素人 沙田

素人 評價 相片

哩度得kimbap係食得落口嘅兩椒豆腐飯好難食嗰啲白色嘅以為係豆腐 結果係類似魚片嗰啲 叫咩豆腐飯得兩舊百頁豆腐🫠之前嗰啲咩冬陰功大蝦意粉都好難食，一味得個酸字，啲素蝦口感好差，成個麵食完唔知自己食咗咩

All Day Breakfast $58: 有齊大啡菇，素腸，脆薯餅，黑松露蛋，蘆荀，粟米，沙律菜+餐包似模似樣😄韓式飯卷配麻油伴粉絲Korean Kimbap with Cellophane Noodles$35: 經濟抵食

Franklin 自從換左另一間素食餐廳後，都係第一次黎幫襯，感覺好清新簡約，未食已有放鬆嘅感覺。

睇完餐牌決定試下配搭頗特別嘅炒意粉。

泰式冬蔭功草菇蝦仁扁意粉好有驚喜！本身扁意粉都煮得al dente，有嚼勁，冬蔭功醬汁頗辛辣，又帶適中嘅酸度同埋香茅味，十分刺激，要邊食邊飲茶解辣素蝦仁應該係蒟蒻製品，彈牙煙韌，都有七成似真正蝦仁，味道索晒冬蔭功汁。

特色泡菜係自家醃製，甜酸辣都食到，爽脆可口。

滷水蛋都滷得十分入味，兩種伴菜明顯認真製作，收貨有餘。

值得一提係是日素菜湯，忌廉蘑菇湯香到不得了，除左一片片嘅菇，都有菇茸混喺湯入面，飲落層次極之豐富，超推薦！喜歡素人想分享食物源自大地嘅訊息，素食亦都可以減低碳排放，不妨多食啊！

我自己本身就中大畢業嘅，所以耐唔耐就翻一翻中大個圖書館hea 下，又或者去游泳池游過水，等個人可以充下電咁啱今日返到去，平時食開嘅餐廳都冇開。

本來都有啲傷心，但畢咗業咁多年，都知道中大開咗唔少新嘅餐廳，包括今日呢間餐廳：素人所以就決定去試一下啦！今次2 個人，試左兩個意粉，另外每人再加多10幾蚊去加個套餐，套餐小食同埋有一碗湯。

賣𠴱都係百幾蚊，幾抵玩！冬陰功扁意粉真係好好味，冇諗過素食都可以咁惹味！可能因為我本身都鍾意食冬陰功啦😂😂😂另外個松露意粉其實都唔差嘅，黑松露都好香口，忌廉亦都好滑身味道同出面啲文清Cafe比起真係有過之而無不及！另外佢仲有啲免費嘅麥茶俾你斟嚟飲，都好香口好好飲㗎，真係一個唔錯嘅體驗，而且餐廳嘅環境都好舒服好清新好乾淨，嚟得中大嘅真係要入嚟感受一下

雖然中大有好多can，但素食嘅就得一間！有時想懶健康咁就會同朋友去呢度食lunch～不過次次都超多人排隊，搞都成日遲到但 #遲到好過唔到 #食飯緊要 哈哈聽聞水餃超推介，可惜小妹未有機會試到 T.T唔知大家又鍾意舊定新嘅素can呢～價錢參考：舊/雙餸飯 $28新/照燒汁日式三色飯 $36新/芝士塔塔醬鱈魚扒漢堡 $35 ⭐️ CP值：🐘🐘🐘.5 ⭐️ 打卡able：🐘🐘🐘.5⭐️ 舒適度：🐘🐘🐘.5⭐️ 再食指數：🐘🐘🐘.5（5 星為滿分）

素人餐單提供西式, 多國菜, 素食等推介美食位於沙田區，餐廳座位數150人均消費約$50以下，結賬可以用現金,八達通。

您對於沙田餐廳「素人」有何 comment？

素人餐廳詳細資料：

• 素人地址:
  沙田沙田香港中文大學范克廉樓LG14
  Freshman, Room14, L G/ F, Benjamin Franklin Centre, The Chinese Universityof Hong Kong, Sha Tin
• 素人電話:  
• 素人價錢: $50以下
• 分類: 西式, 多國菜, 素食
• 座位: 150
• 付款: 現金,八達通
• FB專頁: 素人 Facebook

更多素人相關資料:

• 素人分店
• Youtube
• Facebook
• Twitter
• Google