韓味 上環

韓味 評價 相片

上環的韓味這家店看見了很久, 都沒有去過, 今天終於有機會, 我們二人訂了位, 要不就要等位了, 店裡都坐滿了, 店長是韓國人, 店員十分忙碌, 沒有特別的招呼, 半自助的形式, 坐了半天才知道是自己出去拿前菜, 前菜有很多選擇, 有泡菜蘿蔔, 蛋卷, 豆腐, 菠菜, 薯仔沙律, 西蘭花等, 還有湯, 可以自行添食, 大胃王就最適合, 味道一般, 不是很新鮮做的感覺, 主菜我們選了牛骨湯飯和辣海鮮豆腐湯飯, 朋友說牛骨湯有點像辛辣麵的湯, 牛肉也不怎麼樣, 有點失望, 但我的辣海鮮豆腐湯飯, 跟外面的差不多, 端出來就熱血沸騰的感覺, 不過不失, 豆腐很滑, 海鮮有尤魚和青口, 有大量蔬菜和一隻蛋, 味道小辣, 但忘了拍照...一試無妨

小弟對韓國菜無特別喜好，當然都好鍾意食燒牛肋骨、石頭鍋飯……等等，但太太就特別鍾意韓國嘅泡菜，好似晌麻酸樂食米線，都要揀個韓風泡菜餅雞柳粒粒米線，又試過買咗樽泡菜返屋企撈粉麵；最近仲追緊套韓劇「成均館緋聞」，古裝劇，估唔到套劇又幾好睇喎，個女主角朴敏英都幾靚幾有氣質，不過當事人都親口講過曾經整過容，難得佢又咁率直喎！言歸正傳，小弟唔會刻意揀食韓國菜，不過，既然有著數嘢，就自然加大考慮因素。

適逢見到有個網站推咗個團購：「$40正宗韓國廚師料理9選1，前菜+白飯+蘿蔔牛肉湯無限任添任飲！（原價$95）」，確係非常之吸引，有時去快餐店食好少少，都三、四十落樓啦。

而且，見佢9款主菜，都唔係話得啲平價嘢揀，不乏貴價主菜，而且，種類款式多樣化，如：烤牛肉、豬肉、海鮮煲、石鍋飯、涼麵……所以，氹氹老婆都買番兩張團購劵試試啦。

前菜揀好主菜後，店員就即時送上兩小碟前菜，一其有6款嘢食：有魚仔、芽菜、韓式粉絲、泡菜、醬汁薯仔、西蘭花，樣樣都份量少少，既然都可以再添，就無謂一下子拎咁多嚟，試過邊隻好食再添都未遲。

店主話前菜日日都有唔同款供應，仲有青瓜、菠菜、生魷魚……等等。

試勻之後，我哋兩公婆都覺得前菜都做得用心，好似啲魚仔，鹹鹹甜甜咁；韓式粉絲，就煙煙韌韌；泡菜，酸酸辣辣；至於個醬汁薯仔，薯味濃，粉腍啱啱好！蘿蔔牛肉湯有啲意外驚喜喎，因為唔好睇佢個湯樣淡茂茂、水汪汪咁款，查實好濃牛味，呷一口就嗒得出。

蘿蔔味道好清甜，食落無渣，可見用料不賴唔馬虎。

所以，飯後再添飲多一碗，好飲自然值得再細嚐！烤特級牛肉與其講烤，不如講炒似啲。

大大個碟，同樣裝得滿滿牛肉，伴啲沙律菜，絕對大大份，無將貨就價。

雖然唔知佢點特級法，但至少好啱食，因為牛肉唔會太肥，老婆最怕食日本啲肥牛，尤其好似吉野家嗰類膏多過肉嘅牛肉；此外，牛肉醃得幾入味，肉質幾鬆軟。

石鍋雜錦飯無論賣相、味道都幾出色嘅石頭鍋飯，叫得「雜錦」，自然材料多多，有菠菜、銀芽絲、冬菇絲、酸菜、牛肉、紫菜、甘荀絲，一份份咁圍住石鍋內圍排好，再加隻煎蛋放晌面，所以賣相睇出師傅花咗啲心機。

由於飯粒分明，咬落爽身，又以滾熱嘅石鍋裝住，啖啖都係熱辣辣。

食前，我哋將所有材料跟飯撈勻，所以，每啖飯都食出唔同味道！我見佢餐牌幅圖係「生蛋」一隻，如果有得揀，我都鍾意窩蛋多過煎蛋，因為篤穿個蛋黃等佢同啲飯撈勻，味道仲正，又滑又有蛋香呀！整體嚟講，食物味道的確幾好食，尤其個蘿蔔牛肉湯，招呼普普通通咁啦，前菜、白飯都唔介意你再添，不過，我哋就無添過，因為套餐本身已經夠晒食，唔需要再添。

反而係環境比想像中有啲啲落差，可能以前去過嘅韓國菜館都比較有「地道」包裝，但依度就唔知點形容好，牆身掛咗好多大細不一嘅畫同相片，又釘咗好多薯片吉包同餅乾吉盒，有啲古靈精怪，望落又可以叫幾似間型格嘅咖啡店；但睇埋啲枱凳同擺位，有啲雜亂無章，似個飯堂咁。

雖然係咁，佢啲匙羹、筷子又好認真，係銀嚟嘅，因為好墜手。

裝飯嘅碗又係用番韓式，銀碗兼有埋蓋。

從來都知道老尖是眾多韓國菜館的集中地，但畢竟本人住在港笆區，隔個海如隔萬重山，想吃韓國菜？是日就三個人來到中上環交界的韓味，看看這所由韓國人主理的店子又如何。

店子不太大，座椅也不是太舒服，但勝在就是夠闊落，而且冷氣又夠，所以大家也慢慢的看午市有什麼好吃，此店的周末也有供應午餐，廿來款選擇也真的蠻多，看來都其實是以一個相宜一點的價位，吃到單點的東西吧。

相信無論食客是單點也好，點套餐也好，韓式店子都總會有點泡菜給食客享用，不過店家端上泡菜之時，大家都有點驚訝了，泡菜份量少得很可憐，七小格的泡菜了無生氣，最重要的，莫過如最為基本的辣大白菜，竟只有三至四片，本人可真的未見過一所韓食店，會只讓每位食客吃一片辣大白菜，簡直是有回匪夷所思。

也沒有太多時間跟店家爭辯，還是吃吧！菠菜用了麻油撈過，再加入了點芝麻粒，味道是不錯的；而芽菜爽口無渣而沒草青味，也是沒可能會難吃吧。

左上角的醃魷魚味道非常濃，這些生漬而成的泡魷魚，味道真很鹹，而魷魚的口感煙煙韌韌的，是比較少見的泡菜，吃過試過吓口癮就好了，始終可能不太吃慣別人的依物。

右上角的鹹魚仔鹹中帶甜，入口硬硬的，真的在口中如吃香口珠般滲出久遠的鹹香，如果有碗白粥或是稀飯，也會不錯。

左上角的辣蘿蔔味道不夠濃烈，而且也太過腍身，不夠爽口，欠了泡菜那清新的感覺。

本人最愛的泡大白菜也是不夠爽口，而味道更是有點怪，點點的酸辣之中，滲出的鹹味，竟然比酸味及辣味更突出，所以雖然份量偏少，但本人也不太假意了。

魚片基本就是切成條狀的魚片，也真的沒什麼特別，如在魚蛋粉店的口感差不多，不過就多了分鹹味而已，總算是不過不失。

跟午餐來的是一碗蘿蔔牛骨湯，帶有頗為突出的胡椒及蔥香，牛骨味雖然是薄了點，不過喝起來清清的又夠味，加上軟腍無渣的蘿蔔粒，也可以說是不過不失吧。

都是吃主菜的時候了，先來的是石頭鍋飯，其予人的感覺非常特別，一向吃這個鍋飯，必定是熱得不敢碰到那個石鍋的，不過是日的石鍋，竟然是局部地區性的熱，鍋頂近邊的位置，用手指握超過十秒也不覺得熱，而近鍋正中央的底部的飯就比較熱，但比起外邊韓食店子吃到的，整體來說真的不夠熱，不夠熱的石頭鍋飯，其實又怎會吃得過癮呢？鍋飯面層舖滿材料，配料除了雞蛋及丁點的肉末之外，全都是素來的，甘筍絲、冬菇絲、菠菜絲、菇菌絲及芽菜絲等，所以吃起來有種爽口的感覺，加上點點的蛋汁，材料方面還可以，但最重要都是口飯，由於不夠熱的關係，飯身太濕不夠乾，而且店家伴來的韓式辣醬實在太淡，只有丁點的甜味，辣味更是隱形，味淡出個鳥來，令人不是味兒。

相反地，牛肋骨煲真的是新鮮滾熱辣，上桌時其湯汁仍在滾動，未吃件牛肋骨，光是用鼻子嗅，已經是一陣牛羶味，用其湯汁來撈點飯吃，又是很有牛羶味，其牛羶味的存在，相信主因是個菜夠熱，那牛的脂肪化在湯汁當中，甜美當中滲出牛的油份，如果個汁本身再濃一點，兩者的化學反應就更強。

美味的湯汁之中，另外白蘿蔔及紅蘿蔔都是非常之美味，尤其是前者，很快的被煮得腍透，白甜無渣，再咬一口牛肋肉，肉質軟嫩具彈性，牛味夠濃又夠油香，之後來一口白飯，真的一流。

值得一提的是，此店的白米絕不是平常吃的中國及泰國香米，飯粒飽滿而圓圓的，不知是用了日本米，還是專程由韓國運過來的米呢？本人不清楚，但只知道軟熟而有口感，好吃就行了。

炸醬麵看來對版，面層盡是一大堆黑黝黝的醬汁，味道重身，而豬肉粒就會少一點，不過這也實屬正常，因為這產物是很古遠年代的北方產物，試問又怎會像廣東人的炸醬麵那麼多肉絲呢？不過少肉也沒關係，要吃飽就吃麵條吧，伴上濃厚的炸醬汁來吃，最棒的是要味夠濃，乾蔥下得夠多，鹹味甜味平衡，味道實在不錯。

不過也不要開心得太早，店家這個汁醬不黏口而過稠，而且薯仔麵更是敗北，是腍得成了糊狀，入口當然就是口感模糊了吧，心想自己在韓國店買包薯仔麵回家煮，也會煮得比它好。

坦然是日的牛肋骨也很不錯，雖然跟莊園比還是有所不及，但其實已經很是不錯，不過另外兩味看來低難度一點的，不只質素普通，其標價也是偏貴，九十五元一個石頭鍋飯的午餐，真的是有點說不過去，如果好吃的話也不要緊，但以它的質素，本人暫時未有再試其晚市的動力了。

很久沒寫食評了, 過去去了很多餐廳所吃的食物相片, 越存越多, 見今天有點時間, 也來寫一個吧, 不然真的會忘記所吃的味道如何! 而這次介紹的是位於上環新紀元廣場內的一間叫" 韓味 Taste In" 的韓國小店!我去的時候, 時間還早, 所以沒不是很多人在吃晚餐! 一坐下會看到枱上用籐蓆蓋住餐具的! 我們2人分別點了石頭飯及泡菜豬肉窩(希望我沒記錯吧), 同樣都有前菜附送, 而前菜也有很多款選, 所以我們所選的是不同的, 可各樣都吃一點嘛! 各款的前菜味道都不錯的! 而石頭飯的賣相也不錯, 添加了韓式辣醬後,不太吃辣的我, 用少少已感辣, 但咯為味道不夠, 不過不失吧, 但份量就挺大的!石頭飯也跟有一個蘿蔔湯, 清清的, 味道不錯! 而另一個泡菜豬肉窩是有跟白飯的, 來到時, 窩還是滾到起泡的, 材料也挺足, 不太吃辣的我也會覺得這個比較辣一點, 但吃得辣的人可能會覺這個味道挺好的, 因我家大少說它味道不錯! 這裡環境不錯, 晚上去吃的時間不算很多人, 可能只商業區的關係吧, 而這頓晚飯我們2人約吃了$1XX 多(價格忘記了) 但食物水平不過不失吧, 也能接受! 但最近才知這家店早前有做團購的, 也得知因這服務及食物有點不滿意, 但我也要先說明, 這頓晚飯是多個月前去吃的, 所以相片的食物, 份量都跟團購的可能有點不同!

先前買落的團購8／9到期，於是早早就BOOK定5／9去食。

當日BOOK左7點。

去到門口見到，咦， 同屋邨餐廳相差無幾。

心裡面真係沉左少少。

anyway, 入左去之後，聽到4眼waiter同隔離台講話呢幾日太多人黎食團購，冇得refill泡菜同湯同白飯。

＠＠什麼？我聽到真係呆住左，想唔食。

（我當初就係見到佢任食泡菜先買）餐牌上面的確有不少款式。

團購可以晌其中9款選1款。

晌封面內頁有一張寫上9個數字的MEMO紙。

我地問下個4眼waiter諗住房confirm下啦。

點知，佢竟然串我地話：「係呀，頭先咪講左嚕。

使唔使我讀一次比你聽呀？ 1，2，3...」我真係把火，即刻渴停佢話：「唔使啦」最後選左2個：石頭飯﹠燒牛肉睇睇D泡菜先。

普通野啦，得個魚仔好食。

石頭飯冇肉的，味道淡左D，不過不失啦。

牛肉個汁幾OK，甜甜地，似吉野家D牛肉。

其實呢間餐廳都有唔少韓國人黎食。

唔通D野食實係咁地道？隨套餐附送的蘿蔔湯味道係幾唔錯的。

再次叫個4眼waiter加比我之後，佢死死氣比多左一碗我。

多次提呢個4眼waiter係因為佢d服務態度真係好衰。

寫呢篇食評之前睇左一睇先前的食評。

原來呢個4眼waiter個朵已經臭左。

唔使舒舒服服咁食既朋友，都唔怕去食既。

您對於上環餐廳「韓味」有何comment？

韓味餐廳詳細資料：

• 韓味地址:
  上環皇后大道中181新紀元廣場201號
  Taste in, Shop201, Grand Millennium Plaza,181 Queen's Road Central, Sheung Wan
• 韓味電話:  
• 韓味價錢: $101-200
• 分類: 韓國菜,
• 座位: 未知
• 付款:
• FB專頁: 韓味 Facebook

更多韓味相關資料:

• 韓味分店
• Youtube
• Facebook
• Twitter
• Google