京都高級宴會廳 沙田

京都高級宴會廳 評價 相片

星期六諗住同媽媽兩個去飲茶！12點去到拎張飛話要等5至6張枱 好啦諗住好快 點知等左成個鐘！眼見d客有出無入就開始覺得奇怪！再細心留意下 原來d熟客自己落去搵經理拎枱！一個係咁兩個又係咁!!! 結果睇住成5,6張枱都係咁樣俾晒d熟客 而我地呢d唔識人既就係到呆等! 話就話等5 6張枱但其實係等緊十幾張枱！同個知客講佢仲聲大大咁話無呀我都無帶人落去坐! 但我明明睇住佢帶佢落去跟住個經理級既人幫佢搵左張枱坐低!!! 結果我同媽媽兩個人等左成個鐘先有位!!! 真係等到火起！仲搞到我地由本來唔趕時間等到要勁趕咁食! 真係短期內都唔會再黎!

從墾丁回港，可謂車機勞動，返媽媽家放低晒行裝，同爸爸一齊去食晚餐，亂咁食左幾日，媽媽話正正經經去酒家食下小菜啦，於是揀左大會堂呢間「京都高級宴會廳」可能呢晚開始想打風，無乜客人，我地三個人坐張六人圓枱，好鬆動，店員更細心咁提示媽媽邊個係風口位唔好坐o個邊。

一坐低就比一張「3大晚飯皇牌」嘅menu 吸引左，幾樣野睇黎都幾抵食，亦合理地只可以享用其中一樣驚喜價1.蒜蓉蒸波士頓龍蝦~ $38 半隻 , 以價錢黎睇 , 應該只係好似虎蝦咁o既 size 事實係 ... 有手掌咁長 , 連埋個大龍蝦鉗 , 非常抵食 !蒜蓉適量而且好香好好味 , 蒜煮火侯剛好 , 保持肉嫩味美龍蝦啖啖肉 , 鮮甜彈牙 , 豉油咸左少少 , 如果有粉絲就正喇 鉗o既肉又有另一種口感 , 較為淋身 , 無咁重蒜味 , 多一份海水鮮味2. 百花煎雞脾菇~ 百花即係蝦膠 , 好似煎釀三寶咁 , 釀o係雞脾菇上面煎香再埋返個酸酸地o既芡汁 , 幾特別 , 個芡汁都幾好味雞脾菇淋得黎都仲有 d 爽口 , 唔錯 =) 蝦膠可以再煎得香 d 3. o者o者蝦醬通菜煲~ 本身 menu 係跟唐生菜 , 店貝話賣晒 .. 所以轉左做通菜味道更加夾 , 用煲可以保持佢熱同埋唔使咁快出水 , 蝦醬好香 ,唔係一味得個咸字 , 通菜都好翠嫩以為轉左通菜份量會少 d , 點知大咁大煲 , 正 !!4. 窩燒無鍚骨~ 骨o既位置好好 , 全部都有軟骨 , 又唔會好肥 , 可惜佢炆得唔夠淋又唔入味 , d 肉好韌 , 有 d 位直程咬唔開加上個汁都係唔夠味 , 食起黎似普通煲湯瘦肉咁 ,墊底o既洋蔥仲係好生 , 成煲野都唔好食 , 係呢餐o既一大遺憾##一度考慮過比 ^_^ 定比 OK , 無錫骨真係拖低晒 D 分後來因為 OK 後o既一句 , [ 一試無妨 ]... 都係比返個笑臉佢啦因為覺得另外兩個晚飯皇牌都好值得試 , 無錫骨 ... 下次唔叫就可以喇

母親節黎飲茶, 第一次, 但唔會有下一次!!d野超級唔好食!!xxxx餃(唔記得個名, 英文話係vegetarian, 但係係有肉...)個皮勁"梅"流沙包係好流, 但係係假流> 糖水.....最過份係叫左呢個"小食"貨不對辦!!!好過份!!!唔會再黎!!!

今餐沒相有時間就看，沒時間就略過。

請見諒，謝謝。

鮮蝦菜苗餃蝦夠彈牙大隻，亦食得出菜的鮮味，看菜葉比巿面買的剁得大塊冇咁細膩像餡蓉，觀感有diy feel都係一件可喜的事，只係個餃皮推測一係昨夜晚巿的剩餘貨尾一係蒸時有水滴濕個餃皮以致用筷子從蒸籠夾起時較為黏及質感較爛，像用飯煲翻蒸舊飯那感覺。

燒賣皇原本去茶樓不一定要食蝦餃燒賣的我是因為怕怕它的肥，但今次我又出奇覺得燒賣很彈牙又不太肥以致我的喉嚨要ur油頂住胃。

春卷這個新鮮滾熱辣上菜即食，平日去酒漊這個唔係必食的我都忍唔住encore，因為春卷炸得不會一陣很臭的油益味。

鹹水角因為平日一貫又係去茶樓唔係必食這項，故覺與一般鹹水角無異，夠熱辣內餡稔就已可以，說得上對這項沒要求。

燒味拼盤一般，因本人一向不喜歡燒味故沒意見。

富貴花姿蚌片都ok，可幸是個蚌片炒完都仍幼嫩帶鮮味。

花膠海參粉絲羹在旁的那位不想食而帶挈我幫佢擦多碗，但一向對山珍海錯沒太大研究通常食完算。

都係一貫做法找濃湯餚其實去到任何一處普通食肆我都視作味精湯，其次湯料都算多又魚肚又其他貝類算係咁的了。

蠔皇飽螺片時蔬螺片算爽嫩食得出鮮味，我諗蠔皇即蠔油獻，不過慶幸不算蠔油落得多，不然過鹹就不好。

清蒸大海石班這個意外的不錯，蒸得時間剛好，夠幼嫩鮮味，平日唔係樣樣魚都食的我都忍唔住嚷着要魚。

XＤ京都一品燒雞在旁那位都食了數件佢話不過不失，就一向怕食雞就沒試故不作評論。

蠔皇伊麵炒得中上，我眼中只要炒得夠熱夠乾爽不會黏油上嘴油lup就是好，全部它做到了。

福建炒飯一向不喜歡中式炒飯，不過與我上述要求一致。

甜品紅豆沙，都不錯，我覺得一間酒樓如果連整個紅豆沙都令人失望的話，我諗我會對主菜有保留(因為試過)。

^^食後感：因我都只係例行公事而開這餐飯，基於我沒付錢白食白喝而不會提交相片每一道菜都一一評論，不過事實論美味上次旺角新世紀湘川滬的確會比這裡美味，當然食飯埋單實際數目我不知道，不過我除了感謝那機構的款待外，誠然一切非奉旨，其次我今天出文又不交相其一不想飯局失儀其次給要搞開活動的人作一個參考不用浪費預算。

thanks味道我想俾3與4分的中間價錢不詳抵食那項俾3分

數十年老朋友的聚會，散居港九新界各地，能找到適中的地點是沙田。

由於不能訂位，只有早到佔位置，老友重逢不在乎食物品質，只要能相聚一堂閒話家常便能盡歡。

餐廳離鐵路站6~7分鐘步程，但標示不明缺乏指引，應有改善空間。

但相較於商場的人流擁擠的食肆一位難求，輪候時間太久，這反而能吸引不在乎食物品質的客人。

餐廳樓下是婚姻註冊處，亦方便新人或準新人宴客餐聚，全場客滿在於位置的優越而非其他。

如同一般粵式酒樓，午市供應各款大路點心與粥粉麵飯，以常物質素而論沒有驚喜，甚至難給與合乎一般午準的評價。

腸粉、蝦餃、帶子餃皮厚味薄，山竹牛肉鬆散而無肉味，腐皮捲火候不足無酥脆口感，蘿蔔糕、馬拉糕、炒飯、炒麵也只具填飽胃場的功能。

繁忙時段工作人員顯然力不從手，不過態度尚可，並未遇到惡形惡狀的對待。

綜合而論地點是優勢，食味並非經營重點。

京都高級宴會廳餐單提供粵菜, 廣東, 海鮮, 點心, 酒樓等推介美食位於沙田區，餐廳座位數未知人均消費約$51-100，結賬可以用Visa,Master,現金。

您對於沙田餐廳「京都高級宴會廳」有何 comment？

京都高級宴會廳餐廳詳細資料：

• 京都高級宴會廳地址:
  沙田源禾路1號沙田大會堂平台
  Grand Capital Banquet Hall, Shatin Town Hall,, Sha Tin
• 京都高級宴會廳電話:  
• 京都高級宴會廳價錢: $51-100
• 分類: 粵菜, 廣東, 海鮮, 點心, 酒樓
• 座位: 未知
• 付款: Visa,Master,現金
• FB專頁: 京都高級宴會廳 Facebook

更多京都高級宴會廳相關資料:

• 京都高級宴會廳分店
• Youtube
• Facebook
• Twitter
• Google