酥皇 (非門市)
地址: (非門市)
最後更新:
酥皇推介
一個月前預訂，數天前全繳款項，送貨日期時間應該是四月一日上午，最後要客人通知才發現漏單，應承同日下午四點前送到，最後送達時間是晚上七點，蛋糕多好味也沒用，送達時已經沒胃口！！！
(非門市)酥皇
| 餐廳分店 | 酥皇 |
|---|---|
| 地區 | (非門市) |
| 電話訂位 | 24928574 |
| 餐單 Menu | 西式, 麵包店, 甜品, 糖水, 外賣店 |
| 人氣指數 | 808 |
| 價錢幾錢 | $50以下 |
酥皇訂位位於(非門市)區，詳細地址是(非門市)，餐廳寬敞座位數目共有未知幾多個。酥皇幾錢？價錢優惠後人均消費大約$50以下埋單，早餐午餐晚餐酥皇餐單包括有西式, 麵包店, 甜品, 糖水, 外賣店等美食，付款方式有現金付款，Booking網上訂位可以電話致電 24928574 查詢訂座。
酥皇優惠
酥皇 評價 相片
一個月前預訂，數天前全繳款項，送貨日期時間應該是四月一日上午，最後要客人通知才發現漏單，應承同日下午四點前送到，最後送達時間是晚上七點，蛋糕多好味也沒用，送達時已經沒胃口！！！
團購都算係近期熱門話題，尤其對一眾食家，個別幾個團購網站日日都係以飲食為主嘅團購大優惠，郁吓都低過半價，真係令人心郁郁，唔買就走寶嘅心態。
不過，我就覺得團購本來幫大家慳番啲，但係，係又買唔係又買，見平就買，隨時慳唔到之餘仲使大咗添，所以依家只會揀啲好想試嘅先買。
講起德國，較為人熟悉嘅除咗啤酒節、德國香腸、鹹豬手之外，德國蛋糕都薄有名氣，尤其佢嘅傳統黑森林蛋糕。
「酥皇」，一間引進由德國製造，蛋糕製成品冷藏處理直接空運到香港，全部都按照傳統方式同食譜製造嘅公司，早前就透個團購網站搞咗幾場試食會「正宗德國蛋糕放題」。
因為佢本身唔係餐廳，主要零售一系列德國甜品同糕點，亦無門市，只做直送，所以幾場試食會都晌上環嘅PaTio 88樓上鋪包咗場，地方唔係好大，全場50個位坐滿，坐無虛席，相信除咗抵之外，大家都係想見識吓咩叫德國蛋糕。
試食會2:30pm5:00pm，絕對時間充足，除蛋糕任食，還包一款餐飲，不過都只係普通咖茶，想飲好啲，例如Espresso、Latte就要額外俾錢叫。
而今次任食嘅蛋糕一共有13款之多，包括：車厘子批、芝士批、橘子批、榛子蛋糕、朱古力慕絲蛋糕、香濃咖啡蛋糕、意大利奶油蛋糕、德國杏仁忌廉蛋糕、西梅子蛋糕、草莓忌廉蛋糕、泡芺忌廉蛋糕、朱古力蛋糕、黑森林蛋糕。
因為地方所限，唔似食Buffet形式任夾，真係放題填紙仔咁任叫。
其實，我哋去嘅已經係第二場，但晌招呼、送蛋糕，蛋糕預備各項運作上都好亂，唔知係酥皇嘅問題，定係餐廳嘅問題？混亂1. 負責人解釋會先將所有全部13款蛋糕於第一輪送上，等大家試咗之外，揀啱心水嘅再點再食。
開始時間本應係2:30pm，但差唔多成2:45pm先有第一輪蛋糕（只有5款，每款一件），等咗好耐，大概15min後先有第二輪蛋糕（另外6件），成大半個鍾，都未試齊13款！混亂2. 因為啲蛋糕全部都係cut cake，本身空運過哩時都已經切好晒細細件咁。
我哋四個朋友一枱，最初嚟就係第一輪嗰5件，但後面枱嗰對男女得兩個人，亦係5件。
我哋追問可唔可以俾多一份，個男侍應堅持話一枱一份先，大佬，一件cut cake得咁細，仲要一開四4個人分，試到啲咩呀？既然你都係放題，遲早都要俾我哋架啦！所以我哋之後無理佢，一於填紙仔一次過點晒13款！混亂3. 出嘅款式好亂！雖然我哋寫咗紙仔，因為佢哋用啲七吋環保紙碟載嚟（雖然包咗場，但全個放題都係用環保紙碟，後尾仲用咗啲普通白色紙碟，感覺好「雞」，好搞笑！），每碟頂多載6件，但又隨意放6件就拎過嚟，有啲款式重覆又重覆，有啲款式就無嚟過，後尾索性同「酥皇」個負責人講，佢先直接幫我哋拎幾款未試過嘅過嚟！至於所試嘅13款蛋糕，總體評語都係一般。
對德國蛋糕嘅感覺，唔算太甜，而且真係用料十足，只係質感比較粗糙，尤其餅底部份，我哋食慣嘅海綿海蛋都係鬆軟富彈性，但試勻佢咁多款，都係有同樣情況。
可能唔係太合部份人期望，我見到有三幾枱人試完一輪就已經走咗！而且，我仲覺得解凍方面做得唔好，其中草莓忌廉蛋糕就最明顯不過，咬落粒士多啤梨個心仲係實而且冰，絕對係解凍未夠。
唔知係咪遲咗送蛋糕去餐廳，所以除遲咗幾個字時間先開始個放題外，因急上枱而解凍不足，令到啲蛋糕質感粗嚡咗。
眾多蛋糕之中，算比較好食又印象深刻，都有幾款：香濃咖啡蛋糕(Latte Macchiato Cream Slice) – 主要係香濃咖啡忌廉同朱古力蛋糕嘅配合，好味因為個咖啡忌廉確係香濃。
德國杏仁忌廉蛋糕(Traditional German Bienenstich Slice) – 普通嘅忌廉蛋糕，但面面鋪上大量杏仁，口感十足。
西梅子蛋糕(Plum Sheet Cake) – 內藏勁多西梅肉，填到滿，雖然個蛋糕底係差啲，好彩個底較薄影響比較細。
草莓忌廉蛋糕(Strawberry Fruit Slice) – 因為第一舊食落解凍未夠，所以我哋一次過再叫4件等到臨尾食，果然效果好好多，士多啤梨果肉好甜，而且又係鋪滿晒成個餅面。
泡芺忌廉蛋糕(Profiterole Cream Slice) – 細細個朱古力泡芺加忌廉蛋糕，其實兩樣都係普通嘢，入埋一齊口感唔同，食落又幾好。
黑森林蛋糕(Black Forest Cake) – 忌廉內層放滿浸好酒嘅車厘子，絕對唔係街坊黑森林蛋糕，用啫喱扮車厘子，而且朱古力蛋糕較為鬆軟啲。
講老實，依家收$88位嚟見識吓都可以，若然以佢所講嘅原價$188，我就情願搵間中上嘅酒店食個tea buffet，都仲有找，兼且唔係凈係得食蛋糕咁寡添。
之但係，既然佢哋做得推廣，都唔止咁少著數俾大家，佢話可以用番個換購証訂酥皇蛋糕，享$100折扣優惠，雖然佢啲蛋糕唔平之餘，仲要$1,000以上先免費送貨，否則就另收$100送貨費，幸好上環、荃灣有取貨點，否則真係得物無所用呀！此外，如果佢哋想吸引好啲人試吓佢嘅產品而再搞試食會，真係要做番好個準備功夫！
酥皇餐單提供西式, 麵包店, 甜品, 糖水, 外賣店等推介美食位於(非門市)區，餐廳座位數未知人均消費約$50以下，結賬可以用現金，Booking訂位可以電話致電 24928574 查詢。
您對於(非門市)餐廳「酥皇」有何 comment？
酥皇餐廳詳細資料：
- 酥皇地址: (非門市) Kings Pastry,
- 酥皇電話: 24928574
- 酥皇價錢: $50以下
- 分類: 西式, 麵包店, 甜品, 糖水, 外賣店
- 座位: 未知
- 付款: 現金
- FB專頁: 酥皇 Facebook
更多酥皇相關資料:
香港餐廳2026推介8月