金旦 西灣河

金旦 評價 相片

無時間無耐性等既人可以唔洗幫襯 第一次試 門口寫住話6:30開門 我6:27分第一個落單拎住1號籌之後30分後開始多人總共等左我半個鐘係呢半個鐘入面，老細非常好客係咁同5號籌班客吹水然後寧願特登去整試食比人食都唔會趕左出餐先仲係咁問有無人要試食，之後佢係咁叫個籌號5同6號一路問人地好唔好食，其實好食還好食可唔可以趕左出餐先⋯？40分左右我見佢地雞扒都焗好 之後48分左右仲叫埋2號我就問佢係咪叫我呢個籌號佢話未得要等下之後50分左右佢出左3盒飯比個5號先我好無奈⋯問下佢拎得未，老細答我而家得之後57分左右，排我再後1/2位既一對情侶都出左2盒飯比佢地然後約7:00先到我拎⋯我只係叫一碗輕量既雞扒飯$45就係白飯+菜+雞扒半塊汁係分開上自己加點解要等咁耐呢？老實講我真係好嬲，你如果要等得耐麻煩同人地講聲咁我會選擇唔買你 再者 出餐係唔跟你買先定買後 即使你第1個買都好 你都要等到第6盒飯先到你 我覺得好唔公平係咪同老細傾得開心就出餐得快d？普通人就要等多幾個咁樣？最後最嬲個下，我拎到番去食（約5分鐘）第一啖佢堆炒既菜係凍既 真係激到我喊出黎，人都癲仲要只係每樣野放上去就得 半個鐘，建議有耐性既人可以等。

好似我呢d無同老細吹水，仲要比人拎先幾個飯再食到凍菜既人就真係 不了，無下次

一：招牌暗然銷魂飯1)難食，都唔知自已食緊個咩飯；2)圖靚有蛋，返到去一打開見倒都無胃口仲要無蛋，一邊拿一邊嬲；3)幾個唔知咩樣既叉燒加超級油既飯就要七十幾蚊，不如去太古食敏華；二：金牌蛋包飯1)價錢講都無謂2)唔知咩油，油到想嘔3)入邊又唔知係咩肉，肥到食一啖已經唔想食落去真係唔知係我唔好彩，定大家口味唔同，點解會有好評，一句講曬無下次。

今晚諗住食頹飯，行過太安樓見到排長龍人山人海，人排我有排，間野叫金旦，款式唔算多，我哋嗌左個叉燒炒飯加雞扒，令一個就暗然銷魂飯，叉燒係豬頸肉燒嘅，配埋蛋炒飯絕配，令人回味。

令一個雞扒都笑得好香甜，加埋叉燒粒炒飯真係唔怪得要排咁耐。

兩年前喺金旦舊舖食過一次嗰時老闆以經好好客, 啱啱出爐的雞扒剪咗一大塊比我試, 臨走嗰時仲話之後會搬舖提我新舖位置 之後其實都無再食過因為揾唔番間舖半年前再行太安樓揾番間金旦, 嗰次排咗成個鐘先食到個至尊蛋包飯但係男朋友一試難忘, 每個月都會食一次以上 每次都起碼排咗成個鐘先有得食 (但都仲係好多人仲要係熟客排, 可想言之佢係幾好食) 見男朋友咁鐘意食我又唔想再排咁耐, 上次開始我就會步住佢開門時間510分鐘前去排隊. 今次比我排到第一都等咗20分鐘, 老闆真好有心, 每個order 都係新鮮整 所以等咁耐都仲係多人等我又係肚餓到都唔記得影相, 得番張單 (其實每次都食一樣的LOL) 老闆如果見你一個人買會叫你唔好買咁多, 係咁話夠食夠食 我要講2 個人食+帶飯, 佢先叫我改一個唔好叫炒飯底, 好有愛的老闆每次雞扒都大大塊, 蓋都冚唔到, 加多2 個西蘭花, 保證夠晒營養. 义燒都燒得好靚, 加埋蜜汁更加無得頂! 不過第二日翻叮真係無咁好食, 硬咗好多, 所以都唔建議大家諗住大大盒食唔晒帶飯

今日番到屋企先發現冇人煮飯 於是就搭車去到西灣河搵野食黯然焦糖脆香雞排 + 炒蛋 $59由於太安樓太多野食所以唯有上網睇下邊間野食最多人推薦搵左好耐終於搵到依間金旦叫左一個黯然焦糖脆香雞排 + 炒蛋 足料到完全CUM唔實個外賣蓋而且特別既醬汁令到雞排十分香口, D汁拎黎撈10碗飯都得

金旦餐單提供港式, 茶餐廳, 冰室等推介美食位於西灣河區，餐廳座位數未知人均消費約$51-100，結賬可以用現金。

您對於西灣河餐廳「金旦」有何 comment？

金旦餐廳詳細資料：

• 金旦地址:
  西灣河筲箕灣道57-87號太安樓地下A44A號舖
  GOLD8, Shop A44 A, G/ F, Tai On Building,57-87 Shau Kei Wan Road, Sai Wan Ho
• 金旦電話:  
• 金旦價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 金旦 Facebook

更多金旦相關資料:

• 金旦分店
• Youtube
• Facebook
• Twitter
• Google