綠森林 灣仔

綠森林 評價 相片

在森林和原野是多麼的逍遙，親愛的朋友啊！你在想什麼🤔？灣仔鬧市中的太原街竟然有森林？而且仲係啱哂三無人士想要嘅嘢！😂😂想無乜嘢？？？🤔🤔🤔🤔🤔我就話比你知！我名字叫「無」激素⋯⋯又名……「無」味精⋯⋯⋯⋯又叫⋯「無」花假⋯⋯⋯⋯⋯⋯我就係三無人士啦！！😂哈😂哈😂哈！————————————無論你係住係灣仔，同屋企人食嘢、返工前食早餐🥣、或者係附近做嘢、返工食午餐🥣、做到攰食個下午茶、又或者收工想食個晚飯⋯⋯🍛都要嚟呢度試吓，想一日三餐都食得健康、愛健康的你….你……你🥳———————————🤎猛男咖啡☕️：想早餐返工前醒吓晨嘅猛男美女，做嘢做到攰又去hea吓，猛男咖啡☕️啱曬你口味、方便外賣或且堂食，猛男樽仔咖啡☕️⋯⋯冰冰凍凍又濃郁的咖啡，咖啡味重、香濃又香滑！✌️🔺猛男咖啡伴著你時刻保持精神你🔺————————————🧡波波奶茶🧋：想好似佢咁好身材嘅美女，波波奶茶啱哂你口味😂⋯⋯猛男見到佢都流晒口水⋯⋯千祈咪唸壞思想呀！又香又滑、濃郁茶香奶滑咁好味😋茶又唔會搶走奶味奶又唔會搶走茶味睇見就流晒口水嘅口味！😂🔺波波奶茶伴著你早午晚餐想起你🔺———————————💛濃湯花膠嫩雞湯配米線：我名字叫「無」激素我係用優質上乘嘅材料烹製餚製咗五小時嘅靚雞湯✌️✌️✌️✌️✌️全無激素、全無味精，全無花假……想要身體健康三無人士，嚟呢到就比列你花膠厚厚的膠原蛋白➕原汁原味的雞湯=超級鮮甜👍👍👍👍👍😋😋😋😋——————————💜蜜薯牛柳粒：上枱就已經香嗊噴，蜜糖味道，滋味惹味的新鮮即炸薯仔🥔⋯⋯帶有煙靭的感覺、又像拔絲的質感又軟熟，又有著黏着的口感，薯仔🥔就已經咁好食⋯⋯主角牛柳就更加好味不在講👍，軟熟中帶口感、一粒小小的牛柳粒，可以一咬的肉汁全在咀裹，那種牛肉鎖住在內的水份，當然是廚師👩‍🍳👨‍🍳的功勞⋯—————————❤️生炸乳鴿：新鮮即叫即生炸的乳鴿，皮脆卜卜，皮脆肉嫩😋肥美的乳鴿肥美又夠味肥美的好味肥美的滋味肥美的脆味——————————💚椒鹽豆腐：一口的椒鹽豆腐，豆腐外皮脆。

內裹滑溜溜又熱辣辣的豆腐，一個簡單的椒鹽豆腐也做得這麼相當出色😋———————————鳥兒不停在歌唱鳥兒不停在舞蹈朋友啊⋯⋯你為什麼來到綠森林？————————————因為想健康又想食得好開心🥳⋯⋯就是咁簡單————————————

呢期轉場在灣仔區混,  搵食就當然喺附近, 自己食個人比較鐘情小店, 小店本身食物供應各有特色, 部分店主很有心機製作自己的食物奉客, 味道比集團式生產比較有HEART, 這樣往往給你意外驚喜, 就如今日呢間位於灣仔舊區的新開的小店~~~綠森林。

快餐店式卡位及枱椅, 簡簡單單的小清新裝修。

五小時精心餚製雞湯湯底, 唔係唔試呀??食物供應款式唔算好多, 但大路嘅湯品跟主食、炒飯及麵食, 小炒跟飯等也有供應, 價錢全部幾十蚊貨仔, 免加一, 午市外賣享9折。

鮑魚花膠雞湯米線 ($98)放上原隻鮑魚及原片花膠, 用五小時精心製作雞湯湯底, 雞湯上臺前加上鮮菇、絲瓜粒及芽菜, 翻滾後才倒入米線內即時上枱。

有湯、有菜、有鮑魚、有花膠及有主食, 營養豐富兼十分均衡的一碗雞湯米線。

先來喝一口雞湯, 火候十足, 味道香濃, 沒有半點味精添加, 鹽份也不高, 很純樸的雞湯味道, 湯底全部飲掉都不覺口乾。

原隻鮑魚比想像中大, 鮮甜爽口, 仲幾彈牙, 應該係街市嘅新鮮貨, 數十元有原隻鮑魚食, BETTER THAN EXPECT。

大過手掌嘅原片花膠, 有眼你睇, 貨真價實, 絕不欺場, 花膠浸得淋滑, 吸收了雞湯的香味, 膠質很重, 美味非常我今日配爽滑米線, 所有雞湯可選擇配米飯、米線、米粉或加十元八塊配淮山麵或洞庭烏冬。

 飲晒碗雞湯very full

今日落好大雨，同朋友搵地方避雨嘅時候經過呢間餐廳，見到有小炒菜，就入嚟食飯啦。

蟲草花百合泡時蔬$78呢款嘅上湯係雞湯，唔油膩但好香濃，可以直接飲嘅，飲完都唔會覺得口渴。

啲菜食落好鮮嫩，配埋百合、蟲草花同埋菇，係一道清新嘅小菜。

佢嘅味道唔會好鹹，亦都食得出唔係靠味精煮出黎嘅，值得欣賞。

XO醬碧綠蝦球遼參$128落單嘅時候問咗老闆娘咩係碧綠，老闆娘話每日都唔同嘅，視乎有咩蔬菜係新鮮。

正所謂不時不食，呢點係好值得欣賞嘅。

今日嘅蔬菜係青瓜，仲會有啲燈籠椒，食落清新爽口。

XO醬嘅份量啱啱好，於是呢道菜味道適中，唔會過鹹，XO醬嘅香味之餘亦唔會掩蓋食材本身嘅鮮味。

蝦球同遼參嘅份量毫不吝嗇，食落爽口彈牙。

椒鹽豆腐$28炸粉好薄，包住新鮮熱辣炸起嘅豆腐。

豆腐食落滑溜。

雖然有椒鹽調味過，但都仲會食到啲豆香。

泰式炸蝦餅$48有六件蝦餅，蝦餅表面有椒鹽嘅調味，幾特別但食得滋味。

點埋泰式辣醬，味道一流。

聽老闆娘講起，原來呢度嘅大廚之前係某集團嘅總廚，難怪呢到啲食物食落嘅質素唔係普通茶餐廳可以比擬嘅，好似喺高級酒樓食到嘅味道咁，性價比極高。

估唔到我今次誤打誤撞，都咁有口福。

臨走前見到隔離枱碟炒飯好大碟，下次有機會都想試吓。

第一次買外賣買到啲咁唔新鮮嘅嘢🤮嬲到我join左OpenRice咁多年從未寫過食評既我，都要寫出嚟話俾人知！！今日午餐試新餐廳，係openRice見到呢間綠森林係附近，食評又寫到幾好食咁，咪喺OpenRice個app嗌咗個蠔仔肉碎雞湯配白飯試吓。

點知一試就中伏....🤮🤮一打開個包裝，個樣就已經好似冷飯菜汁咁☠️蠔仔份量少又碎，啲飯夾雜着少量肉碎同冬菇，飯係浸完湯再撈上黎既樣，個飯底係浸住少少湯，十足十人哋食淨唔要嗰啲咁🤢賣相一啲都唔吸引食落去仲驚嚇☠️啲蠔仔係酸㗎🤮🤮啲肉碎又乾又鞋又酸🤢🤢個雞湯又冇乜味食咗兩啖就成兜掉咗呢兜野買左$68白白浪費咗我$68，又嘥咗我時間又搞到我個肚唔舒服呢兜野真係$6.8都唔值我發現啲蠔仔肉碎係酸嘅之後，有打電話俾呢間野，叫佢唔好再賣蠔仔肉碎俾人。

佢有話唔好意思，話賠番其他嘢食俾我我梗係唔要啲食物賣俾人之前新唔新鮮，食物儲存有冇做好，佢哋自己心知做食肆都係要有番啲良心我唔會再幫襯呢間野大家幫襯之前都要諗清楚

晚上天氣悶熱在灣仔揾食，經過灣仔玩具街，看見一間並不顯眼的店舖綠森林，便走進試試，剛坐下來，老板娘便放下一壺檸檬水，玻璃樽十分有型，厚厚的檸檬散發檸香！老板娘推介砂煲花膠濃湯雞煲，看看價錢$238，感覺有點貴，但姑且一試，先在廚房煮好，拿出來再放爐上坐熱，一煲有四碗湯，湯十分濃味，花膠四大塊，半隻雞，實在驚喜，朋友即叫白飯撈湯😍😍😍盛湯的碗還是眼淚型的，十分可愛，這小店看不顯眼，但真材實料，處處顯心思，看見鄰座叫了蝦球，隻隻肥美😋😋😋，值得一試！

綠森林餐單提供粵菜, 廣東, 港式, 粉麵, 米線, 中菜館等推介美食位於灣仔區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 27188108 查詢。

您對於灣仔餐廳「綠森林」有何 comment？

綠森林餐廳詳細資料：

• 綠森林地址:
  灣仔太原街22號雅慧苑地下5號舖
  Green Forest, Shop5, G/ F, Avery House,22 Tai Yuen Street, Wan Chai
• 綠森林電話: 27188108
• 綠森林價錢: $51-100
• 分類: 粵菜, 廣東, 港式, 粉麵, 米線, 中菜館
• 座位: 未知
• 付款: AlipayHK,支付寶,現金
• FB專頁: 綠森林 Facebook

更多綠森林相關資料:

• 綠森林分店
• Youtube
• Facebook
• Twitter
• Google