源興記 葵涌

源興記 評價 相片

是日午膳時間，前來這裡類似東菇亭的餐廳，在這裡吃的是香港本土美食！我們一行二人點了牛腩一碟、牛雜一碟，以及芥蘭一碟， 所有食物味道一流， 牛腩好林，夠味！ 牛味橫溢（其實坐在店裡也香溢處處，流緊口水）；牛筋更感骨膠原滿瀉，同樣蚊得好林，可見廚房內的牛汁很濃郁！牛雜裡有牛肺、牛肚、牛腸等，都係咩都有啲，同樣入味，入口好香！ 留意每碟都落足料， 大大份的上菜！ 絕無欺場。

加埋凍檸檬茶，讚！食物新鮮， 小店經營更地道！ 推介

新搬咗嚟呢一區，係要周圍試下啲地道嘢啦，誤打誤撞之後入咗呢間嘢，排檔通常畀人感覺污糟邋遢，但見到佢枱櫈都好乾淨，筷孓亦都冇黐笠笠，所以可以一試！門口嘅食物相好吸引，第一眼就畀個鵝腸併肥牛麵吸引咗喇，入到去再睇睇見到手打墨魚丸，梗係唔可以放過喇，所以最後叫左手打墨魚丸麵拼鵝腸、我個妹就食牛筋麵！首先講下個墨魚丸，唔係出面嗰啲粉球，真係食到有墨魚丸嘅香味，係彈牙嗰種，麵嘅份量比較少，但口感ok...今日要推介嘅重點係個鵝腸，真係超級好味！ 佢洗得好乾淨，完全冇腥味，而且白灼嘅時間剛剛好，非常爽口，$12 超值！ 好味嘅程度係我過咗兩日忍唔住返去食多次！ 寫呢篇食評之前我都喺度諗，會唔會推介完之後個個仆度咁去食我冇得食呢？ 但好嘢係要share下嘅。

。

多啲支持小店啦，香港人！

星期六工廠區大排檔好少人行過，路過時比佢門口既餐牌吸引，膽粗粗一個人入嚟試。

食完真係要比1000000 Like 佢，皆因超新鮮超大份量既生腸，竟然連金錢肚撈麵 + 紫菜湯，只收$50！禾桿冚珍珠，驚喜到連我咁耐冇寫食評都忍唔住手，平時飲開住家湯嘅我，竟然都飲清光，喺葵涌嘅朋友仔真係要來一試。

雖然係大排檔但係枱櫈都整潔乾淨，而且俾錢嘅時候仲發覺老闆好斯文好有heart，呢啲質素嘅食檔一定要支持！我一定會再嚟！

本人都係比較懶, 所以好少寫食評, 但好野緊係要多人識. 緣份之下, 因係一場雨, 就入左源興記避雨. 老闆話佢地係新開張, 咁我又見有D 餓, 於是我就坐低左, 順便試下新野. 我叫左佢地既招牌牛腩魚麵, 牛腩好入味, 而且肥瘦適中, 小小既肥膏更加帶出牛腩既甘香, 加上特製酸菜, 又會化解番肥膏既油膩, 真係令人一食再食停唔到口. 魚麵係手打, 非常彈牙, 配合埋牛腩既咬口, 真係超正. 可惜老闆話鮮鵝腸一早賣晒, 否則我一定會試埋. 老闆話佢地既水餃亦十分好食, 係招牌菜, 於是我就再叫多碗淨水餃試試. 一咬落去, 真係啖啖油香, 豬肉加白菜好 match, 而且加入少少肥豬肉, 令到水餃更加惹味, 真係一試難忘. 最後我叫左一杯名為 "滑滑地" 既奶茶, 老闆話係佢自己研究既茶膽, 所以好特別. 飲落果下, 我即刻同老闆講一定改錯名, 都唔係"滑滑地" , 係" 好L滑" 先真, 而且茶味亦十分濃郁... 可惜太飽, 如果唔係, 我一定再叫多一杯黎飲. 大排檔雖然格局冇酒店咁靚, 但食物同人情味已經贏足九條街. 

有點雨粉，亂入這間麵檔，竟然周六都開店，附近不少店都唔開，實在意外！心大心細食左豬手魚麵，豬手入味又夠火喉！老人家都食得！魚麵都幾彈牙，好似話係人手打，比一般粗少少呢。

驚喜係湯底都好濃豬骨味！朋友再加碼食淨水餃，好新鮮，麻油香濃，有黑木耳同白菜碎，啱我唔食韭菜既朋友，所以一連雞左朋友幾隻雖然係大排檔，但open kitchen, 枱同椅子都好乾淨，仲見到有幾個不銹鋼既壓力煲，感覺衛生，抵讚！下次再試食佢地招牌既牛筋 同 魚蛋先~

源興記餐單提供港式, 粉麵, 米線, 大牌檔, 熟食中心等推介美食位於葵涌區，餐廳座位數未知人均消費約$50以下，結賬可以用現金，Booking訂位可以電話致電 63888361 查詢。

您對於葵涌餐廳「源興記」有何 comment？

源興記餐廳詳細資料：

• 源興記地址:
  葵涌葵榮路28號熟食小販市場18號舖
  YUENHINGKEE, Shop18, Cooked Food Hawker Bazaar,28 Kwai Wing Road, Kwai Chung
• 源興記電話: 63888361
• 源興記價錢: $50以下
• 分類: 港式, 粉麵, 米線, 大牌檔, 熟食中心
• 座位: 未知
• 付款: 現金
• FB專頁: 源興記 Facebook

更多源興記相關資料:

• 源興記分店
• Youtube
• Facebook
• Twitter
• Google