Flagship 灣仔

Flagship 評價 相片

很久沒有跟好朋友見面，這次跟她來到這間位於灣仔新開隱世的法國菜餐廳試試！餐廳樓高兩層，以藍白色為主，近門口位置向上望，看到有白色雲朵燈，很美！Ships Cesar Salad，這裡的凱撒沙律跟出面吃到的不同，這裡的拌入了咸蛋黃醬，有種中西合璧的感覺，味道帶有咸蛋的味道，但也有沙律醬的酸味，十分特別！Daily Soup，當天的湯是豌豆薄荷葉湯，湯有很濃的豆味，有很多豆蓉，還有淡淡的薄荷味，質感creamy，又是一款特別的菜式！Risotto ，這款意大利飯非常特別，是用上藍莓製成的，所以意大利飯的顏色是紫色的！飯中加入了藍莓，食落酸酸味味，感覺不會很漏！而上面還有芝士脆脆，夠脆口！Carbonara ，而卡邦尼意粉也跟出面不同，這裡不是用cream的，是用老雞湯製成，食落不會很漏，意粉很爽身，而且配料煙肉和蘑菇份量也很足，很美味！Lemon Tart，最後已酸咪咪的檸檬撻作結，十分滿足！

灣仔船街一個幽靜既角落裡，有一間以航海做主題嘅西餐廳。

呢間餐廳主打fusion菜，menu上列出嘅菜式好多都別具特色，更特別嘅係除左menu上嘅固定菜式外，餐廳每星期都會另外加入新菜式並展示於牆上嘅blackboard，旨在令顧客可以嚐試到更多fusion菜式！餐廳仍處於試業階段，當晚只開放下層。

前菜係 鹹蛋黃醬凱撒沙律🥗呢個沙律係非一般咁開胃！鹹蛋黃醬texture又厚身味道又濃郁，再加上香濃嘅芝士碎同埋炸麵包粒，令人食完一啖接一啖停唔到口！青豆忌廉湯🍵湯嘅口感非常幼滑，香濃嘅青豆同忌廉味中又帶點清新嘅薄荷味道，中和番前菜嘅咸味。

Classic Steak & Egg 牛排生熟程度為medium 左右，口感鬆軟得黎又唔會滲血水。

牛肉味尚算豐厚，惟有少量位置有筋，但有流心半生熟蛋嘅蛋香味搭夠，令牛排食落更美味！除左主角牛排外，伴碟嘅薯蓉同埋香煎磨菇粒都烹調得好出色。

餐廳老闆極力推介呢款新菜式：藍莓芝士Risotto 將藍莓加入意大利飯裡面真係好新穎嘅idea。

除左藍莓之外仲加入左羊奶芝士，味道有d似食緊Risotto版嘅藍莓芝士蛋糕😂🎉，感覺幾有趣，食落好有驚喜！喜歡嚐鮮嘅朋友唔可以錯過喇！最後點少得甜品，我地點左Lemon tart 中間有吉士醬同埋檸檸cream，食落酸中帶甜。

離地鐵站約10多分鐘路程。

餐廳共有兩層。

裝修充滿著歐式風格。

安靜舒服。

餐廳仍在試業階段。

但食物質素完全出乎意料。

店主仲好熱情主動介紹每一道菜式。

Soup Of The Day。

蕃茄凍湯。

新鮮番茄味甜香濃。

真材實料。

酸酸甜甜。

口感滑溜。

實屬誠意之作。

Beets and Feta Salad。

採用新鮮紅菜頭。

絕非坊間罐頭貨。

配上希臘feta芝士松子walnut。

整個配搭味道清新。

口感豐富。

食物層次突出。

頭盤已經有令人impressive的感覺。

Mix Cheese Risotto。

採用三種不同的芝士混合烹調。

芝士味道濃厚。

採用麥米。

解膩同時增加口感。

絕對適合芝士控。

Classic Steak & Egg。

牛排生熟程度適中。

雖則牛肉味未算豐厚。

但配上流心半生熟進口雞蛋。

蛋香令味道協調。

蛋黃令牛排更滑口。

Panna Cotta。

口感細滑軟綿。

配上紅黑莓中和甜度。

開心果及杏仁片一脆一軟。

層次鮮明。

食完十分滿足。

是一個完美的結局。

每款菜式都有自己的特色。

以食物新鮮為賣點。

是日晚餐。

極為滿意。

價錢合理。

待餐廳正式營運的來臨。

必定「加演」。

同朋友去銅鑼灣新開張嘅激安前，就梗係要先醫飽個肚啦。

我哋去咗試船街嘅新餐廳「Flagship」，網上見人推介幾正咁，去到先知而家只係試業中，招牌都未正式掛上😳。

不過餐廳已經做緊生意喇，晚上七點鐘左右入座率有八、九成！大家都係會捐窿捐罅搵食嘅同道中人😜。

環境幾舒服，令人感覺輕鬆，樓面面積唔大，但勝在有兩層，樓上好適合Book嚟開Party。

講返食物先，餐廳主打西餐🍽，但應該無話係偏向英式定法式等。

選擇唔算特別多，前菜、主菜同甜品各有幾款選擇，價錢屬中等水平。

Beets and Feta Salad($128)，呢碟紅菜頭希臘芝士沙律夠晒特別，佢有別於其他餐廳慣常嘅田園沙律或者凱撒沙律，因為主角係用上紅菜頭💜。

我其實都幾鍾意食紅菜頭，但就唔係成日食到。

紅菜頭味道甜甜地、口感爽爽地，再搭配埋較清淡嘅希臘芝士同唔膩嘅醬汁，成個組合好新清，唔係單靠酸味嚟令你開胃。

Clams in Lemongrass Sauce with Bread($148)，唔同國家都有煮蜆呢道菜，通常都好食，當然呢度亦唔例外。

首先蜆嘅新鮮度、呎吋同份量均令人滿意，更重要嘅係個忌廉汁超好食😋！醬汁Creamy得嚟無令人有好厭好滯嘅感覺，勁想有多幾塊麵包食哂啲汁。

Pancetta Carbonara($138)，卡邦尼意粉看似簡單，但我覺得要整得好食一啲都唔易。

出奇地呢碟意粉令人相當有驚喜，佢用上扁意粉，口感彈牙，並且非常掛汁。

🥓配料方面，餐廳採用較厚切嘅煙肉粒，鹹香大大提升。

醬汁更加係好食嘅關鍵，我最欣賞佢帶有少少酒味，從而令意粉變得無咁漏！Chef Blended Beef Burger($158)，🍔漢堡包個賣相對比出面餐廳較為普通，唔太大個、又唔係好高好多層嗰種。

不過食落我唔覺佢比Burger專門店嘅出品遜色，淨係塊麵包皮燒到脆脆的已經加哂分。

餡料有最傳統嘅芝士、蕃茄、生菜同醬；不過估唔到個醬係辣㗎🌶，好惹味！漢堡扒超厚切，應該大約五至七成熟？所以食落好Juicy，🐮而且牛味濃郁。

🍟伴碟嘅薯條係即炸，熱辣辣送上，搭配嘅醬汁同漢堡包個醬係一樣的，薯條本身亦都落咗啲黑椒。

Panna Cotta($68)，我平日少食呢道甜品，所以無得作比較。

不過佢又幾好食喎🤤，奶凍質感頗軟綿同幾滑，而且好香杏仁味。

最正嘅係面頭有好多瓜子果實，加添嚼口。

Lemon Tart，呢個係餐廳請我哋食的，🍋兩件檸檬撻細細件好的骰，撻皮偏向似曲奇皮，所以脆脆的。

檸檬餡唔會太酸，而上面黃色嘅忌廉好過癮，浸味似曾相識，但要大廚開估後先醒起係黃薑香料味🤣。

餐廳服務到位，全部店員都好友善。

我哋仲感受到疑似老闆同大廚都真係好有心機想搞好餐廳。

佢哋會同客人傾下偈，介紹菜式同收集意見😊。

總括嚟講，食物質素真係超高水準💯，最厲害之處係餐廳能夠讓平凡嘅菜式變得不一樣！呢晚同我食飯嘅朋友一向眼闊肚窄，但佢今日竟然開行Turbo食足一半就知有幾好食。

再者，食物份量亦都唔少，男仔都夠食🙈。

假若餐廳遲啲會同訂台App合作，有折頭的話可能會成為我嘅飯堂。

今日早收工同呀女黎灣仔食好嘢👏🏻每款菜式都好滿意，尤其最後道甜品！Soup: 凍湯，夾雜脆麵包好有口感👍🏻Beet root salad: 個source好正，有我鐘意食嘅紅菜頭同芝士👏🏻Thai aromatic clams$148蛤蜊同忌廉source係perfect match, 蜆肉有好多，麵包係好好好好食😋Risotto$128有Mix berries 係入面，第一次食帶有酸味嘅risotto, 有清新嘅感覺，好適合夏天😃Fish papillote $158一向鐘意食紙包魚，配菜有切片的瓜同薯仔，魚上面的薯仔比較爽 下面的薯仔比較腍，個人鐘意食軟腍的薯仔😆用油量都不少Gin panna cotta$68必點，口感好細幼軟綿，配埋紅莓黑莓酸酸甜甜，加埋開心果同杏仁片一脆一軟層次豐富，無野挑剔。

好有特色嘅裝修，環境好靚～服務都好好😊今晚我地兩個食左500幾蚊左右，食物唔貴，亦有水準，鐘意食西餐嘅話可以黎食下😋

Flagship餐單提供西式, 多國菜等推介美食位於灣仔區，餐廳座位數50人均消費約$201-400，結賬可以用Visa,Master,AlipayHK,支付寶,現金,AE,微信支付，Booking訂位可以電話致電 64865686 查詢。

您對於灣仔餐廳「Flagship」有何 comment？

Flagship餐廳詳細資料：

• Flagship地址:
  灣仔船街35號地舖
  Flagship, G/ F,35 Ship Street, Wan Chai
• Flagship電話: 64865686
• Flagship價錢: $201-400
• 分類: 西式, 多國菜
• 座位: 50
• 付款: Visa,Master,AlipayHK,支付寶,現金,AE,微信支付
• FB專頁: Flagship Facebook

更多Flagship相關資料:

• Flagship分店
• Youtube
• Facebook
• Twitter
• Google