加記 鴨脷洲

加記 評價 相片

今朝早起咗，又可以去加記嘆早餐，呢次叫咗一個扒餐，包括有香煎雞扒，一隻旦，二件火腿，加一塊麵包，飲品叫咗凍華田，雞扒煎得皮脆，入口肉好嫩滑，火腿同雞旦都OK，嘆埋杯凍華田就可以返工啦。

加記...都幫襯左好多年，唔知係咪’吾三貴‘，食材貴丶租金貴丶人工貴丶發覺啲食物真係有下降嘅質素，食咗個午餐，炒蛋同鹹牛肉奄列，冇驚喜但係又冇特別差，都OK嘅，不過個豬扒真係食唔落口，又硬又乾，唔知係咪非洲豬瘟，用D雪藏豬肉，結局成塊都冇食，個福字麵煮得唔錯，軟硬度啱啱好，冰奶茶都OK，不過個奶油豬都係唔合格，好乾好硬，又少奶又少牛油，最終評分都係合格嘅，幾十蚊不過不失，我都會繼續幫襯，最多下次改食其他口味啦

去咗加記食午餐，叫咗瑞士汁雞扒抄一丁同凍檸茶，嗰麵抄得太乾身，冇瑞士汁味，嗰雞扒又咸又乾，凍檸茶茶味啖，收＄50，又唔平又唔好食，係一個冇靈魂嘅午餐，唔扺食，平日嘅餐冇咁差，唔知大廚係咪放咗假？

放左幾日假，今日都唔怕早起一日睇番個早場先🤓已經特登再搵啲唔係旺區睇架啦，都要早兩日買左飛先，估唔到過左咁多日仲係咁旺場😨一早過到海怡，諗住就附近茶記食個早餐，戲院樓下就有加記。

價錢十分相宜，估唔到呢個地方都唔算貴。

先黎兩杯奶茶，奶味偏重，茶味相對唔夠出。

先黎個火腿鮑魚通粉餐，加左2蚊轉多士，不過份多士有啲太dry😅再黎個香煎雞扒麵，個雞扒估唔到有驚喜，幾好食！幾位阿姐都好好禮貌，就算假期特別多客，啲客又多多要求，但佢地都唔該前唔該後👍🏻係有位哥仔，見佢係出餐位拎野掟住黎，真係幾令人側目😰

一間餐廳好與否，除左睇食物質素同環境衛生，仲睇店員態度。

而海怡向來無咩餐廳選擇，加上生濕疹，無食物選擇下見加記有涼瓜食有益咪叫囉。

落單果陣：我：唔該要涼瓜飯，走蛋走豉油，可唔可以涼瓜。

女：（寫好單）$55我：琴日一樣飯係收$49，餐牌寫到明48+1外賣女：咁咪收少左你囉最尾女死死氣收番$49。

其後，有店員叫佢做事頭婆。

番到去打開飯盒當然無多涼瓜喇，本身都醒番開啲飯睇有無加料，結果真係有，完全係冷衫啲毛頭。

罪證1）態度惡劣其實我啲額外要求你要收多我唔緊要，但態度唔該好少少，而且又唔解釋清楚點樣要收多我6蚊。

你身為老板，又唔同員工交代清楚個價，然後就陰啲陰啲係飯加料，極為低裝。

你有理據咪提出，只有無道理既人先做埋呢啲鬼鼠事。

罪證2）度縮明明我已經好客氣對佢，又為佢著想cut cost，走蛋走豉油，好客人為食店著想，所以想加多少少涼瓜當醫好濕疹。

你就獅子張口索價55，你估涼瓜好貴咩。

明明我要求唔過分，仲為你生意著想，咁啲既態度留番比你班西客喇。

罪證3）加料雖然食唔死人，但好地地廚房無人著黑色冷衫點會有毛頭？仲要拎涼瓜掩著，放係中間堆底，咁巧合唔講突登都無人信喇。

雖然我討厭大集團，逼走小商戶，所以一般都會幫襯小店。

但呢間易左名既加記（前身都係唔受歡迎既怡香園）恃著海怡顧客無咩餐廳選擇，肆意提高飯價，且無禮貌又加料。

依加又有大財團進駐海怡，呢下如果呢間克店被逼走，都無人可憐。

睇到啲食評係咩加記有炸脾沙律好好食，心諗海怡只係無小店，你拎其他區小店比，加記即刻收皮，食物質素你間野都唔夠人嚟喇，更何況態度衛生？如果讀者有良心既話，請支持抵制加記。

加記餐單提供港式, 茶餐廳, 冰室等推介美食位於鴨脷洲區，餐廳座位數未知人均消費約$51-100，結賬可以用現金，Booking訂位可以電話致電 25548353 查詢。

您對於鴨脷洲餐廳「加記」有何 comment？

加記餐廳詳細資料：

• 加記地址:
  鴨脷洲海怡路13號海怡半島東商場104-106號舖
  加記, Shop104-106, Marina Square East Centre,13 South Horizon Drive, Ap Lei Chau
• 加記電話: 25548353
• 加記價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 加記 Facebook

更多加記相關資料:

• 加記分店
• Youtube
• Facebook
• Twitter
• Google