Munch Now 馬鞍山

Munch Now 評價 相片

偶爾行過馬鞍山地鐵站附近的地面，見這間好似唔錯的西餐廳，入去試試。

餐廳有簡單雅緻裝修，餐牌選擇豐富，我隨便的挑了香煎豬扒飯（$48），飲品要加錢，叫了熱檸茶（$6）。

餐湯似周打魚湯，有少少薯仔及紅蘿蔔，不太稠或稀，味道唔錯。

👍🏻豬扒飯望落有快餐店 feel。

豬扒有2件，頗大size 。

豬扒咬落鬆軟，但落了鬆肉粉，所以質感不算自然。

但它煎得很香，燒汁味道唔錯，少少甜並不咸。

配菜有南瓜及椰菜，略嫌太少。

整體而言，只是俾快餐店好少少的水平，亦可能這個餐是最平的。

若有機會，會試吓其他餐。

本身一心想試下呢西餐廳，開業咁耐都冇機會黎試，餐廳女職員態度極差，黑面之餘有枱唔比人坐，一定都要人搭枱。

問佢咁我等一陣啦，佢用極差態度答真係唔知等幾耐喎。

永不幫襯！

作為新來街坊，第二次來吃。

第一次平日晚，因要慶祝，吃貴價的牛扒，叫五成熟，來時變 well done，韌到有些部分根本咬不開，本來想加叫生蠔也即時不想叫。

服務也不好，已覺得不值。

隔了幾個月，週末下樓隨便吃午餐，二人見有位就進去找張吉檯坐下，當時有多過一張全吉的四人檯，坐下後侍應才來想我們改去搭檯，我們有大背包，搭檯位置又窄，外面又不是有人排隊，決定不理。

然後都未點餐就有疑似經理以 "這是四人檯" 為理由又想我們轉去搭檯，態度分明趕客，我指著另一張只坐了一人的四人檯問為何（後來發現那人明顯是熟客），經理氣結，話一陣多人亦要搭檯坐一邊，我話好，有客先搬。

食物普通，朋友也說黑椒豬頸肉炒烏冬太鹹，咖啡 after taste 偏酸。

其實之後成餐都食之無味，這樣的待客態度，你想客人來貴品牌當食西餐抑或當食連鎖快餐來受你氣好？要食快餐的話，馬鞍山也不再是美食沙漠大把選擇。

你覺得人會多，就應該客人一進來就安排座位，怎麼四個樓面顧十檯客都招呼不好，客人自己搵位坐好了又要人轉檯，仲要看到其他人都是一人二人坐四人檯，你怎會好意思叫客人有吉檯又要搭檯然後看著你們樓面繼續同熟客吹水？題外話，整餐飯一直看著餐廳未坐滿過，走時三張吉檯，所謂要搭檯的情況根本無出現，終於知道無客的原因了吧？我就決定永不再錄用，你也可以繼續只做所謂熟客但不街坊的生意了。

自問對食物要求唔太高，但係起碼d食物要熱囉！第一次食 牛舌 豬排 薯條都係熱既第二次食 雞排係唔熱既，但薯條係熱既第三次食 所有野都係唔熱既！第四，五次食都係唔熱既好失望😞雖然我知有好多公司既食物都係整定先既，但係都會處理下，整熱返佢，但係呢度既食物係一d温度都冇！

經過 Munch Now，環境好似不錯，算係馬鞍山夠偏既位置夠寧靜，就入去食份扒先。

大約十張枱，靜靜地傾吓計，啱哂啲想傾下計慢慢食既人。

我嗌左香煎加拿大豬鞍，先上蘑茹湯，有蘑菇味，濃道適中，不錯，跟住上豬鞍，全熟不韌，但味道偏淡，始終都係覺得豬鞍慢煮較好。

另一位点了香煎纽西蘭羊扒，5成熟，可惜來了7成熟，這很影響口感，要扣分，但味道不錯也冇騷味，至於配菜翠玉瓜夠霖和蓮藕夠乾身。

最後是咖哩雞配油酥餅，咖哩汁味比較淡，雞就不过不失，油酥餅也是一般。

整體環境不錯，夠靜，每人平均$160，水準一般， 經經濟濟，傾吓計，值吾值就見人見智啦。

Munch Now餐單提供西式等推介美食位於馬鞍山區，餐廳座位數44人均消費約$101-200，結賬可以用現金，Booking訂位可以電話致電 26835889 查詢。

您對於馬鞍山餐廳「Munch Now」有何 comment？

Munch Now餐廳詳細資料：

• Munch Now地址:
  馬鞍山鞍駿街1號馬鞍山中心地下A03號舖
  Munch Now, Shop A03, G/ F, Ma On Shan Centre,1 On Chun Street, Ma On Shan
• Munch Now電話: 26835889
• Munch Now價錢: $101-200
• 分類: 西式
• 座位: 44
• 付款: 現金
• FB專頁: Munch Now Facebook

更多Munch Now相關資料:

• Munch Now分店
• Youtube
• Facebook
• Twitter
• Google