阪神 元朗

阪神 評價 相片

呢間餐廳係主要食大阪燒，但今次想試下佢既日式便當🍱呢個野菜炒豬肉便當🍱，最值得一讚係佢唔似其他餐廳會炒到好多醬汁或者好油，食落感覺比較清爽👍🏻啲飯係用上珍珠米，真係日本🇯🇵便當既感覺。

好懶既一個晚上，突然好掛住大阪燒，所以上左foodpanda research 下～咁岩又比我搜到阪神咁梗係試下啦～章魚大阪燒要大嗌：好好味呀～佢入面除左基本既材料外，還有畫龍點睛既栗米，真係好好食。

吉列豬扒關西炒麵 呢個真係好好食，最正係送到黎仲係好脆好吉列，個炒麵同我起日本食既差不多味道，推介推介忌廉蟹肉日式薯餅入口即溶，好似流心咁，食既時候真係要小心，因為真係會流出黎架泡菜豚肉炸餃子👌🏻👌🏻係不錯的非常滿足既晚餐

經過幾次成日心思思想試。

終於試咗章魚大阪燒，好多料、啖啖菜同章魚。

粉漿同料比例剛剛好，醬汁都好好味，食到唔想停口。

坊間遇過太多超多粉漿、勁多菜的搵笨大阪燒，呢間一定係真材實料！ 另外仲有兩款味，其中一個係吉列豬扒， 未見過呢個配搭，食完原本章魚味咁ok, 會想下次試埋吉豬店員好友善、好attentive. 見佢紙盒都裝得好乾淨企理，我就選擇唔需要膠袋就咁拎個盒，真係擺喺手上的公文袋上都一點油漬污漬都無沾上。

值得一讚店員係好細心咁確定筷子已經被貼紙穩定唔會跌先將盒食物交俾我。

而且貼紙係 "感謝", 的確係一個充滿感謝感恩的一餐

我好鍾意食大阪燒，平時喺香港食大阪燒，好多時係好厚好似好多料，但其實好多都係粉漿，食唔到日本個種，每啖都好充實既感覺。

見有人講元朗開左間大阪燒，評價不錯，即刻黎試試佢！叫左個豚肉大阪燒，雖然唔係好厚身，但好足料，粉漿同餡料比例剛好，煎出黎唔鬆散，個幾塊豚肉唔會煎到乾哂，用筷子一夾就夾得開！而且即叫即造熱辣辣，真係好好味！🤤🤤仲要咁大塊都係$30咋！！！另外仲叫左紫薯餅，薯餅又係我摰愛😍😍真係啖啖紫薯，好甜好好味！！真係好抵食！！P.s. 小小建議比老闆，如果舖頭間小小位做”立食區”會好啲，因為啱啱煮好，好熱，好難用手拎住食，而家買完之後唔知去邊度食好，拎反屋企食又會凍左無咁好食。

個人黎講好鍾意食章魚燒大阪燒呢類型嘅野，但係好多鋪頭都會因為成本而加好多粉漿。

見facebook有post講呢間，望落個價錢咁抵，就一於試下到底佢係咪真係咁值得推介啦。

我嗌咗個豚肉大阪燒，order完店員都有話翻要耐心等一陣，因為係即叫即整，呢頭附近冇乜野好行，所以就企係度等。

果然冇令我失望！真係唔會過多粉漿，好多菜冇偷工減料。

加上係即叫即製，熱辣辣食所以食落好滿足。

下次好想食大阪燒又一個人唔想入餐既話，我會再黎幫襯！

阪神餐單提供日本菜等推介美食位於元朗區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 69988823 查詢。

您對於元朗餐廳「阪神」有何 comment？

阪神餐廳詳細資料：

• 阪神地址:
  元朗西菁街23號KPlus地下6號舖
  Hanshin, Shop6, G/ F, K Plus,23 Sai Ching Street, Yuen Long
• 阪神電話: 69988823
• 阪神價錢: $50以下
• 分類: 日本菜
• 座位: 未知
• 付款: AlipayHK,支付寶,現金,八達通
• FB專頁: 阪神 Facebook

更多阪神相關資料:

• 阪神分店
• Youtube
• Facebook
• Twitter
• Google