皇上皇酒家 旺角

皇上皇酒家 評價 相片

又是星期日的早上, 本來我們不打算惠顧這裡的, 但第一選擇大排長龍, 沒有辦法, 快到練歌的時間, 不能再等了, 就轉到這裡吧. 上到來, 竟然是大把位任揀, 在星期日早上這黃金時間竟然有這情況, 真是令人意外. 選擇了不少點心, 不一一細數了, 只想記記三款這裡的特別推介:一口黃金豆腐 $30: 5分, 不知是否一早炸起, 是熱度欠奉, 豆腐不夠滑, 不過加入了鹹蛋黃, 還算幾香口的.柚子椰香糕 $28: 4分, 相比之下, 這客柚子椰香糕更為驚嚇, 本身是件椰香糕,煎得不夠香, 跟著在面頭加上柚子汁, 柚子跟椰香是完全夾不來, 味道是非常之奇怪.西米蓮蓉布甸 $22: 3分, 都說西米布甸是我的心頭好, 每次見到也想試試, 怎知道是日吃到的是近來吃到的最令人失望的西米布甸, 賣相奇差, 面頭的不是脆皮, 蓮蓉不香, 只得甜味, 也實在偏甜, 牛油香也不足. 轉來轉去, 大家也不想吃.其他點心水準也相當麻麻, 這裡的水準跟早前來的時候比實在有很大的差距了. 當然, 單計環境, 還算擺位鬆動, 坐得舒服. 不過此食評寫出的時候店子已經結業了, 不知道將來會否有新店子接手呢?

今日我同丫媽and 婆婆去飲午茶~拎位果陣,佢俾左張係好入面既大木台我地,我地唔介意同人搭木台,但因為我婆婆坐輪椅,諗住問個知客,可唔可以俾張細d既木台我地啦!點知個知客勁冇禮貌咁答:"你自己睇啦,冇哂細木台架na!坐呢到啦!"就算冇哂細木台..但呢d係咩野服務態度??坐底左,又冇人黎問我地開咩茶飲..侍應有d都幾好禮貌但有幾個女人就真係態度好差!!叫果幾個女人一係扮聽唔到,一係話等陣..等成世都唔黎!!!好心佢地唔願做 就唔好打呢份工..之後我地叫左7碟點心食..佢上菜既速度都算快..今次我地食左,,叉燒腸粉(ok..個腸粉都算滑..)二老爺餃(ok..入面個餡幾好味)鳳眼餃(個皮好滑,但入面d餡完全冇味!)錦鹵雲吞(個雲吞炸得唔夠脆,中間心位仲唔多熟透!!個汁就不過不失)小籠包(差!第1次見個小籠包係有湯浸住!!!好似變左罐湯餃咁!仲要入面d餡勁林..成pat野咁!)炸芋角(ok..賣相同味道都可以)雞扎(麻麻,成碟野好油)飲完茶想埋單..諗住叫人黎收錢..點知果丫姐話..d人好忙..請我地出去櫃木台埋單..咁我心諗都okay既~冇咩所謂點知..等我行到出櫃木台..有2個著黑衫既女人(部長?)繞埋手係到吹水囉!!!呢d叫做好忙???真係唔該哂.我下次都唔會黎飲!

講起皇上皇集團,我知佢地成日都有結婚酒席,有一次我去朋友的結婚派對,個場幾靚不過,食物方面就很差,份量少,味道淡,條東星又蒸到過火,使肉質好老但今次,我係想讚佢地d 點心,竟然ok wor餡料裡面有蝦，有肉，有筍,而且皮薄而軟，更是半透明,蝦爽口彈牙，餃內有少少汁液，全隻餃又非常夠熱

今日係部門聖誕聚餐, 中午來左呢度吃.由於我地有成四十人, 所以差唔多點心紙上既點心都叫晒, 另加燒味拼盤, 燒腩仔, 賽螃蟹, 清菜, 雞絲粉皮,煎蠔餅,椒鹽九肚魚, 炒飯, 炒麪, 炒烏冬等. 講真味道真是很一般, 比以前差, 部分例如灌湯餃, 煎蠔餅,椒鹽九肚魚,炒麪等更是好難食!! 另外, 侍應服務態度也差, 我們加單時, 竟然說"你地叫左咁多重加? 我地可能做唔到嫁!".我們堅持加單時, 還俾面色我們睇!!吃完後, 下午成日都超口渴, 我諗梗係食左好多味精落去!!!

一台８個人去食預左上菜位waiter們偏偏唔係上菜位上菜大伙們唯有左閃右避食物偏咸

皇上皇酒家餐單提供粵菜, 廣東, 海鮮, 山珍海味, 燒臘, 點心, 酒樓等推介美食位於旺角區，餐廳座位數240人均消費約$51-100，結賬可以用Visa,Master,現金。

您對於旺角餐廳「皇上皇酒家」有何 comment？

皇上皇酒家餐廳詳細資料：

• 皇上皇酒家地址:
  旺角廣華街3百利達廣場1-2樓
  King of the King, 1-2/ F, Paradise Square,3 Kwong Wa Street, Mong Kok
• 皇上皇酒家電話:  
• 皇上皇酒家價錢: $51-100
• 分類: 粵菜, 廣東, 海鮮, 山珍海味, 燒臘, 點心, 酒樓
• 座位: 240
• 付款: Visa,Master,現金
• FB專頁: 皇上皇酒家 Facebook

更多皇上皇酒家相關資料:

• 皇上皇酒家分店
• Youtube
• Facebook
• Twitter
• Google