米走雞 (昭德大廈) 長沙灣

米走雞 (昭德大廈) 評價 相片

今晚同爸爸出街打返個靚邊爐。

同爸爸黎呢間米走雞，呢間餐廳都好多間分店，其實都食過幾次架啦。

不過我地好鍾意佢個芝士雞煲，所以間唔中都會返黎再嘗嘗回味一下。

一入座時間關係先點返個雞煲先，因為雞煲送到都仲要加熱，所以可以再慢慢睇食咩火鍋料。

呢個岩岩送到既黃金芝士雞煲，份量唔少架，見到好多芝士鋪係面tim...仲可以自己揀要多少芝士既份量，我哋選左普通量。

等了又等，好快芝士已溶了，正呀，黃金鋪滿了整個鍋，每件雞都被芝士包圍住。

好豐盛。

一件又一件既雞件慢慢食，雞件又香又滑，而且包著芝士好濃好creamy,真係味道一流。

雞件份量都唔少架，而且雞件都切得大件，吃起來啖啖肉好有口感。

記得食到咁上下就開始睇下想食咩火鍋料，再下單。

呢度好多材料都有，因應返自己口味點選。

食曬個雞煲後，再叫店員加湯，湯可以選普通清湯或芝士湯。

我們點了普通清湯，因為怕再加芝士湯會太膩。

正呀，之後開始round two....打邊爐。

點了好多唔同菜式，有大大卷既響鈴，夠曬份量，好好味，呢個響鈴好大好飽肚，吸曬d湯汁，超正。

仲有菜，可以選半份或一份，我們點了一個半份既油麥菜。

仲有點了一碟蒙古羊肉片，賣相好靚，羊肉切得薄薄的，一放入鍋中快速煮熟，味道好好，羊味重，正。

另外仲點了鮮蝦雲吞，真係真材實料，大大粒蝦肉，雲吞好好味，大滿足，爽口又彈牙，口感又正。

呢個包心丸都好正，熱辣辣又多餡，小心熱親個咀。

米走雞既芝士雞煲真係無得輸，好正。

坐得舒服，野食又唔差。

不錯不錯。

想食雞煲，同左朋友黎左米走雞嘅長沙灣分店，時間尚早，店內無乜客，店員熱情招呼，揀左張卡位坐，夠濶落唔錯喎。

寫紙仔落單先，呢間分店用呢款gas爐，火力夠猛，但缺點就係有啲熱。

點左火焰麻辣雞煲，麻辣雞煲就麻辣雞煲啦，點解有火焰嘅？原來店員會點火即場炒雞煲，再加入麻辣汁，啲香味湧出黎呀！再焗一焗就食得，正呀，色香味俱全！雞件好入味，個麻辣汁勁正，開頭怕會好辣只點左小麻，食落發覺唔算好辣咋，即刻叫店員加多一碟麻辣汁加辣，正正正，呢次個味啱啱好，除左雞件，配料嘅洋蔥芫茜都好好味，索晒啲汁勁正。

作為芫茜控梗係要加碼叫多一份芫茜，索埋雞油麻辣汁無得頂。

仲叫左雜菇併盤，又係吸汁嘅好物，勁鮮味。

另外仲點左手打五寶併盤半份，大大粒好彈牙，個蝦丸同墨魚丸最正。

最後就係蒙古羊肉片啦，愛羊之人點都要點份羊肉嘅，色水幾靚㗎。

食完雞煲就加湯打邊爐，啲羊肉片淥一淥食得，好味好味～飲品叫左凍檸茶走甜同鹹檸七，夠晒凍正呀。

加埋一人均二百五左右，兩個人食左咁多野價錢合理啦。

🥢長沙灣滑滑雞髀肉惹味火焰麻辣雞煲火鍋🥢除左打邊爐，我地仲好鐘意食雞煲，而呢間我地都食過幾次，最鐘意佢地的火焰雞煲用上多種香料辣椒，乾洋蔥，中芹和芫茜作配料，上檯時店員會加入玫瑰露點火，再炒一炒即刻已經聞到好香既味道🥢火焰麻辣雞煲(小)$168雞肉全部都係雞脾，食落肉質滑滑又夠啖啖肉，經過玫瑰露火炙增添多一份香氣，今日叫了小辣已經覺得好濃味又夠辣，雞煲汁夠曬惹味連洋蔥都食曬🥢鮮炸響鈴 (半份）$28響鈴Size 夠曬大條，炸得夠薄脆，用來點雞煲醬食先夠正🥢哈哈蝦中寶 (半份） $63必點的一款火鍋料，蝦滑中藏了爽彈的鮮蝦，蝦味強勁又夠彈性🥢手切新鮮牛頸脊 (小）$138食火鍋最鐘意就係食牛頸脊，手切牛厚薄剛剛好，睇落油花均勻就知好食，牛味香濃有咬落有質感🥢幾鐘意呢間分店，薄荷綠色顏色夠清新，而且檯的位置夠曬闊落，坐得幾舒服，而且感覺店舖非常乾淨，呢間分店特別在晏晝是冰室，夜晚就變身成雞煲火鍋店，雞煲啖啖肉夠曬足料抵食，可以再回頭的一間雞煲火鍋📍 香港冰室嘆得起 x 米走雞 長沙灣青山道379號昭德大廈地舖

好耐無食過麻辣雞煲，今日終於約到朋友黎一齊煲煲佢~位於長沙灣的米走雞，店面乾淨企理，感覺討好座位同座位之間位置寬落，坐得舒服。

打邊爐要慢慢品嚐，坐得舒服真係好緊要一坐低，咩都唔使諗，叫左個獨家「火焰麻辣雞煲」先雞煲有小 (23人份量 $ 168 ) 同 大 (4人份量 $228 ) 2個SIZE 辣度由半隻辣椒, 1隻, 2隻至最多6隻辣椒 , 因為第一次食，唔敢叫太辣，所以叫左 1隻辣椒雞煲上枱啦，真係有火焰架~  好有 GIMMICK, 即刻要影相同拍個片打下咭啦~之後，店員會幫我地撈勻個雞煲，再滾起~一起蓋，濃濃的麻辣香味撲面而來。

麻辣味很香，麻度唔算高。

一隻辣椒的辣度我覺得都幾適合，辣得黎又可以品嘗到食物，唔使辣到狂飲水呢度既麻辣，辣得黎仲有少少甜甜的味道，特別又惹味，我同朋友都好鐘意呢隻麻辣味加湯時仲有可以揀加麻辣湯底或雞湯底添雞件啖啖肉，店員話原來佢地全部用雞脾肉，唔怪得咁滑咁厚肉。

而且份量仲唔少,  我地叫左細煲，2個人係食唔哂架......呢度既菜式全部都有分 大 / 小，全份/半份咁點，特別適合人少少又想打邊爐既朋友呀打邊爐又點可以無牛呢店員推介呢個「手切新鮮牛頸脊」，叫左一份細 ($138) 開始以為牛頸脊同牛肩肉差唔多，但原來我搞錯左。

牛頸脊即牛頸至牛膊之間的位置，因為條頸成日郁嘛，所以牛頸脊D 肉特別有彈性而白色個D唔係肥膏黎，係類似牛筋的物體, 食入口好爽的。

果然無介紹錯呀~ 叫店員介紹，佢推介左呢款鮮炸響鈴 (半份 $ 28) 是店鋪自家製架，比平時的炸響鈴 SIZE 大左成倍, 食完一舊好飽肚最欣賞是炸響鈴鬆化得黎又無咩油，唔會成咀油淋淋~ 另一個店員推介 竹笙墨魚滑 (半份  $48) 長長的竹笙入面釀入手打墨魚滑，放入雞煲入面煲墨魚滑打到起膠，實的的架。

朋友讚好有墨魚味添~外層竹笙吸收左雞煲的麻辣汁，令墨魚滑更惹味，創新又好味的做法，贊~鮮制五拼餃 (半份 $58) 五寶餃分別是鳯城水餃，韮菜餃，鮮蝦雲吞，菠菜豬肉餃以及鮮牛肉餃本人很喜愛食餃子，但太多來貨的餃子，入面既肉成PAT 野, 又霉又淋，令我對餃子開始卻步米走雞的餃子食得出所有都係鮮制，見到皮都仲有麵粉的，唔係雪藏野就連韮菜餃入面既韮菜都係翠綠新鮮架。

溫馨提示，餃子皮的收口位比較多摺難熟，建議要煮耐少少呀~菜式的話 叫左半份生菜 ($24) 餐廳選用了比較細嫩同短小的生菜，但個人感覺這個SIZE生菜用黎包烤肉食一流但用作打邊爐，SIZE 太細，放水一淥，菜縮水後變得好小，好似菜頭菜尾咁， 觀感麻麻呢。

辛苦搵黎志在食，香港人有咩風浪無見過幾唔忿氣，幾咁嬲，食餐好既，明天醒來又一條好漢長路漫漫，食好D，先可以繼續有動力走落去呀~ 

好耐冇食過雞煲啦，今日黎到米走雞。

我哋一行六人，點咗兩個煲：🧀黃金芝士(大) $238 米走雞叫得自己做芝士雞煲專門店，嚟到就梗係要試吓個芝士雞煲。

個煲本身嘅配料有洋蔥、中芹、芫荽同落咗少量芝士碎。

黎到嘅芝士好澎湃😂啲雞好滑，同芝士勁夾，呢個煲係勁啱啲芝士怪😂食完個鍋，其實仲可以加湯同加個面咪整芝士湯麵，但因為仲有其他餸，驚會食到好飽，所以就冇咁樣做，但想像下都會覺得好正🤤🌶另一個鍋係叫咗火焰麻辣鍋(大)$228，配料有辣椒乾、洋蔥、中芹、芫荽 我哋叫小辣。

個麻辣勁夠味，麻辣同雞煲永遠都係最佳拍檔😆其他配料我哋仲叫咗：🟡響鈴全份$52 啲響鈴勁大隻，好少出街食飯，會見到啲咁大隻嘅響鈴⚪️蜂巢冰豆腐半份$24 呢個只係okay, 下次就未必會叫🐮手切新鮮牛頸脊$228 新鮮又嫩！🐑蒙古羊肉片$148🦆鴨血$43 鴨血建議一開始就落，去到最尾先食，如果唔係就會唔夠入味🥟鮮製五併餃$108🍄雜菇拼盤$44🐟炸魚皮$48🐟脆鯇腩$98🟡豆卜半份$20🟤木耳$34整體質素都好唔錯，配料都好新鮮。

如果食雞煲，呢間都係一個唔錯嘅選擇！

米走雞 (昭德大廈)餐單提供港式, 火鍋, 雞煲等推介美食位於長沙灣區，餐廳座位數50人均消費約$101-200，結賬可以用Visa,Master,現金,AE,銀聯,JCB,OpenRice,Pay，Booking訂位可以電話致電 93737363(WhatsApp) 查詢。

您對於長沙灣餐廳「米走雞 (昭德大廈)」有何 comment？

米走雞 (昭德大廈)餐廳詳細資料：

• 米走雞 (昭德大廈)地址:
  長沙灣青山道379號昭德大廈地舖
  Running Chicken (Chiu Tak Mansion), G/ F, Chiu Tak Mansion,379 Castle Peak Road, Cheung Sha Wan
• 米走雞 (昭德大廈)電話: 93737363(WhatsApp)
• 米走雞 (昭德大廈)價錢: $101-200
• 分類: 港式, 火鍋, 雞煲
• 座位: 50
• 付款: Visa,Master,現金,AE,銀聯,JCB,OpenRice,Pay
• FB專頁: 米走雞 (昭德大廈) Facebook

更多米走雞 (昭德大廈)相關資料:

• 米走雞 (昭德大廈)分店
• Youtube
• Facebook
• Twitter
• Google