厚福館小廚 九龍城

厚福館小廚 評價 相片

在飲食雜誌看到此館的介紹，就在生日的大日子，一家人去吃過生日晚餐！誰料他們有一味『背脊骨』來賀壽！我們大概7時到步，並立即order 了一個話係招牌菜的『蒜蓉花雕蒸肉蟹』、富士蘋果羊腩煲、梅心豆腐及一個炒菜。

隨後就送來了羊腩煲及炒菜.......直等到8:15分，仍未有其他餸菜上，就問一問個侍應，為什麼肉蟹及豆腐至今仍未送到，他竟回答說：『是呀！我剛才送錯了給其他客人呀！你們係咪仲要，我而家同你落單！』...... 眾人O 咀！！他既然知道送錯，為什麼不主動告訴我們，而是等到我們問的時候才通知，更甚者竟然問我地仲要不要，而家才落單！！！我們已經等了一個多小時的蟹，已送了別的客人，我又沒有說過不要，又沒有說過取消，我不要，我還有甚麼可吃的！？？？我們點了4個菜，有2個送了別人！！！再番查單據，跟本就沒有寫錯，那麼錯在那裡？？？今天，這樣的服務態度真的不得了！再說那羊腩煲，配富士果是很有創意，但羊腩是『梅』的，根本就不是炆出來，是『偶』出來的，應該是『偶』了23天的貨式！！除此，就再沒有可以評食的了，因為就只有吃了這一煲！我相信我們一家這一生，再不會再去！

估唔到隔咗短短數星期，會出咗一篇截然不同嘅食評...上次食過大讚，今次帶埋一眾好友嚟，可以試更多嘢...點知出事嘞...叫個炆花尾躉頭。

魚經走油後皮雖甚脆，但炆得一D都唔入味，乾爭爭，印象大打折扣...再嚟生炒骨，用嘅係腩排，係對路嘞，炸得亦脆口，可惜甜酸醬完全不夠，色水完全欠奉，食落直頭係冇嚟味道，唔好講話有"掛醬"效果la，應該叫"冇醬"至真。

越食越有D似食緊炸排骨，簡直豈有此理....老友食家叫嘅蝦米醬牛肋肉，本應甚惹味，但個醬調味一味死辣，完全食唔到蝦米獨有香味；咬一口牛肋肉，竟然食到淡淡嘅梳打味，可怒也....上次食過嘅原籠雲耳杞子淮山蒸雞糯米底及奶油蟹(上次係食蝦)可幸保持水準，否則返屋企一定要煑杯麵食...梅菜芯蒸豆腐係全晚唯一可取嘅新菜 梅菜芯不死鹹，豆腐夠滑，伴飯一流...但又如何呢?極失望...

昨日我同家人共6 人一同去這間小廚吃飯,地方略為難找, 店面唔算太大,但坐得舒適, 我地問waiter 有什麼好吃, 佢介紹了白灼九蝦, 清湯崩沙腩, 瑤柱花膠浸莧菜, 生炒骨, 荷葉雞(糯米底), 炸豬手等, 而我都叫曬佢d 推介, 以下是我對d 食品既comment: 1)白灼九蝦 蝦仔細細, 估唔到那麼多糕, 灼d 時間set 得好,剛熟, 正!2)清湯崩沙腩 D 牛腩好得, 滾久一點, D 湯仲正.3)瑤柱花膠浸莧菜好清, 食菜時有D瑤柱花膠碎一同食, 正.4)生炒骨 通常有汁D排骨會好快唔脆, 但唔知佢地點做, 我隔了一會兒吃, 仍然好脆.5)荷葉雞(糯米底) 我個人覺得D糯米比較濕, 但勝在味道正,用荷葉包注D雞/ 糯米/ 龍眼肉/ 杞子/花雕酒一起蒸, 感覺好補身. 6)炸豬手佢地將南乳汁分開上, 豬手炸得好香又唔干身, 須然好熱氣, 但一定要食.食了那麼多野, 唔見口干, 味道似家常菜, 唔覺又味精,好健康, 好適合現代D人吃.

厚福館小廚餐單提供港式, 中菜館等推介美食位於九龍城區，餐廳座位數未知人均消費約$51-100，結賬可以用Visa,Master,現金。

您對於九龍城餐廳「厚福館小廚」有何 comment？

厚福館小廚餐廳詳細資料：

• 厚福館小廚地址:
  九龍城南角道58號地下
  厚福館小廚, G/ F,58 Nam Kok Road,, Kowloon City
• 厚福館小廚電話:  
• 厚福館小廚價錢: $51-100
• 分類: 港式, 中菜館
• 座位: 未知
• 付款: Visa,Master,現金
• FB專頁: 厚福館小廚 Facebook

更多厚福館小廚相關資料:

• 厚福館小廚分店
• Youtube
• Facebook
• Twitter
• Google