米線陣 大埔

米線陣 評價 相片

今日黎食米線陣，但我唔係食米線，改左食烏冬！非常之出色的！紅油珍珠餃子，對我黎講，有點辣，但非常香口！烏冬配呢個蕃茄湯係正的，烏冬索哂蕃茄湯底，食嘅時候係好入味！而且呢度啲牛肉夠軟身，唔會咬唔開！

大埔分店啱啱開嘅時候 , 佢個麻辣湯底好好味 , 每個星期都會去, 仲比錢做埋會員 , 但之後佢轉咗湯底 , 唔岩口味 , 整體質素都下降 , 就冇再去啦 今日再去返 , 發現質素進步左 , 麻辣湯底好似變返以前咁小食同米線配料多咗選擇 , 有鮮蝦同魷魚鬚 !  😍😍餐牌 :金錢肚 + 爽甜鮮蝦四川麻辣湯米線 (微辣) ($47) 上菜時個擺盤冇咁靚, 係自己執返好影相啫 🤣🤣爽甜鮮蝦 $12 有 3 隻都幾抵 , 而且爽口新鮮 ! 推介 !金錢肚都有 4 , 5 片 , 入味好食 , 米線偏煙韌 , 浸耐左都唔會好淋湯底又麻又辣 , 個人鍾意呢個麻辣湯底多過 _ 仔竹笙 + 魷魚鬚香菜豬骨濃湯米線 ($45)竹笙份量都幾多 , 魷魚鬚有 6 條 , 爽口不過略嫌份量少咗啲啲 , 性價比冇 $12 3 隻蝦咁抵 , 湯底無咩特別花雕醉雞翼 ($24)好香花雕酒味 , 好入味 , 🤤🤤🤤 3 隻真係唔夠喉 芒果鐵觀音 (跟餐 + $15)成個鐵觀音茶包放落去 , 杯底有芒果肉碎 撈埋一齊 , 飲到鐵觀音嘅茶味 , 亦都飲到芒果甜甜酸酸嘅味道 , 仲有啲果蓉咬下 , 配搭夠曬特別 , 唔錯唔錯 😋佢個青瓜豆漿都幾好飲㗎 大家可以試下兩個人夾埋食咗 $131 , 好飽 , 會再回頭 ! 👍👍

今朝咁啱入咗大埔做嘢,11點嘅時候想搵間茶餐廳食個早餐,點知間間都好full,有一間啱啱又話停咗早餐,得米線陣唔使等位所以就入去試下。

揀咗蕃茄牛肉通心粉,好快就上菜,係有集團式一貫速度👍🏻碗通心粉入面有隻好大嘅匙羹(食拉麵用個種),而枱上面嘅餐具籃就只有筷子同叉, 換言之,通心粉係要用碗入面嗰隻非常大嘅匙羹黎進食,我覺得有啲唔userfriendly。

講返碗通心粉,由於集團式經營本身我已經唔會抱好大期望,但係呢碗個樣真係好唔吸引,牛肉好嚡好老,白雪雪無乜味,蕃茄湯偏淡,可以話係純粹填飽個肚,同埋勝在唔使等位。

早餐呢碗通心粉加杯凍飲承惠$30,抵唔抵就見仁見智,至於本人就未必再會食佢既早餐啦,不過相信大集團始終都會有一批捧場客既。

同女朋友收工，唔個食咩好，見到間米線陣新開，又好多人排，所以入左去試試。

我地叫左個二人餐，但二人餐真係好大份，2個人完全食唔晒。

可以揀2個湯麵，每個麵可以揀2個送。

同埋2個小菜、2杯飲品。

佢有好多湯底揀，例如重慶酸辣、蕃茄湯、沙嗲湯等等。

我就揀左蕃茄湯，味道好濃，甜甜地，好開胃。

而送可以自己揀咁我叫左豬大腸同豬頸肉。

兩樣送麵好入味。

豬大腸佢炆到好軟，入口即溶。

而豬頸肉就好脆。

我覺得最好食麵係個小菜，醉糟雞翼。

好香酒既味道，非常入味。

如果大食而又鍾意米線既 可以一試二人餐。

細食就叫一碗麵好喇。

食物都還可以，食米線既你想啲野有幾好質素。

只係今日去食左早餐，叫左杯凍奶茶，佢竟然話公司唔比飲筒。

喂，你環保唔用膠飲筒我明白既，好支持添。

但係依家有其他款既飲筒嫁麻，紙飲筒都可以嫁。

凍野冇飲筒點飲，成隻牙麻痺晒

米線陣餐單提供滇菜, 雲南, 川菜, 四川, 粉麵, 米線等推介美食位於大埔區，餐廳座位數未知人均消費約$50以下，結賬可以用現金，Booking訂位可以電話致電 22950445 查詢。

您對於大埔餐廳「米線陣」有何 comment？

米線陣餐廳詳細資料：

• 米線陣地址:
  大埔安慈路3號翠屏花園地下7號舖
  Mixian Sense, Shop7, G/ F, Jade Plaza,3 On Chee Road, Tai Po
• 米線陣電話: 22950445
• 米線陣價錢: $50以下
• 分類: 滇菜, 雲南, 川菜, 四川, 粉麵, 米線
• 座位: 未知
• 付款: 現金
• FB專頁: 米線陣 Facebook

更多米線陣相關資料:

• 米線陣分店
• Youtube
• Facebook
• Twitter
• Google