糖食 鴨脷洲

糖食 評價 相片

同朋友久沒有地去鴨脷洲，第一次見到呢一間甜品店，就冇諗太多入咗去食個甜品！分別叫咗一個芒果班戟同芒果豆腐花。

芒果嘅芒果味唔係好重同埋有少少酸，班戟皮係不錯的。

豆腐花叫咗凍嘅點知佢係暖暖地再配埋芒果係十分之奇怪的。

希望餐廳有所改善~

【南區】【糖食】我真係唔係成日過嚟南區呢邊，次次都講到自己好失德敗行咁。

話雖如此，我都會盡我嘅能力為大家努力寫匀十八區嘅。

畢竟我間唔時都會恥笑嗰啲標榜自己食匀全世界食匀全宇宙嗰啲 foodie，原來佢哋個世界係咁細，係幾衰格嘅。

咁我為免被人用同一把尺嚟招呼，我就梗係要做到過到自己過到人，而家雖然愈嚟愈少人 like，不過本身自己性格都係喜歡服務於小眾，唔係食四方飯、八面玲瓏嘅嗰種人。

因此而家得到部份人認同嘅狀態，我自己係接受嘅。

咁同朋友入到鴨脷洲，食完正餐，又未夠鐘按摩，就食個糖水先。

正餐嗰餐已經出咗 post 架喇，爭呢間咋。

朋友食 $42 嘅「椰香芒果撈河」，我就食 $36 「芒果粒粒撈」，上菜時點解咁似嘅，原來只係條狀同粒狀椰汁糕之分。

佢哋個味道唔算好好同好突出之下，我覺得冇乜嘢好講，咁就促成咗二訪。

今次同另一位朋友再去，好彩朋友都冇揀返呢兩款，佢食 $30 嘅「雪糕涼粉」，個雪糕有呍呢嗱、芒果、綠茶、芋頭四款味揀，佢係揀咗綠茶味嘅。

佢就對佢碗嘢冇乜感覺，我都冇咩寫到，大家理解咩事就好。

而我嗰碗係 $28 嘅「生磨杏仁露」，估唔到終於唔錯，杏仁味幾香。

咁我明喇，嚟呢度係要食熱嘢嘅，哈哈，見有啲客人都係食傳統中式糖水，希望畀到個參考大家。

。

（地址：鴨脷洲鴨脷洲大街43號地舖）#1amfoodie #foodie #hkfoodie #thatfoodiething #hkfood #food #delicious #foodies #tasty #globaleats #tastyfood #foodpics #dessert #甜品 #followforfollowback #love #eat #1am南區 #鴨脷洲 #利東 #糖食 #鴨脷洲大街 #椰香芒果撈河 #芒果粒粒撈 #生磨杏仁露 #雪糕涼粉 #1am0844 #1ambackup

痴線 芒果粒粒同芒果河粉係同一樣野黎 純粹就真係粒粒同一條條 成碗野少少味都無 芒果得個丁屎幾粒 一碗仲要唔平 一碗36一碗42 呢啲垃圾食過一次你請我都唔會食第二次 垃圾 諗住鴨脷洲開租品小店試吓 完全不值一試

之前有一日去咗鴨脷洲,經過呢間小店就入咗去食🙌🏻小店同附近嘅舖頭有所不同😙以白色木系為主🤍而小店嘅佈置都簡約為主✨🔺芒果班戟🥭 $24 (價錢好似唔同咗)班戟中間嘅芒果好大舊😚而且係甜!!Cream 正常🙌🏻冇話特別creamy,皮就有點厚但可能芒果較大所以皮要厚啲？！🔺芒果西米露 $35西米煮得好淋😙芒果有都好多舊🥭而且夠甜🫶🏻整體黎講質素ok✨如果經過嘅話可以再食😸🔺生磨芝麻糊 $28同平時嘅芝麻糊差唔多,不過不失👐🏻個碗係雙層嘅碗所以點個碗都唔會熱😉

嚟到鴨脷洲覓食，天氣好熱，好多舖頭都冇開，見到呢間新開張嘅糖水舖，一於入去試吓啦！🥭椰香芒果撈河 $42 (4/10)河粉份量都好ok，芒果得六小粒，芒果汁偏少🥲河粉即係椰汁糕，一啲椰汁味道都冇，少少甜味，芒果份量實在太孤寒了，$40比多兩粒都唔過分？芒果都係新鮮芒果但超級酸，芒果汁就係現成嘅芒果汁偏甜，整體來講係唔好食，連正常甜品舖嘅質素都冇😂🍧鮮雜果西米露 $35 (3/10)呢個睇落大碗啲，鮮雜果都正常，椰汁西米露食落有怪味，唔知係放得太耐有雪味定點了，食完個口好唔舒服，椰汁偏甜冇乜椰汁味🥲真心呢個價錢呢個質素真係差個喺屋企自己煮好多😂唔好意思食咗兩啖就冇食落去😢推薦指數: 3/10新開張小店唔可以接受質素唔穩定，希望可以改善返個質素，如果以呢個質素繼續做落去都唔會嚟食第二次😂

糖食餐單提供港式, 糖水舖等推介美食位於鴨脷洲區，餐廳座位數未知人均消費約$50以下，結賬可以用現金,八達通，Booking訂位可以電話致電 97321282 查詢。

您對於鴨脷洲餐廳「糖食」有何 comment？

糖食餐廳詳細資料：

• 糖食地址:
  鴨脷洲鴨脷洲大街43號地舖
  糖食, G/ F,43 Ap Lei Chau Main Street, Ap Lei Chau
• 糖食電話: 97321282
• 糖食價錢: $50以下
• 分類: 港式, 糖水舖
• 座位: 未知
• 付款: 現金,八達通
• FB專頁: 糖食 Facebook

更多糖食相關資料:

• 糖食分店
• Youtube
• Facebook
• Twitter
• Google