金記冰室 (皇室堡) 銅鑼灣

金記冰室 (皇室堡) 評價 相片

馬來炒貴刁$74味道對板😌唔會好鹹而且幾多配料尤其是係芽菜同埋蝦仔芝士鮮茄焗牛舌飯$74呢個係朋友大推既 佢話次次都會嗌 呢個飯等得特別耐 原來係即叫即焗 熱辣辣 牛舌有三大塊😍飯係炒飯底所以就算食到最尾唔夠汁 飯都一樣好食👍🏻XO醬豬扒炒即食麵$78諗住麻麻地但比想像中出色 少少辣味 幾惹味 豬扒唔算話好多 乾炒牛河$78味道正常 無想像中咁大碟 同埋唔算好有鑊氣 相比之下呢個比其他三個較為失色 不過佢牛肉多過上面過豬扒😂

啱啱去完旅行返嚟想食啲香港嘢咁啱想起金記當時晚上8:30 好彩佢未收門叫咗個煲，同埋肉餅每個都跟一大碗飯 （雖然已經叫咗小飯）個沙嗲煲啲汁送飯一流不過真係太多飯，最後兩個人都食唔晒

今日放lunch試下公司附近既金記茶餐廳叫左個番茄焗豬扒飯熱辣辣 啲番茄芝士汁夠濃味豬扒焗到剛剛好 唔會生 唔會overcooked 整體個味好港式經典豬扒飯可以一試既

今日行開銅鑼灣， honey話不如就喺皇室堡食完晚飯先返屋企。

見到呢度有二人套餐， 有啲菜式都啱食 ，於是就坐低。

冰室裝修得金碧輝煌 ，啲燈都靚過人。

不過啲服務就有啲奇怪， 個侍應姐姐粗聲粗氣咁叫我哋用微信數碼點餐， 2人套餐175，有兩個小菜， 兩碗例湯， 兩杯飲品， 兩碗白飯 ，講真嗰句，喺銅鑼灣地段 ，呢個價錢 ，就真係唔貴， 不過都要睇下食乜嘢 。

一點完餐， 跟住就所有嘢都全部擺曬上枱 ，先係兩碗好細碗嘅例湯， 跟住就兩杯檸水，兩個小菜，一個係欖菜肉鬆四季豆，一個係菠蘿京都肉排， 已經擺咗喺枱面，兩碗白飯跟住又送到。

咁樣好明顯啲餸唔係現炒啦。

兩小碗例湯都仲 ok， 因為夠熱， 又唔鹹。

兩杯檸水就極差， 又苦又澀 ，水又唔熱， 冇辦法唯有放棄。

開始食飯 ，碟京都肉排炸到好乾， 咬開入面係粉嘅完全冇肉汁， 菠蘿係新鮮嘅不過已經有酒味 ，仲有啲洋蔥有陣噏味，好似擺咗好耐 。

碟欖菜肉鬆四季豆更過份， 全部四季豆又老又硬， 綠色嗰啲豆殼完全咬唔開，只可以食到少少入面啲豆。

肉碎又係好多肥豬肉，所以成碟差唔多係冇食過， 呢一餐差唔多係食白飯餸少少又乾又柴嘅京都肉排 ，咁馬虎嘅食物都畀得人食，唔怪得呢度生意唔好 ，以後都唔好搞我，情願食大字派快餐都唔會再嚟幫襯。

最近去左銅鑼灣嘅金記冰室，食左佢地個霸王雞，有例湯飲🥣霸王雞味道幾好，份量都好足夠。

🍴🤤我加咗$10飲紅豆冰，細細杯唔算太抵飲😅服務態度真係同其他食評咁講😂有小小問題，上嘢食好大力，差小小倒瀉😂😂希望服務日後有所改進。

😊👍金記冰室🚦 銅鑼灣皇室堡2樓環境: 🔥🔥🔥 (服務一般)味道: 🔥🔥🔥🔥 (很好)價錢: 🔥🔥🔥🔥 (合理)評分: 3.5/5

金記冰室 (皇室堡)餐單提供港式, 茶餐廳, 冰室等推介美食位於銅鑼灣區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,銀聯,Apple,Pay,Google,Pay，Booking訂位可以電話致電 23382031 查詢。

您對於銅鑼灣餐廳「金記冰室 (皇室堡)」有何 comment？

金記冰室 (皇室堡)餐廳詳細資料：

• 金記冰室 (皇室堡)地址:
  銅鑼灣告士打道311號皇室堡2樓203-204號舖
  Kam Kee Cafe (Windsor House), Shop203-204,2/ F, Windsor House,311 Gloucester Road, Causeway Bay
• 金記冰室 (皇室堡)電話: 23382031
• 金記冰室 (皇室堡)價錢: $51-100
• 分類: 港式, 茶餐廳, 冰室
• 座位: 未知
• 付款: Visa,Master,AlipayHK,支付寶,現金,八達通,銀聯,Apple,Pay,Google,Pay
• FB專頁: 金記冰室 (皇室堡) Facebook

更多金記冰室 (皇室堡)相關資料:

• 金記冰室 (皇室堡)分店
• Youtube
• Facebook
• Twitter
• Google