巨一麵堂 佐敦
地址: 佐敦長樂街28號地下
最後更新:
巨一麵堂推介
由「巨星二幫」隊長陳國峰及節目監製等友人合資開辦的拉麵店，湯底較為重口味，並提供牛舌拉麵。
佐敦巨一麵堂
| 餐廳分店 | 巨一麵堂 |
|---|---|
| 地區 | 佐敦 |
| 電話訂位 | 23230220 |
| 餐單 Menu | 日本菜, 拉麵, 咪嘥嘢食店, 名人店 |
| 人氣指數 | 874 |
| 價錢幾錢 | $51-100 |
巨一麵堂訂位位於佐敦區，詳細地址是佐敦長樂街28號地下，餐廳寬敞座位數目共有20個。巨一麵堂幾錢？價錢優惠後人均消費大約$51-100埋單，早餐午餐晚餐巨一麵堂餐單包括有日本菜, 拉麵, 咪嘥嘢食店, 名人店等美食，付款方式有AlipayHK,支付寶,現金付款，Booking網上訂位可以電話致電 23230220 查詢訂座。
巨一麵堂優惠
巨一麵堂 評價 相片
本身想食隔離間居酒屋，咁啱朋友行過見個呢間拉面店門口燈箱個menu 啲拉面相片好似唔錯，咁就走左入去，唉，超級大伏。
食完先知原來間鋪係藝人開，同朋友傾開計先知朋友識果個藝人，我同朋友講真心可以叫佢執左佢，早執早啲止蝕離場。
邊有可能食日本拉面食到有五香肉丁嘅味道（見圖）！！！！仲要個湯頭死咸/油。
玉子無味，叉燒超薄又無味道/口感。
唯一嘅安慰，就係啲面無乜鹼水味同埋炸得唔錯嘅牛肉薯餅..........
琴日萬聖節同男朋友一齊去食，喺佐敦近近地又想食日本野就入咗去。
🤭見到一個客都冇，以為係啲咩隱世小店，結果中咗個大伏。
我叫咗碗黑芝麻擔擔醬拉麵，食咗一兩啖真係苦到喊🤮，一開頭仲以為係佢獨特嘅味道，結果越食越頂唔順，成碗嘢都係苦加澀。
🤢🤢忍唔住叫個店員嚟問：「係咪本身就呢個苦味」。
結果佢仲要話返我「你第一次食，唔慣啲咁濃嘅味姐，你係第一個話苦嘅客喎。
」大佬我覓食食過唔少黑芝麻拉麵啦，同埋屋企日日買無糖黑芝麻粉沖黎飲，我點會分唔清濃同苦嘅分別😑但疫情期間我又冇理由叫佢試返一啖對質，唯有受氣食埋啲小食算。
佢收返碗麵入廚房嘅時候，我仲隱約聽到個廚師話咩係咪過期。
嚴重懷疑佢哋疫情冇開門咁耐，繼續用返勁耐之前啲材料。
奉勸大家呢啲非常時期想去食真係要三思😷而我男朋友嗌左碗撈麵（但又用隻杯嚟裝左啲湯），本身以為正正常常。
結果佢返去嘅時候大肚痾。
證明佢啲嘢食真係極度唔衛生😵又難食，店員態度又差，照收晒我哋全單錢。
絕對會將呢間野Blacklist💀💀💀今次當係教訓🤧下次搵嘢食真係要睇返啲食評，搵啲有信譽嘅餐廳黎食。
（下次想食黑芝麻都係返返台風食沾麵算😋😋）
適逢見完客，自己一個又唔想去人多嘅餐廳，結果經過呢間拉麵店，即管試吓～。
其實我又唔覺得呢間餐廳好似google/ OpenRice 咁講到咁差;。
一入去，裝修風格已經好似去咗日本咁，餐廳得一邊掛滿晒木牌。
顧客唔多， 簡直包場咁濟，十分難得可以靜靜地享受午餐我點了：1）牛舌拉麵（醬油味）2）波子汽水牛舌拉麵唔錯，雖然有時比較薄，但係都好香口，彈牙！醬油湯底方面，唔算太濃，而飲落去嘅感覺有少少好似飲緊薯仔湯🧐同平時出邊一般嘅拉麵，唔太相似；雖然餐牌上冇寫到係用湯底主要係用咩嚟熬製，但係都感覺到一種心機喺度價錢有啲偏貴，而且餐廳其實可以播吓歌，包場嘅感覺，有種無形嘅壓力😂
見好耐放假無同媽媽出過街，所以就去佐敦附近逛逛街。
唯有隨意入左一間拉麵店。
呢間拉麵店標榜牛舌為自己主打，所以我地叫左兩碗牛舌拉麵，加一份炸蠔，但可惜質素都係偏中下。
牛舌的確係無咩氈味！但味道一般😅！1️⃣牛舌拉麵有5塊牛舌，同少量雲耳，牛舌都切得比較薄，坦白講成碗拉麵餸/配料份量真唔夠。
2️⃣拉麵份量都多，但可惜麵質一般。
3️⃣拉麵湯底有鹽味同醬油味，味道都算濃，但唔知點解兩碗湯底都加左好多麻油同黑椒，兩種調味真確係令湯底香濃，但味道好似有點格格不入😅，而我碗醬油味湯底唔知點解越食越似出前一丁湯底！炸蠔就水準一般，炸粉厚，同炸蠔厚度一比一😂，而蠔🦪味道都只一般，好重油膩味，賣$46有點貴！店員態度有待改善，1️⃣店員經常要求顧客坐指定座位，即使成間舖係沒有顧客，並多番提醒🔔，讓客人感到不舒服！2️⃣用餐時，當我拍照時，我將櫈微微拉出，打側坐，店員就話我坐勢唔好，會阻礙其他人，但實情係唔會阻到店員經過。
整體上覺得店員不友善！整體而言我認為食物質素表現中下而店員服務態度欠佳。
唔建議大家食後記：食完夜晚我同媽媽都肚痛，應該係炸蠔D油唔新鮮乾淨，大家食前真要三思！
今日佐敦附近出席義工團體開會，先約個朋友於附近食完晚飯先去， 九龍區女生名校DGS後面街，搵到間隱世拉麵店。
食店位於街尾轉角位置，和式感覺，入內更覺自己首置身於日本拉麵店。
店長好好人，親自介紹了幾款鎮店之寶，我自己選擇了牛舌拉麵配玉子，海鹽湯底，清清哋都唔錯，薄切牛舌十分美味，麵質爽口彈牙。
朋友喜歡味噌湯底，叉燒拉麵配玉子，湯底油的份量可以揀小油，感覺冇咁肥膩。
因為趕時間未能試其他小吃，下次人多啲有更多選擇。
巨一麵堂餐單提供日本菜, 拉麵, 咪嘥嘢食店, 名人店等推介美食位於佐敦區，餐廳座位數20人均消費約$51-100，結賬可以用AlipayHK,支付寶,現金，Booking訂位可以電話致電 23230220 查詢。
您對於佐敦餐廳「巨一麵堂」有何 comment？
巨一麵堂餐廳詳細資料：
- 巨一麵堂地址: 佐敦長樂街28號地下 Kyoichi Ramen, 28 Cheong Lok Street, Jordan
- 巨一麵堂電話: 23230220
- 巨一麵堂價錢: $51-100
- 分類: 日本菜, 拉麵, 咪嘥嘢食店, 名人店
- 座位: 20
- 付款: AlipayHK,支付寶,現金
- FB專頁: 巨一麵堂 Facebook
更多巨一麵堂相關資料:
香港餐廳2026推介8月