春秋火鍋 銅鑼灣

春秋火鍋 評價 相片

記憶中, 溫哥華的春秋火鍋係在 West King Edward 及 西24街的; 細個倒去了好多次, 當年什至在那裡撞倒哥哥添, 我在那裡攞了他簽名, 隻親筆簽名ｃｄ　仲在家中呢.禮頓道這間開了幾耐exactly 都唔記得了; 但都已來過三四次了.今天和媽及兩妹及雲迅來, 坐樓上. 叫了豬骨湯底+ 麻辣湯底;當然要叫不能少的雪花肥牛, 牛肉粒..之前食過丸, 覺得不錯, 也點了.菜方面, 有高山娃娃菜及西洋菜.豬豬女友之前說過最好先滾菜才滾肉, 咁d肉的肥油便不會沾染d 菜;但今日見碟牛好正, 忍唔住食了片牛肉先~點少許生蒜辣豉油, 呢冇入口即溶咁勁, 但真係正呀~ 麻辣不算太勁的, 但都有出汗架.食舊豬骨底的栗米, 好甜, 正.牛肉粒太肥, 如滾走晒d 肥已好韌, 我唔喜歡, 大妹倒好愛...丸新鮮, 牛和豬肉丸都好食, 冇筋的, 正菜都新鮮. 我食了不少.之後媽再叫手切牛肉, 諗住冇咁肥咁話; 但一上, 嘩, 係鮮紅的, 滾一滾, 一咬, 喂, 係有野招呼過的. 勁淋. 完全冇肉的 texture 美中不足呢.如果豬和我今後來便好了...服務很好.

月頭來了這裏打邊爐,突然醒起未寫食評添,朋友來過一次覺得好正,所以提議來這裏食,我們五個人訂左位,這裏不算大,如果唔訂位未必會有位,8點不算太多人,我們點了一個沙嗲加清湯底,食物叫了:雪花肥牛好味呀,不肥,好溥的一片花菇幾好,多大隻四寶丸這個有牛,墨丸,蝦丸,貢丸,呢個好好味,蝦丸好正,真係成隻蝦係入面架,好爽甜鮮腐竹都好滑桶蠔冇食,不過朋友說一般金菇普通雲吞都好味呀,有啖啖蝦肉九菜餃好味呀,好多料,有九菜跟肉生菜一般尤麥一般這裏價錢較貴,但都幾值的呀!

電池爐放檯布底, 環境不錯, 服務幾好, 食物質素高, 所以價錢幾貴.手切肥牛 肉質一流, 嫩滑, 牛味少但也算好好桂花蚌 OK四寶丸(蝦.墨魚,牛,豬) Ok. 有特色, 吃得過牛肉粒 有牛味但太細粒, 都吃得過羊肉 一般Overall 算貴但質素幾好, 所以可以接受

天寒地凍, 鼻子又不聽話了, 所以最好的食療是熱辣辣的火鍋吧!環境不錯, 服務也可以, 食物質素高, 所以價錢也不低.不想太熱氣所以叫了香荽皮蛋湯底, 附奉上了一磚滑豆腐.醬汁有豉油, 蒜蓉, 辣椒片和沙爹醬. 用沙爹醬點豆腐最好, 其餘配料也只用豉油加少許蒜蓉及辣椒調味, 因不想蓋過其原味.細肥牛片, 脂肪紋理很均勻, 只滾幾下, 吃落嫩滑無渣, 但肉味不夠濃.桂花蚌鮮甜肉爽, 好吃啊!手打四寶丸有蝦丸, 墨魚丸, 牛丸和豬肉丸, 最正是蝦丸, 食到新鮮蝦段, 仿似食鮮蝦肉似的.西洋菜無渣鮮嫩.食完暖粒粒, 臉也紅紅的.

天氣開始冷，又是火鍋出動的日子。

這裡和其他火鍋店不同之處的桌面用上了電磁爐，那就可以用桌布，感覺上乾淨了很多，也不用擔心會盪傷手。

新鮮的鮑魚好抵食，不過我會胃痛無奈放棄。

只點了1. 手切肥牛2. 魚腐半份3. 四寶丸半份4. 豬潤5. 唐蒿菜牛肉有兩種，一種成條狀，另一種是片狀，點了片狀那款手切肥牛，牛肉是美國牛肉，吃起來較其他店柔軟，問經理，原來有秘方，不過人家的秘密還是不要在這裡公開的好。

魚腐是經理推薦的，限時供應，從外地進口人手造，忘記了魚的名稱，比其他店好但沒有甚麼太特別之處，而且頗貴。

四寶丸倒是不錯，和輝哥的一樣各有特色。

要狂讚的是他們的豬潤，真係好味的不得了！新鮮，彈牙，切的厚度有嚼勁，浸多久也不老。

美味的一餐，提醒各位，人客太多，晚飯時段這裡分兩輪，最好電話預約。

春秋火鍋餐單提供港式, 火鍋, 中菜館等推介美食位於銅鑼灣區，餐廳座位數120人均消費約$201-400，結賬可以用Visa,Master,現金,AE。

您對於銅鑼灣餐廳「春秋火鍋」有何 comment？

春秋火鍋餐廳詳細資料：

• 春秋火鍋地址:
  銅鑼灣禮頓道26號
  Spring Autumn Hot Pot,  
• 春秋火鍋電話:  
• 春秋火鍋價錢: $201-400
• 分類: 港式, 火鍋, 中菜館
• 座位: 120
• 付款: Visa,Master,現金,AE
• FB專頁: 春秋火鍋 Facebook

更多春秋火鍋相關資料:

• 春秋火鍋分店
• Youtube
• Facebook
• Twitter
• Google