新口味餐廳 長沙灣

新口味餐廳 評價 相片

趁長假期，好想找天回去小時長大的地方逛逛，看現時的蘇屋村到底拆成怎麼的一個樣子。

原本想去金園吃午餐，但繁忙時間，插針不入，我肚子也餓了，不能再等，便隨便的走到附近的新口味餐廳。

柯打了西炒飯，套餐跟湯，應阿姐推介要客羅宋湯，幾足料的，酸酸的，滲出微辣，開胃，若洋蔥能再腍一點，更好。

西炒飯，比平常吃到的多了些菜。

炒飯只是麻麻，黏埋一舊的，蝦仔隻隻都看見黑色的蝦腸，有點倒胃口，而且整體欠缺了酸味，沒有醒胃的感覺。

慢慢嘆埋杯凍檸茶，是時候走去目的地拍拍照。

有事要落一落長沙灣搵親友交收，其實順寧道依頭都幾熟，事關親友就住晌附近，正值食飯時間，都要搵個地方醫肚，所以晌就近嘅「新口味」食個晏。

新口味個名有點老土，之不過估唔到佢竟然有個英文鋪號：Candy Café。

單睇名，無論中文嘅新口味餐廳，抑或英文名嘅Candy Café，應該俾你有個印象喺間小咖啡室之類，但完全錯晒，絕對喺茶餐廳格局，牆上又貼滿碟頭飯名稱，是日仲要撞正跑馬日，頭尾兩部電視賽馬直播，完全喺麻甩天地。

除早餐、下午茶、公仔麵餐、車仔麵之外，午市或晚市主要都喺賣碟頭飯，唔見有小炒之類供應。

大部份套餐價錢都非常之平，好似小弟所食嘅「超優惠午餐」（$28），有6款選擇，已經包餐湯及熱飲（凍飲+$2）；「特色炒飯」、「精美焗飯餐」都喺$30就已經有交易，就算店中最貴嘅「歐陸式粉麵」，都喺賣$35$42，同樣奉送餐湯熱飲。

價位之平，可謂抵過附近嘅連鎖快餐店，相信會喺附近街坊嘅飯堂。

是日餐湯唔好太期望有紅湯、白湯揀，只得中式例湯獨沽一味：黃豆煲豬骨。

湯料唔多，味道亦唔濃，不求滋補濃郁，只求讓街坊有啲湯水到肚，喺好例行公事嘅例湯。

鮮茄脆雞球飯脆雞球即喺酥炸雞球，就算新鮮整，淋咗蕃茄汁多少都影響個酥炸雞球嘅香脆度，個汁底大可淋晌雞球周邊啲飯面度，相信效果更好。

雞球用上雞脾肉，始終成本所限，又要製作夠快，所以雞肉唔嚡都收貨，但脆漿就肯定太厚身喇，而汁底色澤偏橙算不得好自然，做法較港式。

為咗幫襯嘅工人食完有氣有力，又或讓街坊慳番啲叫一碟都夠兩份食，所以白飯超多。

奶茶個人覺得不俗，幾香茶味，略嫌未夠滑。

但奶茶依家嘢，總喺覺得茶記點都好過快餐店。

其實想俾個「笑」佢，今時今日，以$28食一個午市正餐，有湯、有飯、有嘢飲，我唔會期望好食都震，但能充飢飽肚，又味道唔錯添。

但喺列為開飯之選，諗諗吓又唔可以純因一個平字，味道方面都要考慮吓，總之晌OK之上啦！

新口味餐廳餐單提供港式, 茶餐廳, 冰室等推介美食位於長沙灣區，餐廳座位數未知人均消費約$50以下，結賬可以用現金，Booking訂位可以電話致電 23878366 查詢。

您對於長沙灣餐廳「新口味餐廳」有何 comment？

新口味餐廳餐廳詳細資料：

• 新口味餐廳地址:
  長沙灣順寧道439號順寧居地下
  Candy Cafe, G/ F, Shining Court,439 Shun Ning Road, Cheung Sha Wan
• 新口味餐廳電話: 23878366
• 新口味餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新口味餐廳 Facebook

更多新口味餐廳相關資料:

• 新口味餐廳分店
• Youtube
• Facebook
• Twitter
• Google