和記 元朗

和記 評價 相片

難得衛斯里同小妹都唔洗返工一起身就去左華嫂附近一間食店食早餐嚕和記同華嫂都有一段距離架！去和記既路都幾曲折，要九曲十三灣先去到如果唔係衛斯里先前已經探定路睇黎我地都要花費ｄ時間先搵到因為和記門口係無招牌架！差唔多去到和記就已經聽到好熱鬧既嘻笑聲去到門口，噢！唔講真係唔會知佢係一間食肆黎！搵到位坐低左姐姐就走過黎落單佢地既餐牌係掛係牆上既所以坐得較遠既我地就要行埋去睇下先啦小妹叫左皮蛋鯪魚肉通心粉（＋芫茜）＋凍檸茶衛斯里叫左蕃茄雞翼牛肉一丁麵＋凍奶茶為食既我地又點會叫咁少呢嘻嘻，後追加左一份碎蛋沙律火腿三文治小妹既皮蛋鯪魚肉通心粉先黎老闆一ｄ都唔慳！好多鯪魚肉同皮蛋呢！鯪魚肉大大舊 漲卜卜通心粉係全滿，好大碗大食既我都食唔晒呀湯底比較淡，似媽媽既煮法（清淡，健康）雖然有皮蛋芫茜作伴但係因為唔係用皮蛋芫茜黎作湯底，只係將佢地放埋一齊煮所以味道上較華嫂失色而小妹既凍檸茶不過不失啦後加既三文治係第二到可能係烘底三文治小妹期望個三文治係有溫度但係唔知係咪因為饀料係凍食（碎蛋沙律、火腿、蕃茄、生菜）所以個三文治係凍既？小妹對食既要求第一係食物既溫度所以縱然件三文治饀料多，內容豐富但係小妹都唔係咁欣賞大概小妹都係只喜歡食熱食既食物吧不過衛斯里就對個三文治讚不絕口！睇黎，每個人都食物既要求同味道都唔一樣既衛斯里既蕃茄雞翼牛肉麵係壓軸Wow！色水唔錯啵紅紅既蕃茄湯，每一啖湯都有蕃茄蓉而且味道一ｄ都唔人工同唔味精飲完唔會好口渴不過蕃茄湯都係配其他粉麵較為適合小妹總認為一丁麵係應該配返麻油味架！見衛斯里個湯底咁好味，小妹都偷左唔少啖黎飲而衛斯里既凍奶茶奶味較重，所以比較滑小妹都係鍾意茶味濃ｄ既和記同華嫂供應既食物大同小異不過味道上，華嫂就比較濃味但係和記價錢就相宜好多。

當日本來係想去華嫂既，但11點左右去到華嫂時，要等成十幾張檯，仲要等15分鐘都冇叫過檯號，咁等落去真係唔係辦法。

後來靈機一觸，諗起朋友講過話附近有一間賣相同食品既店舖，即刻打電話問地址啦!和記位於由華嫂一路行番出馬路，過馬路後的一條小巷內，到達時已滿座，但冇人排隊，所以等5分鐘左右就有位喇!食物方面，款式真係同華嫂好相似，我地兩個人叫了一碗蕃茄湯底餐蛋米，一碗皮蛋芫茜湯底豬潤煎魚餅米，一個招牌菠蘿飽。

個招牌菠蘿飽的味道簡直同華嫂冇分別，而同行朋友就覺得個皮蛋芫茜湯冇華嫂咁濃，但我自己就覺得個蕃茄湯跟華嫂一樣咁好味。

所謂時間就係金錢，比我揀，下次我會選擇去和記而放棄華嫂喇! 

屏山的食店有一個共通店.即叫即煮..不過人客多左..就會出現缺點..今次我發掘另一間的位於屏山的食店..末出名加上在隱蔽的地方.人客自然不多.99%係屏山居民.....我進食的期間.也有不少人買外賣..如果..趕時間的人.到屏山.呢間店係一個好的選擇..食物5分鍾內出現首先教大家點搵呢間食店..首先會見到一個港鐵巴士站的牌.從冷巷行入去2分鍾.會見到圖中的屋..上幾級樓梯就到..由天水圍方向來呢間店..就見到屏山盆菜個招牌...從呢個招牌直行入去5分鍾.都會見到圖中的屋..記住係無招牌.要行入去坐低先知道呢間店叫和記...感覺就似在家中進食食物的價錢...粉麵16至20元....湯底有得選清湯.忌廉湯,芫茜湯....而飽價錢...710元...飲品.716元....近來食物.飲品.加價1元.......而我見到黑白淡奶...好鍾意...我好鍾意黑白淡奶隻牛..哈哈..!認真的:黑白淡奶沖的飲品..味濃.不會太甜...只是成本貴...餐廳為減低成本而棄用....我點了凍華田....同餐蛋通..服務:我不是熟客.加上男女有距離無理由同我一見如故...不過點完菜派報紙.雜誌俾我睇...呢點令我好驚喜..而男店主...有4個女人傾計.男店主都有插口,不過...俾我感覺不懂表達.機本上有禮....凍華田:11元冰少..華田粉都多..沖到8成滿.加入黑白淡奶....飲落味道什濃.奶味不會蓋過主角華田...好飲....餐蛋通.15元.實不相暪.煮呢碗通粉大廚係一個印尼姐姐....呢位印尼姐姐有水準.餐肉熱辣辣.香口.卜卜脆...而且少油.而太陽蛋無黑邊..蛋汁流出來..好香...而通粉好彈牙,加上有不少生菜...值得一提呢碗通粉好大碗...細食2個人食一碗都得...我大約進食了十多分鍾....呢碗通粉都是好熱的....呢位...印尼姐姐掂...識訂貨....廣東話流利...煮食水準好高........抵讚

被電視推介為香港美食...真係聞名不如見面咁岩打完通宵牌....去食返個早餐....可惜無咩胃口但到試左"傳說中"老細自創健康版"鮮茄旦波蘿油"包面係幾香....但食落無咩野...只係夾多左隻旦同兩塊蕃茄反而仲有啲食得幾雞手鴨腳...唔大啖啲既話啲包皮仲會跌晒落黎試過....便算...連自己屏山原居民也說其實都係普通士多餐廳一間

去到元朗, 好多嘢食嘅天下. 市區食市多不勝數, 不過大多數係其他地方都有嘅分店,冇乜特別,於是嘗試到元朗其他地方找尋美食. 之前有個住屏山的朋友講過, 屏山有間隱世茶餐廳, 位置於"書室"附近, 即係好出名嗰間"屏山盤菜"行入去後左轉, 佢地杯奶茶絕世一流, 食物新鮮, 所以一心想去搵下試一試啦! 在元朗坐K65到坑尾村站落車, 從小巷飄出一陣茶香, 便沿小巷入, 發現一間沒有招牌嘅餐廳, 茶香就係從依度飄出黎, 餐廳雖沒有"豪裝", 但乾淨衛生 o 嗰度地方唔算好大但一睇就知係歷史悠久, 食物奶茶好味馳名, 只見客人不絕, 個個同老細都有傾有笑,深受當地人歡迎. 咁我當然一定要叫番杯奶茶試一試, 果然一流! 奶茶味夠又滑.佢係我飲過咁多間(包括成60幾蚊杯嗰間) 當中最好飲嘅. 呢間隱世茶餐廳嘅奶茶已成我心中第一位!再order咗個墨丸烏冬, 佢地會問湯底要唔要加元茜, 唔洗加錢架! 依家通脹咁嚴重, 邊有嘢唔洗加錢架, 但依度就係免費! 墨丸絕"正", 好鮮好有味, 烏冬彈牙! 多士用新鮮麵包做, 蒜蓉香, 麵包鬆軟, 蒜蓉多士香味飄揚, 脆卜卜, 食一個一定唔夠喉, 你自然不自覺叫多幾個食... 再問下店主有咩招牌好食, 介紹咗"鮮油菠蘿加太陽蛋", 果然屏山的朋友無講錯, 新鮮出爐菠蘿包加出奇的大嘅太陽蛋, 裡面d蛋黃新鮮到流出黎, d牛油又係慢慢流出黎,超好味呀~ 我雖然住葵涌, 成日好掛住佢地d食物, 而家個個星期六都要去食先安落...... 價錢超平值得推介嘅係: 凍奶茶 $10.00熱奶茶 $9.00蒜蓉多士 $ 7.00鮮油菠蘿加太陽蛋 $ 10.00墨丸烏冬 $ 19.00 大家值得去試, 但留意佢地開鋪時間:Mon to Sat: 7:30 am to 1:00 pm then open again at 2:30 pm to 5:00 pm.

您對於元朗餐廳「和記」有何comment？

和記餐廳詳細資料：

• 和記地址:
  元朗屏山塘芳村
  和記,  
• 和記電話:  
• 和記價錢: $50以下
• 分類: 港式,粉麵,米線,茶餐廳,冰室,
• 座位: 未知
• 付款:
• FB專頁: 和記 Facebook

更多和記相關資料:

• 和記分店
• Youtube
• Facebook
• Twitter
• Google