海景海鮮酒家 坪洲

海景海鮮酒家 評價 相片

假期入坪洲行吓食吓野，點幾鐘時間入去呢間飲茶，坐好拎埋點心，當叫廚房炒粉麵時，話無廚房炒野食，廚房淨做外賣。

😳😳😳⋯⋯吓？唔做堂食？😡😡😡😡咁我叫外賣係堂食羅淨做外賣？😡😡😡😡坪洲好多人叫咩？全個坪洲都淨係叫你呢間外賣🤔🤔🤔做唔切咩😡😡😡有無搵錯呀，食飯時間無廚房炒野食，入去時又唔講，當要叫先話無😡😡😡😡問心點心真係一般，大點要$27，小點要$23下次唔會再去呢間食😡😡😡😡😡😡

呢間啲點心好好食（限食一個小時。

雞球大包超正，勁多肉，個包皮軟軟地甜甜地好好食，個餡又正有啲菜，又唔會過鹹，正😋北菇雞飯都唔錯好食，個雞好滑，冬菇入曬味好好食，啲飯都蒸得唔錯，一粒粒。

蝦餃正，都係啖啖肉加好薄嘅皮，煙煙韌韌。

春蛋燒賣都好食，不過我淨係食咗粒鵪鶉蛋之後食唔落，其他唔係我消滅嘅。

乾蒸燒賣食都冇食過，但據消滅嘅人講，燒賣唔油膩，爽爽地，蟹籽一粒粒，有嚼頭。

個雞扎一流，裏面係包金華火腿，魚肚，芋頭，好多餡。

茶位五蚊位可以接受，點心又唔會太貴，免加一，好似要自己揀完自己拎上去？我哋係噉樣，但應該其實係自己揀完有人幫你拎吧，我唔知。

可惜去到已經冇腸粉賣，因為呢間淨係蒸一次，一次一大籠，賣曬就冇喇，不過應該都唔好叫腸粉，腸粉唔係即叫即整應該唔會好食到邊，要自己落去樓下睇點心（見啲阿姐好似想做咗幾台客，不過可以唔使理，慢慢食一個小時唔會有人鬧你。

我大約三點幾再去望一望，發現已經賣曬，睇嚟都幾多人幫襯下，想食就要早啲喇，我係大約12點去食。

煩人的新冠肺炎! 比佢搞到冇啖好食, 希望他快啲死返上火星, 唔好再煩住地球人! 屈得太耐真係會屈出病來的,唯有山長水遠出坪洲搵食, 順便吸收下新鮮空氣啦, 今次來另一間在坪洲較大及有點明的酒樓飲茶.......海景海鮮酒家, 酒樓做街坊生意, 唔好期望豪裝靚裝, 平民茶樓一間, 星期六限時1.5小時且人流極旺! 對面個婆婆推介蝦餃,  佢話呢度啲蝦餃好食, 果然是不錯的, 粒粒脹卜卜, 皮薄餡靚, 蝦肉爽口彈牙, 仲幾好味添叉燒包 ~  叉燒包新鮮滾熱辣, 包皮鬆軟, 餡料用半肥瘦叉燒, 肥肉不多, 加埋啲香甜叉燒醬, 美味!牛肉 ~味道是可以的, 硬實, 口感差勁。

鳳爪 ~ 淨係個汁唔會鹹死你已經很好了馬拉糕 ~  鬆軟冇鹼水味, 又唔太甜, 實食唔黐牙, YUMMY可能成三個星期冇出街食飯, 呢餐茶特別覺得好味! 2條友食左6碟野連茶價每人$73, 算合理吧.

今日放假入坪州行一行，鬆一鬆活動一下筋骨。

搭船去到差不多一點鐘，記得之前由碼頭向右，沿著就看見間細細酒家。

每次假期入嚟也見到酒家人山人海，今次也不例外，而且近乎爆滿。

最後被安排上樓上一樓，樓上有幾張大枱，大家也是一齊搭枱坐。

而且一上到去員工已即時提醒2:30收工，跟著帶點心咭到樓下門口自行選點心。

以小島來説其實點心選擇也算多，不過味道就一般，收費也不算平。

不過到來遊玩，一下船行幾步就到，地點又真的十分便利。

一大朋人去坪洲，冰室空間太細，冇辦法“痴痴呆呆，坐埋一枱”，唯有去飲茶。

餐廳非常懷舊，菜單粘喺墻身，客人趕時間就要自行到樓下取點心。

所以談唔上有咩環境或者服務。

不過街坊可以有電話留位服務，呢點超正。

我對飲茶一向冇乜興趣，所以點心只是少少地試咗幾味。

叉燒包的麵發得幾勁，好有空氣感，叉燒餡料都幾足，唔錯。

魚餅外层煎得脆脆地，不過個人感覺太油膩。

坪洲飲茶選擇少，呢間冇加一，冇茶錢，算係一個抵食之選。

海景海鮮酒家餐單提供粵菜, 廣東, 海鮮, 點心, 中菜館, 酒樓等推介美食位於坪洲區，餐廳座位數未知人均消費約$101-200，結賬可以用現金，Booking訂位可以電話致電 2983-9588 查詢。

您對於坪洲餐廳「海景海鮮酒家」有何 comment？

海景海鮮酒家餐廳詳細資料：

• 海景海鮮酒家地址:
  坪洲永安橫街13-15號地下
  Hoi King Seafood Restaurant, G/ F13-15 Wing On Side Street, Peng Chau
• 海景海鮮酒家電話: 2983-9588
• 海景海鮮酒家價錢: $101-200
• 分類: 粵菜, 廣東, 海鮮, 點心, 中菜館, 酒樓
• 座位: 未知
• 付款: 現金
• FB專頁: 海景海鮮酒家 Facebook

更多海景海鮮酒家相關資料:

• 海景海鮮酒家分店
• Youtube
• Facebook
• Twitter
• Google