泰朝 灣仔

泰朝 評價 相片

見星期六晚銅鑼灣到處多人同女朋友吃飯又想好吃又想經濟又想傾吓, 行到灣仔道泰朝見门口大佛好正又是全日免加一, 二人套餐都是$188. 侍應第一時間遞上暖水真是好, 我倆不用想便点了二人套餐冬蔭功湯可以接受feel到有香芧味, 泰國香草, 檸汁及辣. 內有蝦,蘑菇, 芫茜.頭盤有蝦餅或豬頸肉選擇, 選了蝦餅, 彈牙好香..主菜有咖喱烤鴨, 咖喱牛腩, 海南雞或甜酸蝦球, 這麼凍於是点了咖喱烤鴨暖暖胃, 內有荔枝, 青紅椒, 烤鴨,咖喱對辦，不太辣，香料味十足，亦有層次菜都有得選擇, 鹹魚芥蘭或飛天通菜, 當然我喜歡辣便選了飛天啦, 有濃厚面士醬但略不夠辣,都OK. 另白反兩個及椰汁西米糕好濃椰汁味正.之後仲叫咗買2送1 泰啤同女友享用. 臨走仲買咗香芧猪頸肉給未來外父.

好熱,行左成條街終於找到泰朝,一入去坐低,d侍應即時送上冰凍青檸水,成個人舒服曬,然之後點左個二人餐,有冬蔭公湯,蝦餅,咖喱鴨肉,飛天通菜,白飯兩個,另外叫左泰啤,買2送1....本人覺得冬蔭公湯好飲,湯裡面有d細細粒既辣椒,個d好辣既,蝦餅正常,咖喱鴨肉d咖喱香而不辣,不過鴨肉差d..好似同咖喱唔識咁..飛天通菜唔識飛,同一般炒通菜一樣,白飯軟,最懷念就是泰啤,飲完好想再飲.....最後還有泰國甜品送..

知道灣仔道開佐间泰國餐廳叫泰朝,门口餐排有好多午市套餐之前已經好想去試,但Weekday 常冇位,今天是Sat.想不到會有位,於是同老公一起去試.我叫了咖喱羊腩飯及凍青o水,咖喱羊腩飯D咖喱好香D羊又thin炆到D羊腩又夠淋至合我Lee D 要on diet 的女人.老公叫佐肉碎煎蛋飯單看樣已經好吸引,食落有肉味抄得又夠香,綠豆椰汁冰又有濃厚椰汁味仲加埋綠豆有得吃.好怕D嘢食唔熱好彩佢地食物夠熱仲有煙出添.會下次帶朋友去.

在causeway bay 工作真慘放工後滿街都是人,我老婆同朋友們話要去吃泰國菜,但在今時今日經濟下要找一間好食又低食泰國菜都不容易,於是跳出causeway bay 到灣仔happy hour 之後到了一間泰國餐廳(泰朝),當時門口有個大电視show緊佢D 菜吸引到我們入去一試,我們一行4人,一坐低有個泰藉女侍應問我們要唔要飲品先,但我說看看menu先,她便禮貌地說先給水我們,但我老婆比較trouble 要warm water wor. 但我個friend's wife 要hot water wor. 女人真trouble. 女侍應面帶笑容說ok. 心想service 就ok la,看看food 又如何!点了$388.4人套餐, 而 main cause 同湯仲有得選擇,於是選擇了冬蔭公湯,拼盆,海南雞,燒烏魚, 飛天通菜 ,蒜茸飽,飯及甜品冬蔭公湯4碗 : 有香茅同南薑味,味道ok,最好都是飲落口裏冇滿口都是碎香料,湯料一般都是蝦 同mushroom.拼盆有蝦條,魚餅及雞軟骨: 蝦條及魚餅一般無驚喜,但勝在夠熱,剛剛炸起,因此雞軟骨就好味D.因為只要炸得趣口就無難度.海南雞: 鹹鹹地,都幾滑,ok,d醬就幾好味.燒烏魚: 相信是全晚最好食,好香香葉味又有鮮魚味,相信是游水烏魚,因我老婆也買過游水烏魚給我吃同鮮是不同的.飛天通菜 :買相幾好,但無特別,一般,勝在夠熱.蒜茸飽 及4個白飯, 到甜品時我問是什麼?女侍應說是椰汁西米糕,但我比較喜歡綠色千層糕.我老婆又話要大菜糕,好彩侍應都肯因應我們要求給我們.但原來甜品是他們的主打,椰汁糕好香椰汁味,一問之下,原來所有甜品是home made 的,下次一定要試芒果糯米飯.

昨晚打完波後一行六人到灣仔醫肚，朋友建議食泰國菜，灣仔道有幾間泰國餐廳，最終揀了泰朝。

待應由兩個中年男女負責，招呼好好，望落似老闆。

座下後女待應建議我們先叫飲品，然後慢慢揀餸，非常好提議，印象加分。

於是叫了幾杯芒果冰試試，還要求不要落太多糖水（即小甜），女待應笑容滿臉回應沒問題，印象繼續加分。

果汁到了，結果不對版，飲落味道極似紙包芒果汁加芒果打制而成。

女待應友善地但堅持是用百份百鮮芒做。

無奈接受但開始有些壞預感。

叫了幾樣基本泰國菜：冬蔭公、金絲柚沙律、燒豬頸肉、蝦餅、無骨雞一隻、串燒半打、蒜蓉包、炒通菜和咸肉炒椰菜苗。

蝦餅，味道無問題正常，燒豬頸肉都可以但不夠香口。

金絲柚沙律開始有問題，一般是有金絲柚配花生、小紅蝦、青檸汁和魚露等等，他們的沙律就勁多金絲柚（原本加分），極少量花生，無小紅蝦，無青檸汁和魚露味道但加了椰漿，真是椰漿，我食了多年的柚子沙律都是第一次。

味道只得椰漿同柚子，似甜非甜、似咸非咸的餐前小食。

最精彩是冬蔭公，女待應幫我們分碗上，一望便覺怪怪地，那碗湯只可叫湯，顏色似加了大量水的半透明蕃茄湯，正常冬蔭公是湯面有點點紅油，湯底是奶白色，攪動時有少少厚度感覺同帶南薑和香茅香味；但那碗湯無，飲落勁咸同酸加少少辣。

剛好男待應走來很誠意地問餸菜味道如何時，便向他反影。

他入廚房出來時對我們說“個湯膽” 無問題，最後主動取消個湯並道歉，最後還送了個甜品給我們。

到個串燒又有問題，又係好重手，咸味多於一切，還有是份量，串燒似西式串燒，因為每串都有三粒肉，中間用一粒紅一粒綠色辣椒分隔，顏色好看但竹籤長度無變，變相肉份量減少了。

隻無骨雞都幾滑，但顏色偏白，淡雞味和無香味。

其他食品都正常味道。

從椰漿金絲柚及串燒造形，很明顯老闆是想攪攪新意思，帶點Fusion色彩擺脫傳統。

但最緊要是做好基本味道，否則非驢非馬。

這間食肆服務態度非常好，感到是有誠意態度，希望他們日後有改進。

泰朝餐單提供泰國菜等推介美食位於灣仔區，餐廳座位數未知人均消費約$51-100，結賬可以用現金。

您對於灣仔餐廳「泰朝」有何 comment？

泰朝餐廳詳細資料：

• 泰朝地址:
  灣仔灣仔道207號地下
  Thai Dynasty Restaurant, G/ F,207 Wanchai Road, Wanchai, Wan Chai
• 泰朝電話:  
• 泰朝價錢: $51-100
• 分類: 泰國菜
• 座位: 未知
• 付款: 現金
• FB專頁: 泰朝 Facebook

更多泰朝相關資料:

• 泰朝分店
• Youtube
• Facebook
• Twitter
• Google