Italian Tomato 旺角

Italian Tomato 評價 相片

繼上次食完日本淡雪士多啤梨🍓蛋糕之後，今次就試下韓國嘅金香士多啤梨🍓蛋糕。

呢件蛋糕除咗上面粒士多啤梨🍓係韓國嘅之外，連個餡入面嘅士多啤梨都係韓國士多啤梨🤩，正！士多啤梨🍓好有士多啤梨味，雖然有少少酸，但整體來講都係甜嘅！Cream同蛋糕就同平時嘅士多啤梨蛋糕一樣， cream好滑又唔甜，蛋糕質感都係好細滑！仲要我買嗰次有九折優惠，真係好抵！仲平過平時嘅士多啤梨蛋糕！

第一次買呢間既蛋糕，見到評價好壞參半，但朋友鐘意食士多啤梨就試下佢啦。

(好多🍓款）第一次就有驚喜，味道方面 除左面頭有原粒淡雪🍓之外，入面夾心有好多果肉🤩🤩蛋糕係鬆軟，忌廉唔會過甜，整體好高分。

分左比成8,9個人食，一致評價都話好好食👍🏻👍🏻不過，蛋糕個樣就普通左啲囉😂😂

🦄ITALIAN TOMATO @italiantomatohongkong蜜瓜煉乳忌廉蛋糕 Hkd42Rating🌕🌕🌕🌗🌑有時候生日呢啲日子未必一定要食原個嘅蛋糕🍰買一件呢啲切件嘅蛋糕意義都可以不變😌最緊要係送嘅嗰個人嘅心係點樣🙈心意很重要😂前幾日我就買咗呢件蜜瓜蛋糕比我父親🥳簡簡單單咁慶祝一下都可以好開心🎊😆呢件蛋糕嘅層次十分之簡單🙈總共有67層😌一層海綿蛋糕再夾住一層日本煉乳忌廉中間會有少少蜜瓜果肉🍈當然面頭都有唔小蜜瓜啦材料配搭上間單但賣相唔錯🤤👍🏻忌廉幼滑輕盈雖然海綿蛋糕本體無想像中咁鬆軟🥺🥺我爸仲要將佢同另一間C字頭嘅蛋糕店比較😅話嗰間嘅海綿蛋糕部分好食啲喎🤔不過呢個都唔差而蜜瓜可能過左當造季節時期 所以唔係特別甜😗但整體而言都係不過不失 味道同質素上都唔差👌🏻始終 @italiantomatohongkong 嘅蛋糕款款都好吸引好耐之前食過佢哋嘅王牌士多啤梨蛋糕🍓感覺都唔錯🥳估唔到事隔咁多年終於可以買第二次

【 保持質素的蛋糕專門店 】父親節當然要買個蛋糕送俾老公和爸爸啦。

雖然男士們不太喜歡節日慶祝食蛋糕，但我地班仔女個個都愛食甜品，所以又有個籍口買蛋糕食喇，哈哈！我地今次係旺角Italian Tomato揀左個朱古力芒果慕斯蛋糕，父親節關係仲會免費送一個父親節心形牌。

這個朱古力芒果慕斯蛋糕，有好香濃軟滑的朱古力慕斯，配上鬆軟的朱古力蛋糕，加上厚厚的朱古力外層，入口溶化，蛋糕上面仲放滿香甜的芒果粒粒，仲有小小金箔，感覺更高級。

我地另外再買左幾件散裝蛋糕做下午荼日本栗子蛋糕：栗子蓉好香，幾好味，內層有鮮忌廉，栗子及朱古力粒皇牌士多啤梨蛋糕：原粒新鮮士多啤梨真係無得輸，勁好味！海綿蛋糕都唔錯。

宇治抹茶蛋糕：日本宇治抹茶蛋糕配香甜紅豆忌廉，蛋糕面仲有原粒栗子作裝飾，好有日本和風感覺。

細細個已經食Italian tomato，以前常常去尖沙咀太陽廣場分店，由餐廳變cafe,再close，都好大轉變。

因為太多其他牌子的蛋糕，見又好耐冇食此牌子，昨日，訂了21吋原個栗子蛋糕。

但咁耐冇買，估唔到這分店職員態度差，黑口黑面，冇其他客都急急落單，好似好忙咁。

到今日拎蛋糕，又係得我一個客，職員又好趕，好急咁打開個盒畀我望望就入盒。

我回家才發現蛋糕被𠝹定了切蛋糕的“痕跡”，明明我訂原個蛋糕，點解會被預先𠝹定。

栗子蛋糕好食，栗子味偏甜，依然好好食! 我諗下次想食蛋糕，去其他分店好d!

Italian Tomato餐單提供意大利菜, 西式糕點等推介美食位於旺角區，餐廳座位數未知人均消費約$50以下，結賬可以用Visa,Master,AlipayHK,現金,八達通,AE,銀聯,JCB,微信支付，Booking訂位可以電話致電 35149099 查詢。

您對於旺角餐廳「Italian Tomato」有何 comment？

Italian Tomato餐廳詳細資料：

• Italian Tomato地址:
  旺角亞皆老街8號朗豪坊地庫2層5號舖
  Italian Tomato, Shop5, Basement2, Langham Place,8 Argyle Street, Mong Kok
• Italian Tomato電話: 35149099
• Italian Tomato價錢: $50以下
• 分類: 意大利菜, 西式糕點
• 座位: 未知
• 付款: Visa,Master,AlipayHK,現金,八達通,AE,銀聯,JCB,微信支付
• FB專頁: Italian Tomato Facebook

更多Italian Tomato相關資料:

• Italian Tomato分店
• Youtube
• Facebook
• Twitter
• Google