泰燒遙 尖沙咀

泰燒遙 評價 相片

平日黎呢間泰菜，都好容易卜倒位，果日卜左6:00，上到去差唔多5:50餐廳仲未開，侍應叫我地等等係門口等等🙄入到去可能冷氣岩岩開，果陣up味都好西利下🙄講到食物，其實都幾好味，柚子沙律🥗酸酸甜甜好開胃；小食併盤，配有4款汁醬，豬頸肉就最出色，炭燒味好香，串燒同春卷，點下d沙嗲同甜酸醬😋好鬼正；燒牛肉order左6成熟，但黎到略生左小小，血淋淋咁🙄中間仲有好多根，牛味算重；馬拉盞炒通菜炒得好青綠，味道亦岩岩好。

想食泰國菜，見到呢間幾多好評就黎試下6點黎到，第一枱客🤣可能因為無其他客，侍應都好好招呼柚子沙律啲柚子幾新鮮，而且香料都好足，好有泰國風味👍🏻但反而面頭個2隻蝦就麻麻😅😅😅小食拼盤豬頸肉麻麻地，口感有啲太淋，而且亦都無燒過嘅香味。

串燒正正常常，個沙爹汁都無乜特別。

蝦餅同春卷，唔知係炸得唔係幾好定點，唔係一炸起嘅熱度，所以都麻麻地通菜正常發揮，無乜特別🤷🏻‍♀️燒美國牛小排好似生左少少，生個啲位亦都好難咬開，而配埋啲泰式醬汁同辣粉亦都唔係好夾😅😅總括黎講，呢間麻麻地😅

哩餐係朋友生日飯，既然壽星女話想食泰菜，又揾好左哩間餐廳，當然係最好啦，唔使揾😃泰式生蝦刺身（$139）賣相乾淨企理，一個杯仔裝一隻蝦，已經放好左調味醬，酸酸地少少辣，好開胃，幾推薦～（提醒，食蝦總係免不了留意清理蝦腸喔）青咖哩軟殻蟹 配法包（$139）講真青咖哩好少輸，何況加上軟殻蟹😎正常水平出品，無咩彈既地方蝦醬猪肉碎炒飯（$96）同我地中式炒飯好唔同，我以為會炒埋一堆 D猪肉係甜甜地既，我幾鐘意食。

飯就普普通通青木瓜沙律（$108）幾酸幾開胃，都頗辣泰式丈蝦炒金邊粉（$96）睇翻menu，其實出品都似既。

三隻大蝦爽口既，我地無點隔離d辣粉來食，本身d粉唔辣既，小小甜，都可以點。

泰式香茅爆炸雞（$139）其實個原理系類似避風塘蟹，不過上面既香料就加多D香茅果D。

最後出品系無避風塘做法咁香既，而且雞系比較乾既，我覺得一般，朋友就鐘意。

泰式奶茶 & 海底椰大樹菠蘿椰汁冰整體來講，出品都正常泰式餐廳水平，價錢就比一般既泰式餐廳稍貴一DD，味道系中上水平既。

當日系平日，去到既時候系比較靜同埋唔使等位，如果無訂臺既話，都唔擔心無位既。

星期6一行3人 8點半去食飯, 一入到去勁多位, 應該得3分1人.D位夠闊, 坐得夠舒服. 叫左個碟豬頸肉 $108 (再加一), 勁細碟, 味道一般.個2個椰青, 夠新鮮 一條青檸魚, 得個酸字, 唔夠咸, 有D淡. 但魚肉好滑. 用黎托住條魚有隻小昆蟲, 友人話係小強黎. 一個炒菜苗, D菜好老.......可以睇下張圖個金邊粉就幾好食, 正常泰國餐廳水準另外仲有個青咖哩雞柳, 個汁OK, 不過唔夠熱, 同埋份量好小.3位埋單約$900, 應該唔會再去

係openice見到呢間開飯熱店泰國菜，地點係諾士佛臺都幾方便，價錢又唔會太貴，所以就約左朋友聚會係呢間食。

7點同朋友上到去，其實有點驚訝，因為裝修都幾陳舊而且似中式餐館多點，而且現場都唔多客，有8成檯都無人。

打開餐牌，大部分餐點價錢都中價，但海鮮類都勁貴，所以我地都係點小菜為主。

我地四個人點左鮮蝦柚子沙律、酸辣鳳爪、炸蝦餅、冬陰功湯（大) 、雞肉青咖哩、雜錦串燒、馬拉盞炒椰菜苗、椰汁西米糕。

大部分水準都不過不失，每款價錢都大概一百蚊左右，份量唔算大碟。

但食完真係無咩記憶點，埋單每人＄255(記住我地無叫海鮮），以咁既價錢，我去MANGO TREE食會開心D，起碼有VIEW有裝修。

泰燒遙餐單提供泰國菜, 海鮮, 串燒等推介美食位於尖沙咀區，餐廳座位數80人均消費約$51-100，結賬可以用AlipayHK,支付寶,現金。

您對於尖沙咀餐廳「泰燒遙」有何 comment？

泰燒遙餐廳詳細資料：

• 泰燒遙地址:
  尖沙咀諾士佛臺1號5樓
  Thai on 5 Seafood Grill and Bar, 5/ F,1 Knutsford Terrace, Tsim Sha Tsui
• 泰燒遙電話:  
• 泰燒遙價錢: $51-100
• 分類: 泰國菜, 海鮮, 串燒
• 座位: 80
• 付款: AlipayHK,支付寶,現金
• FB專頁: 泰燒遙 Facebook

更多泰燒遙相關資料:

• 泰燒遙分店
• Youtube
• Facebook
• Twitter
• Google