Soland 中環
地址: 中環機利文新街6號3樓
最後更新:
Soland推介
菜式根據香港素食學會指引的五色蔬菜飲食法來設計，每日只供應一款套餐，但主菜已包含多種口味，雪糕也是無蛋無奶自己製造的。
中環Soland
| 餐廳分店 | Soland |
|---|---|
| 地區 | 中環 |
| 電話訂位 | 94733412 |
| 餐單 Menu | 西式,素食, |
| 人氣指數 | 536 |
| 價錢幾錢 | $51-100 |
Soland訂位
Soland位於中環區，詳細地址是中環機利文新街6號3樓，餐廳寬敞座位數目共有未知幾多個。Soland幾錢？價錢優惠後人均消費大約$51-100埋單，早餐午餐晚餐Soland餐單包括有西式,素食等美食，付款方式有現金付款，Booking網上訂位可以電話致電 94733412 查詢訂座。Soland優惠
Soland 評價 相片
餐廳係中上環一個好唔起眼嘅樓上鋪主要做熟客生意 有package買 仲可以同人share去之前要預約 因為老闆會根據預約 購買食材 每日嘅菜都唔同 老闆會準備好當日嘅隨機食物對於有選擇困難症嘅人黎講 好中意佢冇得簡😂 一入去 冇餐牌 冇人招呼自己拎餐湯餐飲等左一陣 老闆會拎野食出黎講返食物：南瓜湯好大碗 飲一半已經飽左打得好碎 冇乜渣主食係多國菜飯中間應該係椰汁飯 好好食配菜好豐富 有：西蘭花🥦 南瓜🎃 豆豉 藜麥 蕃茄🍅 三色椒🫑薯仔🥔菠菜…仲有其他我唔識嘅食材每樣嘢應該係分開煮 每樣有啲 紅菜頭汁 打得好碎 一樣冇乜渣 好似買嘅果汁咁仲冇乜草青味 大部份人應該都接受到環境方面：播住自然嘅音樂 難得喺中上環可以咁寧靜同放鬆 同埋有一張枱隔開咗四格 for一人用餐價格方便：冇買套票 $80性價比都ok
起初行上樓的感覺係咪去錯地方🤔，位置係窄行內的舊唐樓。
嚟食lunch的顧客都係常客，坐低就自動拎餐湯同餐具🍴，食完自動將餐具放係推車上。
不講求環境、服務，純粹係享受食物。
不必為揀咩而煩，每日不同set menu,煮咩餸就食咩。
新鮮食材🥗，營養價值高，味道層次豐富，每日餐湯係蔬菜蓉夠大碗🥣，加上鮮榨果汁🥤，滿足曬一日內要吸取的所有營養。
買咗套票，10送2，係中環嚟講數底食。
會繼續支持小店經營，加油呀💪🏻
Nice little place, food is tasty, decor could be a bit brighter or modernized but for a lunch set for 55 bucks who am I to say. Lol! You get a large bowl of soup, main dish and a smoothie all this for lunch put me in a food coma zzz .. very filling indeed. The lady there is nice, think it's a one (wo)man band place.. so be patient.When you enter the room just find a place to sit and she'll come and serve you in due time. She advised we should book next time before coming so she knows how much to prepare before hand. Would I visit again? Yeah sure will! 👍🏽
當你入到一間食店，冇歡迎光臨冇staff冇menu冇食物相，只有徬徨無助，你個腦或許會以0.72秒既時間出現劉華，既果句金句：「今時今日咁既服…」A～師主，等等，呢個唔係「伏」，請放下內心既憤怒，因為你冇黎錯，呢到提供既係除左真正健康食物外，重有「十派」（surprise)。
今次再次係中環素街街～不過今次…真係有啲詭異…首先我知google map已經盡哂力，不過真係唔易搵，因為整個門口都係內巷，加上冇任何既招牌。
然後你睇張相，你敢唔敢入？你敢，我唔敢。
舊，好舊。
暗淡既黃燈投影出你腦裡面既恐怖故事。
行樓梯上去既過程會有不安陪伴住你，YEAH！不過！呢啲就係所謂既「隱世」食店！而大家都知，呢啲「隱世」食店通常都係好野黎。
今日我就用我既肉體，親自證實左！就係呢個門口，差啲miss左！但到搵到時，又有啲唔敢入。
唔好意思，上面可能係我誇張左，令到你睇埋落尼。
不過入到去，冇staff冇menu就係真既。
或者講，成間店得一個staff兼老細兼廚師，而呢個人重好似阿媽。
係，係阿媽，唔係大媽果啲媽，係真係似你同我屋企都有一個既阿媽。
雖然個殼係奇怪，不過入面其實又有一種文青加少少民族feel既味。
最正既係bgm（background music）播住啲大自然音樂，係有雀仔叫果隻。
係繁忙既中環可以係一個咁既地方食飯，今生無悔吧？地方唔大，位亦唔係多（人就多），不過好舒服。
一邊牆上有兩大隻飛翔既白鶴，可算係此店既標誌，咭片都印左佢。
雖然滿腦問號，但係食野總要坐低。
突然聽到阿媽話：「可以出黎拎湯。
」阿媽既野就係咁，有時你唔明佢做咩，不過你都係會跟佢講咁做。
原來係南瓜湯。
啲色同封牆好襯，而且係真．南瓜，因為係有渣既。
飲過南瓜湯，你仍然係唔知發生緊咩事，因為根本冇點過菜，正確黎講係你冇得點菜。
就係呢個時候，陰雲中終於露出曙光！比我偷聽到隔離阿陳小姐話：「呢到唔洗叫野食架，佢會自動送埋黎」。
「吓？哦～？」事後翻查，終於知道阿媽背後賺人熱淚既理念。
菜式係根據香港素食學會指引既五色蔬菜飲食法來設計，用料有機／天然，不煎不炸，每日只供應一款阿媽所預備既套餐，所以事前你係唔會知道你將會食咩飲咩。
呢啲每日既驚喜，為核板打工仔生活黎講，簡直係沙漠中既一滴水！另外佢係會員／訂位制，因為阿媽只會整果日咁多人食既份量，你想哂野都冇機會。
Walk in得唔得？得，但阿媽會親切咁同你講「冇訂位份量少啲架」。
講咁多野，咁究竟我食左啲咩？平凡既賣相反而有家的感覺。
而且重要係非常健康！拿，阿媽煮既野就係咁，有時賣相麻麻，不過一定為你健康著想。
同一道理，雖然個樣唔吸睛，不過啲營養就係到呼喚緊我。
當然，當連menu都冇既時候，就唔好問呢碟野叫咩。
不過目測下有齊菜、豆、根類，淡淡既配汁發揮調味作用，食得人好舒服。
唯獨以份量黎講，可能真係未必夠，所以記得訂位、訂位，同埋訂位！呢杯一定要試，不過下次黎就唔知係咪呢杯喇但講到最神既，原來唔係個主食！係杯野飲！你睇，紅色加埋隻綠色既羹，成個西瓜咁！好吸引。
色水似西瓜，不過其實無關。
因為冇menu所以唔知有啲咩，真係有啲可惜，不過舌測下有亞麻籽、紅菜頭、熱情果，重有可能係唔知梨定蘋果等等，全部鮮榨。
而最妙既，係果一細塊既薄荷葉！加一加，成杯清香fresh哂！另一樣要提既，就係阿媽脫俗既金錢觀。
整咁多野都冇問你收錢，一來得佢一個人已忙到甩碌。
又因為冇menu，根本唔知幾多錢，問完之後原來係$55蚊。
係$55呀喂！係中環食個咁營養豐富既私房lunch，只係需要$55！做左咁多年人都未試過咁比錢。
最後比錢，就好似你見到張相咁，就咁放落個煲仔到，佢唔會望一眼，更唔好話數錢。
阿媽，我服了。
枱面好豐富：有素食漫畫、資訊，又有阿媽既手作擺設，最勁係右邊既information notes，真．環保。
食完臨走前，又可以睇下啲健康資訊、書籍、雜貨。
年初，有人問我：做咩唔寫Soland食評呀？我：自私精唔想太多人同我爭位。
其實不然。
我要等時機成熟。
終於，剛食完2017年的第115餐Soland，葡萄都熟透了，寫吧。
一、對地球的一個承諾：零浪費餐廳我最欣賞的地方：是Soland要當日早上10點前或前一日訂餐。
（透過whatsapp，第一次去則要打電話，walkin基本上不做你生意除非食物有剩)留意是訂餐不是訂位，去到你是要自己找位子坐的。
餐具也是自己攞，你坐下，就自動有食物奉上了。
有湯、是日set lunch(無得揀)、飲品只有飲品可以揀：亞麻籽果昔(凍)/薄荷茶(熱)/紅棗茶(熱)菜單透過whatsapp每日發放，唔啱食就唔駛去。
預好晒份量，只要你不食剩的話，是不會有廚餘的。
即使你細食，亦可以自備盒子盛起帶走，沒有一絲浪費。
點解一年同一間野食115餐咁多呢？事源去年同朋友講起環保議題，肉食牲畜的餵養過程，碳排放很高，大家抱怨氣候變熱空氣變差的同時，其實並非無計可施，每人每周食幾餐素就已經叫略盡綿力了。
2017目標：一星期最少食兩餐素食，52周下來目標是104餐。
無錯，我已經提前達標了！二、對自己身體的一個承諾：放心食用無負擔本身是食肉獸的我，在Soland吃的卻是純素「窩廚」（Raw food）生機食物，自己都覺得不可思議！寫到明無煎無炸無炒、不用微波爐、無五辛、無蛋無奶少鹽、無味精製作過程中保留天然營養。
終於有一間「外食」是可以完全不用怕肥，放心吃而健康有營養，誇張點說，食完神清氣爽，自我感覺良好。
不過，有得必有失，味道說不上美味，但是營養均衡。
有素食同事也頂不順蔬菜的生澀，但其實食慣了，會吃到菜有菜味，薯仔有薯仔味都是食物本該有的樣子，沒有加工，你看到的，就是你食落口的。
這天吃的是椰菜花忌廉湯(平時冇咁靚的)菜打得很smooth易入口，留有粒粒口感。
椰菜花自然的香味很明顯，濃淡適宜。
比一般街外忌廉湯好喝很多。
是日五色飯羅馬菜摧芽沙律、番薯苗紫薯三色椒、越式地瓜沙葛蕎麥、紅菜頭醬汁佢的配搭是必然有飯和沙律菜, 配上是日菜汁。
另外再配瓜/菜/豆紅菜頭紫薯蕎麥是經常出現而深得我心的配菜每樣都是富有益處的健康食物。
熟蕎麥的粒粒口感很可口。
紫薯佢會連皮上，皮帶苦，可以刮掉不吃固體的糊狀。
食落咪就係紫薯味（廢話）因為冇調味……「所謂食物精神，就係新鮮～！」(笑)亞麻籽果昔，凍的深受我喜愛，一般我帶去的人都頗欣賞呢杯飲品，飲落有少少檸檬味、香蕉味。
整體感覺是清新的。
無蛋無奶，亞麻籽健康補腦。
內外都refreshing。
勉強可以看到打碎的亞麻籽。
食了一個月，腸胃已經有明顯變化，（強調：本來都無咩問題）意外收穫是整個人Slim了，同時大半年慢慢輕了兩公斤。
三、Sustainable lunch：良心價格在中環食飯，動輒百幾蚊落檯，有時諗下，點解咁辛苦賺返黎的錢要咁浪費呢？無論收入高低，奢侈浪費都是不應該。
當去到Soland，佢收緊你套票價$46一餐，再望下你食緊既野，四個字：良心價格。
一個月食完套票的12餐續票，佢會送你兩個甜品（可以揀芭菲凍or芝麻醐熱)是日，紅桑子芭菲，入口有如沙冰，面頭有薄荷葉和玉桂粉，原來玉桂粉配上火龍果係好match的。
入口不算太甜，都係生果的原味，一般來講，芒果/火龍果/桃等等都是會整成芭菲每日不同，不過又係限量供應。
套票可以帶朋友/同事share，要完成難度不算很高。
(雖然我的同事都捱不住……)四、關於服務和環境不少人吐糟Soland的服務，其實Soland店面只有Chris一人打理(裡面有一個幫手)Chris記得晒全店所有人食了湯還是爭飲品未飲好匪夷所思!最貼心的是我本身不吃芹菜，而Chris盡量記住幫我走芹(講到呢度，佢應該估到邊個係我）同埋耐唔耐會send d素食活動俾你。
令你感覺到佢有幾熱衷推廣素食。
講服務唔係要時刻對住你笑我更加欣賞外冷內熱卻有一股熱誠的Chris。
店裡有好多宣傳素食的文章和漫畫。
話你聽，素食無礙健身。
教你反思生命。
環境方面，我每次都會俾首次去既人一個心理準備環境真心「up dup」，尤其要經過一條髒兮兮的後巷仲要行３層樓梯才去到，店裡放輕柔音樂，同時雜物較多，檯面偶然來不及抹，偶然有小蟲子出沒衞生是一般的，大咧咧如我，是不介意的。
後話「食咩啊你？」「食齋」「中環邊度有齋食呀？」「機利文新街」出現了十萬次的對話，依然樂此不疲。
食餐飯，不用殺生、沒有浪費、沒有塑膠丟棄，對自己好、對環境好、對荷包也好，用行動實踐我想做的事，支持有信念的小店，感覺多麼好。
食餐飯超乎裹腹，直達精神層面的滿足了（笑）如果你睇完食評平日Lunch time去到Soland會見到一個高大的女生一個人食飯那個是我，Hi~ Nice to see you.
您對於中環餐廳「Soland」有何comment？
Soland餐廳詳細資料：
- Soland地址: 中環機利文新街6號3樓 Soland, 3/ F,6 Gilman's Bazaar, Central
- Soland電話: 94733412
- Soland價錢: $51-100
- 分類: 西式,素食,
- 座位: 未知
- 付款: 現金
- FB專頁: Soland Facebook
更多Soland相關資料:
香港餐廳2023推介04月
為減低冠狀病毒病在美味佳內有任何傳播的風險，美味佳在餐廳內會盡力保持高水平的清潔及衞生標準。餐廳美味佳除了遵守預防及控制疾病的相關規例，美味佳同時建議採取以下措施*美味佳 黃, 美味佳 藍, (美味佳 黃藍 等意思黃店或藍店簡稱
常見問題 FAQ:
Soland在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內Soland應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳Soland建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
Soland餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳