樂華餐廳 大角咀

樂華餐廳 評價 相片

我住在大角咀三年，都未食過呢間餐廳，於是今日就試吓。

我一入去就有位坐，不過依然好多人.....今日係"Menu A" 好多吾同既choice，都係$32(要湯同飲品都只係加$1，抵）我叫左一個葡國雞飯、凍奶茶同羅宋湯。

葡國雞份量真係好多，不過汁好味，70分奶茶始終好甜，65分羅宋湯吾錯，75分對於我們學生來講就貴左D，不過都OK

又到午飯時間了，係大角咀做野2年多從末試過 樂華餐廳，皆因同事門口碑麻麻，但... 無計，今天周圍都爆棚 4個同事被 arrange 坐係卡位，" 今日係Menu B "(said by 待應)，原來呢間餐廳有 Set A D，每週不同，咁又好 wor ，咁多 Choice，唔洗 day day 一樣。

每個餐有湯、飯、熱飲都係$33，算抵啦！我叫左個馬來咖喱雞球飯、羅宋湯、熱檸茶馬來咖喱汁做得淡而稀，一般，無椰香。

雞塊肉都okay，但如果煎香o的再煮會好d。

整體值60分。

羅宋湯亦都偏稀，但勝在材料足夠。

整體值70分。

熱檸茶 okay 啦。

整體值75分。

普普通通一餐可以接受的

作為大角嘴街坊，總會去過樂華餐廳，以下是最新的一次。

該晚點的菜是：雞扒晚餐內容有：忌廉粟米湯，瑞士雞翼，蒜蓉豬仔飽，雞扒飯，果凍，冰紅茶忌廉粟米湯 很濃的忌廉湯，但粟米的數量實在....少得可憐瑞士雞翼 很入味，但不熱不冷的....實在算不上美味蒜蓉豬仔飽 好吃，很香而且脆雞扒飯 原是黑椒雞扒飯，但因本人不吃黑椒，所以再三問了店員可否轉汁才點，我是轉了蒜蓉汁，但最後出現的還是黑椒汁，更甚的是，我等了這個飯30分鐘，店員告訴我轉汁就要再等，我不想再等30分鐘了，只好硬著頭皮吃了服務就是，基本上那裡沒人會理會你，你只見到滿店的客人，但廚房弄的，多是要從外賣的，不禁讓我覺得，堂食的朋友真沒福氣，如果我到快餐店吃一個”快餐式晚餐”要1小時時，我真的要考慮還要不要來。

P.S. ：下錯單可不是客人的錯，但為什麼我要受店員的氣？就算是有名的店，也不應該這樣對客人吧。

我想我還是會去吃的，但我會挑非繁忙時間才去。

呢幾日天氣很凍，又令我想起要食煲仔飯，上星期同朋友吹開水...朋友話大角咀有間好好食又低食嘅煲仔飯，問清楚地址後發覺都唔難搵到，就在中匯街隔離條大全街，晚上去到見人山人海，心里想系唔系咁得啊！只見門口夥計一人控制十多個爐，仲啲單排倒滿嗮，相信都沒走雞。

應該幾好食。

坐低order咗個廚師推介嘅燦哥煲仔飯，果然名不虛全，分量十足，至於究竟呢個招牌煲仔飯有什麽特別，本人賣個關子，留待大家去慢慢品嘗，必定不會令你失望，值得一提系我之後仲叫做一杯凍柑吉七喜，簡直系絕配，下火之餘仲令到我再度回味剛才香噴噴嘅煲仔飯哈哈!

我係大角咀住 差唔多一日3餐都會去樂華度食 樂華餐廳d野食真係唔錯,我覺得佢比旺角區d餐廳仲好,又唔算太貴 價錢合理 佢既午市飯餐真係又多款又低食,由其是係個羅宋湯比起出面果d西餐廳好飲 如果大家有機會經過大角咀一定要入去e間試下,我個人覺得e間餐廳最好食有,先講早餐比大家聽,早餐一定要試一下樂華既香煎自制羅白糕同埋老闆娘自制既上湯交子真係好好味,如果吃午飯真一定要試下個豬頸肉撈檬粉同埋瑞士汁雞翼煎蛋飯,下午茶就一定要試下e個吉列豬扒蛋羅宋湯通粉還有牛扒腸忌廉湯以大利粉,炸雞脾薯條也很好食,雞脾又夠大隻仲有少少辣辣地價錢又便宜真係值得一吃,到最後講晚飯啦.係樂華食晚飯就一定要試下老闆親手煲既煲仔飯,真係又香又好味,食完真係會食第2次,我自己都好似食到上癮咁,仲有佢個羊腩煲比出面大排檔好食, 就算係小炒煲仔菜都唔差,所以大家有機會路過就一定要入去試試,其實仲有好多好多好食既野,不過我諗唔到咁多喇,有時間的話大家自己入去試下喇

樂華餐廳餐單提供港式等推介美食位於大角咀區，餐廳座位數未知人均消費約$50以下，結賬可以用現金。

您對於大角咀餐廳「樂華餐廳」有何 comment？

樂華餐廳餐廳詳細資料：

• 樂華餐廳地址:
  大角咀大全街大滿樓地下
  樂華餐廳,  
• 樂華餐廳電話:  
• 樂華餐廳價錢: $50以下
• 分類: 港式
• 座位: 未知
• 付款: 現金
• FB專頁: 樂華餐廳 Facebook

更多樂華餐廳相關資料:

• 樂華餐廳分店
• Youtube
• Facebook
• Twitter
• Google