二位半價， 仲有全單八折。

半自助形式， 衛生起見， 主要係沙律 ，湯品和一兩款熱葷。

甜品專櫃更有專人 幫你， 唔需要太多人又開又閂個櫃门交叉感染。

其餘主菜，海鮮拼盤，刺身和壽司都係另上。

飲品有蘋果汁和橙汁。

沙律bar 蔬菜新鮮嫩綠， 還有冷盤，凍肉， 芝士， 有三款醬汁， 來一個自由配搭～！👍中試燉湯， 茶樹菇排骨，夠足料滋補！另一款是西湯甘筍湯酸酸地， 配烤過嘅法包👍有兩款熱葷， 咕嚕骨唔錯。

先嚟嘅係壽司， 其實冇得選擇之下我覺得份量好多， 有些款式也不是我平時吃喜歡吃的。

刺身嘅帶子非常鮮甜厚肉！ 三文魚刺身肥美！主角海鮮拼盤出場😍 陣容非常鼎盛。

二人份量有一隻龍蝦，花蟹，翡翠螺 ，海蝦 ，六隻生蠔。

生蠔唔算好肥美，不過食落爽脆，鮮甜！ 龍蝦也有很多蟹膏但肉唔算甜。

花蟹肉質結實飽滿， 海蝦彈牙爽甜， 翡翠螺食落唔腥，肉又夠爽甜， 唔韌。

整體唔錯，抵食啦三百幾蚊嘅套餐有咁豐富嘅海鮮拼盤～！和海鮮拼盤搏鬥完，主菜來了。

因為龍蝦意粉和香煎鱸魚 當日也沒有， 我哋揀咗《西班牙黑毛豬佩普羅斯旺雜繪》， 黑毛豬肉質 柔軟， 一啲都唔嚡， 有慢煮嘅效果～另一款主菜《 烤牛柳配新鮮薯蔬》。

七成熟牛柳 烤得啱啱好！ 切開仍有肉汁，肉味好香濃 ，滲出淡淡嘅牛油香， 吃到差不多半飽也感覺 味道出色嘅牛柳！👍 還好份量真係唔算太多～ 需要留返少少空間 吃甜品。

記得試佢啲焗麵包布甸， 好有蛋香又唔會太濕， 非常美味。

蛋糕嘅款式唔算好多， 但都精緻美味。

蜜桃奶凍， 木糠布甸，桂花大菜糕味道唔錯。

再加這個 movenpick 士多啤梨雪葩～ 夠曬滿足了！餐廳環境優雅舒適， 疫症期間入座唔算太多人， 鬧市旺區中難得嘅寧靜。

Walter Bistro裝修浪漫，Tiffany Blue的牆身，配上酷似的雲朵玻璃燈，充滿少女心。

Set Dinner semibuffet現時優惠，第一位$398，第二位$218（雙數計），所以一家過來慶祝母親節。

半自助晚餐可同時盡享海鮮盛宴，和美味主菜，令人食指大動。

海鮮拼盤有時令的花蟹、龍蝦、彈牙的大蝦和海螺等，真是鮮味大集匯。

蟹肉鮮甜，入口嫩滑。

龍蝦肉質彈牙，內有艷紅蝦膏，充滿鮮甜香氣；大蝦晶瑩，口感爽彈。

生蠔圓潤，質地白滑，帶輕柔海水味，十分誘人。

還有炭燒生蠔，生蠔配上焦香煙肉，惹味吸引。

除此之外，有日式刺身及壽司拼盤，帶子圓潤滑溜，著實不錯。

熱葷區有：白酒煮蜆、椰香咖喱雞、炒雜菜及多款熱湯，很喜歡茶碗蒸，蝦肉鮮甜芳香，全都滲進蛋白中，啖啖香甜。

姬松茸燉湯火候充足，每口盡是甘甜菇香，喝完有暖笠笠的感覺。

還有多款沙律配菜，結合成滋味頭盤。

不得不提鵝肝多士，煎至外脆內軟，入口酥香，油分充沛，令人舔舔脷。

Semi Buffet每位可選一份主菜，烤牛柳厚切、肥美，肉汁豐厚，香濃肉汁在口中回盪，配上一球綿密薯蓉，口感細膩吸引，是雙重美味。

西班牙黑毛豬扒腍身，肉質嫰紅，豬仔骨邊沿位置焦香，肉香特別濃郁，愈食愈滋味，加上綿滑薯蓉，啖啖香嫩。

甜品櫃裏包羅萬有：焦糖燉蛋、木糠布甸、baileys朱古力蛋糕、Tiramisu、桂花啫喱及藍莓芝士蛋糕等，真想把全部吃進肚子。

焦糖燉蛋令人回味，香脆的焦糖衣，配上軟滑custard，香濃可口。

藍莓芝士蛋糕清新消膩，洋溢乳酪香。

最後食熱辣辣的麵包布甸，充滿牛奶雞蛋酥香，入口蓬鬆，滋味滿足。

今日同媽媽出觀塘買點東西，大家好耐冇食過自助餐，觀塘這酒店西餐廳有半自助餐，第一位$398，第二位$218，價錢非常合理，有海鮮又有刺身，主菜都非常吸引。

酒店開業未夠兩年，餐廳裝修雅緻，樓底高，光線充足，環境十分舒適，印象分已經加了。

侍應招呼我們坐靠窗位置，落地玻璃望到街景 感覺寫意，媽媽都忍唔住影番幾張打卡相。

先來一碟厚切刺身，帶子鮮甜可口，三文魚非常吸引。

然後是一大盤凍海鮮，包括生蠔、龍蝦、花蟹、翡翠螺、青口及大蝦，賣相好吸睛，份量好足夠。

生蠔好新鮮，加少少檸檬汁更顯鮮味。

龍蝦好多膏。

凍花蟹是最好美味的，啱時間啱季節，鮮甜蟹肉充滿蟹膏，美味極了。

翡翠螺、青口及凍蝦都忍唔住食曬。

食到呢個位已經大半飽了。

主菜有幾款肉類，有牛有豬有魚有鴨有龍蝦，選擇種類好豐富。

媽媽少吃牛，她選擇了香煎鱸魚，魚皮煎得香脆可口，魚肉軟滑。

我自己喜歡西班牙黑毛豬扒，一上枱嚇一跳，好大支豬骨，擺放得好有技巧，賣相好吸睛， 媽媽都忍唔住搶著拍照。

出面嘅熱點仲有咖哩牛腩及炆牛尾也是我的喜好，媽媽吃了個日式茶碗蒸卡，好欣賞蒸得好滑好香。

到甜品時候，個胃已經冇乜位冇乜空間，我見麵包布甸香噴噴熱辣辣忍唔住要了一角，吃完雪糕才發現仲有自己最喜歡的焦糖燉蛋在甜品凍櫃內，給自己機會下次再來光顅先得。

小鬼快將生日，當然要外出吃頓飯慶祝一番。

年輕人向來活力無限，而且食力亦比人強，就一於去食自助餐啦！其實一早已經 bookmark 咗觀塘智選假日酒店 1 樓呢間「Walter Bistro」，餐廳晚市供應半自助晚餐，包一個自選主菜、海鮮拼盤同壽司刺身，另外自助區就有沙律、芝士、凍肉、熱盤、甜品等供應，全部都係任食。

至於價錢方面，其實都算親民，餐廳依家做緊 85 折優惠，如果用指定信用卡更可享低至 8 折，是觀塘區自助餐之選。

點完主菜後，服務員就會隨即為客人送上海鮮拼盤同壽司刺身。

海鮮拼盤陣容相當豐富，除了有來自法國的生蠔外，還有波士頓龍蝦、翡翠螺、熟蝦、凍蟹和青口，份量十足。

生蠔肥美結實、蠔味細膩有層次；龍蝦蝦膏滿溢，食落鮮甜 Q 彈；翡翠螺肥厚實在，入口極具口感；熟蝦甜而柔軟；青口亦正值當造期，味道分外清甜，全部都好有質素。

壽司刺身水準亦不俗，刺身款式雖然不多，只得三種，但全部都非常鮮甜，三文魚色澤鮮明，肉質堅挺，而且融雪處理非常好；吞拿魚油潤有咬口，而帶子肉質亦柔嫩細緻，讓人食指大動。

壽司同卷物嘅款式就比較多，有成 6 款，不過由於要留肚吃主菜，所以只係淺嚐咗幾款，整體味道都唔錯，用料新鮮，飯醋嘅味道亦唔會太搶。

主菜方面，我哋揀咗西班牙黑毛豬扒配普羅旺斯雜燴同香煎石斑魚柳配薯蓉及新鮮時蔬。

豬扒肉味好濃，帶黑毛豬獨特油香，肉質嫩滑，咬落腍身有口感卻不韌，咀嚼間更滲出肉汁，而且還有普羅旺斯雜燴 (Ratatouille) 作配菜，十分地道。

至於另一客主菜香煎石斑魚柳配薯蓉及新鮮時蔬亦做得頗出色，魚皮煎得很香口，魚肉剛剛熟，既滑溜又結實，入口啖啖肉，而且調味不重，能表達食材的原始鮮味。

配菜有薯蓉、玉米筍、甘筍仔同露筍，味道簡單，清新不膩滯。

另外自助區除了有之前提過的沙律、Cold Cut、熱葷等之外，還有兩款中西湯同燉湯供應，全部都係任取。

是晚燉湯為姬松茸瘦肉湯，燉湯清甜滋潤，姬松茸很爽口，味道香濃！最後當然不少得甜品，甜品櫃內有多款迷你蛋糕，另外還有雲呢拿焦糖燉蛋、木糠布甸、蜜桃奶凍同桂花啫喱，全部都的的骰骰，賣相精緻，食多兩款都唔怕滯，不過記得要留肚食埋 MÕVENPICK 雪糕先走。

雪糕有兩款口味，我揀咗士多啤梨，雪糕細膩幼滑，入面滿佈士多啤梨粒，酸酸甜甜，食完真係超級滿足。

Walter Bistro餐單提供多國菜, 自助餐, 酒店餐廳等推介美食位於觀塘區，餐廳座位數120人均消費約$201-400，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 69000502 查詢。

您對於觀塘餐廳「Walter Bistro」有何 comment？

Walter Bistro餐廳詳細資料：

• Walter Bistro地址:
  觀塘巧明街97號智選假日酒店1樓
  Walter Bistro, 1/ F, Holiday Inn Express,97 How Ming Street, Kwun Tong, Kwun Tong
• Walter Bistro電話: 69000502
• Walter Bistro價錢: $201-400
• 分類: 多國菜, 自助餐, 酒店餐廳
• 座位: 120
• 付款: Visa,Master,AlipayHK,支付寶,現金,AE,銀聯
• FB專頁: Walter Bistro Facebook

更多Walter Bistro相關資料:

• Walter Bistro分店
• Youtube
• Facebook
• Twitter
• Google