新強記牛什粉麵茶餐廳 深水埗

新強記牛什粉麵茶餐廳 評價 相片

呢間野都幾難揾 我都係特登去揾揾左一陣先揾到佢係大南街行前d 見到間匯豐銀行 係間銀行後面 就係醫局街 入去坐底 見到3個男人1個金毛咁 但係佢地服務出奇地好 環境都當整潔 可能去親熟客居多 見我地陌生 即刻同我地講有咩抵食 坦白講 真係樣樣都超抵食但係今次特登去食佢招牌撈面............ 叫左牛肉撈面同一杯紅豆冰杯紅豆冰黎先 一半紅色一半白色 真係超重量級 而且冰又唔會好多紅豆起晒沙 d奶奶味重 食一啖好味到暈暈地跟著到撈面黎 撈面唔會唔夠醬 條條都分佈均勻 牛肉密鋪上面 加埋d炸葱底下仲有舊生菜tim 三樣野完美配合 仲要連舊菜都係新鮮菜黎 四個字形容"極度好食" 我地兩個4分鐘極速食完個面 飲埋杯冰埋單仲講左兩聲多謝補充:下午茶仲底食!!!!!!!!深水埗卧虎藏龍 不枉此行!!!!!!!!!!

我和幾位同事做完事, 行過睇見這間餐廳便進內休息吓和飲D嘢. 這裡的伙記見我們一坐落便好有禮貌地推介他們的下午茶餐, 於是我們叫了幾款.沙嗲牛肉飽 : 沙嗲牛肉超多汁, 味道濃厚, 牛肉係鮮牛, 唔會硬硬的夠晒淋… “正”豬扒飽 : 豬扒好好味道, 吃落鬆化有肉汁.都有水準沙嗲牛肉撈麵 : 撈麵煮得“唔淋唔硬”剛剛好, 配上脆脆的蒜蓉粒簡直是絕配, 再淋上沙嗲牛肉和沙嗲汁….真的超超超好味雞翼撈麵 :撈麵煮得好食唔再講, 雞翼炸到脆卜卜, 味道唔會太鹹, 也是無得彈紅豆冰 :也是好好味, 我好耐無飲過這麼多紅豆的紅豆冰. 紅豆唔會硬是有沙的, 份量也好大杯…唔錯!!!奶茶 :　很容易的嗅到濃濃的茶香及奶香，是兩者也能嗅得到的茶，真的叫人喜出望外，喝下一口，果然茶味超夠，加上又夠滑的奶，飲落唔會粗嚡！！！*** 不可不提 *** 下午茶最貴只是$22, 真的超級抵食!!!伙記好友善, 好nice !!!

今日無聊上網睇到呢間, 有時間就去左試下食左個午餐 蕃茄雞絲飯炒底 + 凍奶茶 + 例湯, 24蚊響依家百物加價情況下唔覺得貴由於我去既時間係lunch time, 所以見到店內各人都好唔得閒全店得一個亞姐係負責落單, 連清潔既亞姐都要出黎幫手但好明顯兩個都係生手, 老闆踼一下就郁一下, 真係覺得個老闆好辛苦好快咁黎左杯奶荼之後, 要十幾分鐘先黎到個湯, 趕時間既真係俾佢氣死出飯既就一次過儲埋幾碟一齊咁出所以服務就只算一般講返個午餐例湯 青紅蘿白豬骨合掌瓜 清潔亞姐十幾碗一次過拎出黎, 好足料, 無咩味精, 都算幾口味, 係淡左少少蕃茄雞絲飯炒底蕃茄新鮮好食, 雞絲唔會得啲皮同 肥膏, 份量都可以, 但就唔係好覺炒左底凍奶茶一般size, 賣相幾好, 飲落可以, 係覺得茶味濃了點, 有啲苦...整體可以再去食, 因為價錢算抵食, 但地點偏遠, 唔係去開果頭都好難再去..

早餐:$18有火腿三文治加一個雙拚腸蛋麵,出前一丁同價,賣相真係幾好,腸仔有兩條,隻蛋都煎得唔錯,加少量生菜,早餐總算合格.午餐:$23,唔係幫佢賣廣告,食盡方圓十里午餐,佢係最好食,每日不同,白飯有口趙頭,食炒粉炒飯,都唔會見得太油膩,師傅功夫真係唔錯,如果係扒類仲會碎上,飲品方面,奶茶沖得真係有得頂,各類飲品都好好,不會將貨就價,(d真係同你講係奶茶但裡面係奶水)下午茶仲有$10春卷加咖哩角同飲品,每樣兩隻,唔係細細隻,仲要唔係"柴"即唔係乾淨淨,$13炸雞翼兩隻加西多士,雞翼炸得唔"柴",西多士唔錯!我實在唔係幫佢賣廣告,佢地食物同服務個種態度,係同區真係無,係一d細微地方都做得好細心,大佬,茶餐喳,試過蛋牛三文治(鮮牛)成吋厚,好食個隻,仲有你有冇見過送外賣都好好笑容有禮貌呀,無可能再挑釁啦!!

新強記牛什粉麵茶餐廳餐單提供港式, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金。

您對於深水埗餐廳「新強記牛什粉麵茶餐廳」有何 comment？

新強記牛什粉麵茶餐廳餐廳詳細資料：

• 新強記牛什粉麵茶餐廳地址:
  深水埗醫局街122號地下
  新強記牛什粉麵茶餐廳, G/ F,122 Yee Kuk Street, Sham Shui Po
• 新強記牛什粉麵茶餐廳電話:  
• 新強記牛什粉麵茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新強記牛什粉麵茶餐廳 Facebook

更多新強記牛什粉麵茶餐廳相關資料:

• 新強記牛什粉麵茶餐廳分店
• Youtube
• Facebook
• Twitter
• Google