Greyhound Café (時代廣場)餐廳推薦中高價的泰式餐廳，在泰國頗有名氣，主打fusion泰菜，在港分店越開越多，首推甜點如椰子千層蛋糕和香蕉朱古力蛋糕。Greyhound Café (時代廣場)位於銅鑼灣區，餐廳內座位數未知人均消費約$101-200，餐單提供泰國菜等推介美食，埋單可以Visa,Master,AlipayHK,支付寶,現金,AE,銀聯,Apple,Pay,Google,Pay,微信支付付款，Booking訂位可以電話致電21523833查詢。
銅鑼灣勿地臣街1號時代廣場11樓1104號舖
您對於這家銅鑼灣餐廳「Greyhound Café (時代廣場)」有何評價呢？
餐廳Greyhound Café (時代廣場)評價及照片：
- 雖然「Greyhound Café」係泰國🇹🇭都幾出名，而且仲開分店黎到香港，不過小編都要誠實地講句：雖然見過咁多間分店，但真係冇食過，😂原因係連鎖店給人感覺始終未必及泰國總店好，加上西式嘅裝潢令人有啲卻步，感覺西式fusion泰國菜唔知好唔好食。不過今次終於鼓起勇氣試下～～竟然有意想不到嘅收穫！☺️香煎帶子沙律配蜜糖黑醋汁（$158）一客有四隻帶子，帶子煎至7成熟，保留返本身帶子嘅水份和鮮味，加上沙律菜配蜜糖黑醋汁，酸甜開胃！🌟推薦❗泰式香燒原隻魷魚筒（$138）原隻魷魚上陣，好大隻呀！魷魚切成一條條好均稱，可見師傅刀工幾了得，配埋自家製酸辣汁，微辣惹味！👍🏻🌟推薦❗啖啖蟹肉黃咖喱虎蝦配印度薄餅（$228）真係聞名不如見面！蟹肉真係多到有如其菜名一樣啖啖肉！蟹肉全部都係由肉蟹拆出黎，所以肉質頗厚實，味道鮮香，仲有6大隻虎蝦，配上香醇濃郁嘅黃咖哩，美味可口！😋可謂小編食過最出色嘅黃咖哩之一～配印度薄餅一流！配白飯應該仲正！😏冇諗過西式fusion泰國菜🇹🇭會食到味道咁正宗嘅鮮蝦炒金邊粉（$138），一客有三隻鮮蝦，份量都算合理。值得一提嘅係！真係鮮蝦！係真係鮮蝦！係真係鮮蝦！未試過炒金邊粉配嘅蝦係咁新鮮！😍真係小編食過咁多金邊粉最新鮮嘅一次！虎蝦肉質超爽彈！金邊粉炒得夠乾身，味道酸酸甜甜，幾正宗！🌟推薦❗🌟推薦❗招牌椰子千層蛋糕🍰（$78）海綿蛋糕和椰子忌廉層層相間，裏面仲有好多新鮮嘅椰子肉，香甜味美，增添了不少口感！頂層更撒上脆薄嘅香甜椰子片作點綴，真係冇得彈！😋😋本身唔係好鍾意milkshake嘅我，竟然被「Greyhound Café」 嘅Iced Coconut Shake （$58）所溶化，椰子味好香濃，沙冰打得好幼滑，唔會太冰，仲有好多椰子肉係裏面，啖啖肉，正！🌟推薦❗同Coconut Shake比較之下，Thai Iced Tea with Milk（$42）就顯得平實。叫左咁多嘢食，其實三、四個人食都夠晒飽，每人平均消費$2xx，值得再encore！😎-
-之前食過一次Greyhound 既椰子千層蛋糕一直念念不忘 上個禮拜終於有機會再食見到menu既款式比之前又多左選擇 樣樣都好吸引 好想食頭盤揀左香煎帶子沙律配蜜糖黑醋汁帶子超級大隻面層煎到黃金色 剛剛好 沙津菜好新鮮好嫩 配埋個sauce好快就全部食清光招牌脆炸單骨雞翼 上次食都有叫 今次再encore炸到脆卜卜 原汁原味得黎又非常香口飲品 泰式奶茶同coconut shake都係水準之作呢度既coconut菜式果然唔會令人失望 同千層蛋糕一樣咁freshCoconut shake上層仲有好多新鮮既椰子肉今日既其中一個主角出場 原隻龍蝦冬蔭公火鍋 超大鍋 第一次食有龍蝦既冬蔭公咁豪冬蔭公唔算好辣 但酸味十足龍蝦都幾大隻 肉質彈牙仲好多膏我地仲叫左另一個main course 香辣金不換和牛飯唔好睇賣相普通 加埋祕製辣油 好香好惹味不過當然最愛都係佢既招牌椰子千層蛋糕 真係堅好食同行友人同我都覺得仲好食過專食千層蛋糕既Lady X餅店-
-今日放工同老公落銅鑼灣買嘢，行到攰就喺時代廣場度搵食醫肚。老公好鍾意食泰國菜，咁啱俾我發現到原來呢度都開咗Greyhound😍餐廳好大間，我地七點半左右到達，已經好多人食緊，店員態度親民友善。見到門外蛋糕，已經好想即刻食。是夜我地叫咗香煎帶子沙律配蜜糖黑醋汁($158)，招牌脆炸單骨雞翼($78)，炸鱸魚配甜酸醬($258)，香辣金不換和牛飯($158)。甜品芒果千層蛋糕 ($78)。飲品Ice Coconut Shake($58)同Thai Iced Tea with Milk($42)。✨香煎帶子沙律配蜜糖黑醋汁 $158沙律賣相精緻，沙律菜清新爽甜，帶子厚身，外層煎得焦香，入口啖啖肉好鮮甜，黑醋汁酸酸甜甜，令人食慾大增，係一個好好既開胃前菜。✨招牌脆炸單骨雞翼 $78單骨雞翼，分量都唔少，而且炸得啱啱好！外層金黃香脆唔油膩，食落真係外脆內嫩，裡面嘅肉質仲保持嫩滑juicy，我地都食個不停。✨炸鱸魚配甜酸醬 $258鱸魚大大碟，賣相充滿色彩，豐富吸引。醬汁味道酸酸甜甜，原來裡面除咗有菠蘿，仲有芒果粒，令味道更為香甜🤤更有層次。另外鱸魚起咗肉，冇骨啖啖肉，啱晒唔鍾意揀骨嘅我！✨香辣金不換和牛飯 $158和牛飯上面有隻燶邊荷包蛋，睇見就流口水🤤和牛粒份量都唔少，而且牛味幾香濃，肉質腍滑，仲要個秘汁醬汁的確唔錯，辣辣地，非常惹味！另外個人認為個飯底亦都啱啱好，唔會太腍或太硬。✨芒果千層蛋糕 $78每次嚟都必叫嘅千層蛋糕！亦係我最期待嘅item😍芒果千層蛋糕賣相一流，除咗有大大粒芒果肉，仲淋上咗芒果汁！蛋糕充滿芒果嘅香甜氣息，好好味！其實仲好期待其他味道，不過個肚唔爭氣，太飽了，留返下次再嚟試過！✨Ice Coconut Shake $58Coconut Shake係必飲嘅十分推介！椰味非常濃郁，好清甜，面層仲有椰肉，好正！✨Thai Iced Tea with Milk $42泰式奶茶亦都唔錯，味道正宗，但口味就有就返港人，唔會太甜。口感柔滑，茶底香醇。食極都唔厭😍-
-主打新派 fusion 泰菜嘅「Greyhound Café」近年分店越開越多，早排先聽朋友講餐廳喺 K11 Musea 插旗，估唔到都唔夠兩個月，最近又喺時代廣場開咗新分店。好友快將生日，知道她很喜愛吃泰菜，所以就特意邀約她來嘗新。餐廳嘅裝修好特別，除了一般用餐區之外，更設有開放式廚房及新鮮海產陳列櫃，令人有彷如置身於泰國的海產市集一樣。不過講到最吸睛嘅，還是近門口處的大型甜品櫃，入面放滿了各式精緻蛋糕，琳琅滿目，色彩繽紛，惹人垂涎。我哋點咗兩個頭盤，主菜、麵食各一，另外再加咗一件千層蛋同兩杯飲品。兩杯飲品率先送上，Iced Lemon Tea ($42) 用上泰式茶葉和新鮮青檸調製，入口味道很清新，內裡的冰粒由預先冲好的檸茶冷凍製成，所以就算飲到最後一啖也沒有被溝淡。至於友人點嘅 Ice Coconut Shake ($58) 據說味道亦很不錯，杯內有不少椰子肉，入口椰香突出。頭盤選了薄切三文魚配泰式辣汁 ($128) 同 香煎帶子沙律。三文魚上桌時已切成薄片，面頭有蒜片和香草；墊底的泰式醬汁調得剛好，入口酸甜辣鹹，伴三文魚吃，味道超夾。另外碟香煎帶子沙律配蜜糖黑醋汁 ($158) 味道亦很不錯，每顆帶子都有一個五元硬幣咁大，肉厚味甜，肉質富彈性，而且煎得啱啱好，油潤肥美，入口鮮味滿載，帶子迷不可錯過。主菜點咗啖啖蟹肉黃咖喱虎蝦配印度煎餅 ($228)，估唔到碟咖喱分量咁大，就算三、四個人 Share 嚟食都應該無問題。入面有唔少蝦隻同蟹肉，超足料。虎蝦大大隻，入口充滿蝦肉的鮮甜味。咖喱汁香滑富層次，以印度煎餅蘸點來吃，非常滋味。和牛金麵 ($158)，碗麵以充滿泰北風味的咖喱做湯底，和牛粒雖然未至於入口即溶，但食落好有牛味，配上掛湯力十足嘅煙韌蛋麵，食材吸盡咖喱精華，味道鮮香濃惹！壓軸係每次嚟「Greyhound」都會必點嘅招牌椰子千層蛋糕 ($78)，蛋糕中間夾了一條條厚厚的新鮮椰青肉，糕身輕柔鬆化，椰子果味中和了甜膩感，入口鮮香清甜，為這頓午餐完美作結。-
阿來泰式地道風味 黃 / 阿來泰式地道風味 藍 (阿來泰式地道風味 黃藍意思黃店或藍店簡稱)