鄉下仔魚蛋粉 馬鞍山

鄉下仔魚蛋粉 評價 相片

淨雲吞有7粒，鮮蝦肉皮薄餡靚喜歡湯頭清甜唔太濃，飲幾啖都唔覺口乾，味精唔算多，$4x有7粒雲吞唔太貴牛腩河$32+墨魚丸$10=$42牛腩肥瘦適中，大慨78件十分超值；自家製墨魚丸夠彈牙，食到真墨魚味，唔似其他粉多無墨魚河粉都好滑溜，食完唔覺太膩蠔仔粥夠大碗，可以兩個人分享蠔仔細細粒易入口，最緊要乾淨😘唔想食太飽，呢度係不錯之選擇；真心喜歡有個夜市之街市食坊可以夜麻麻都仲搵到食，打破馬鞍山食肆沙漠之惡夢😄

馬鞍山出名是美食沙漠, 晚上11時後可以說是沒有選擇。

恆安夜市開了好一段時間, 之前只拜訪過手制燒賣, 掃幾串小食。

沒有坐下來試其他餐廳, 這次晚飯也未吃, 就來吃個麵。

牛腩夠腍,但有點過咸, 可選半肥瘦, 叫做不過不失。

魚皮餃size比四海大一點點, 口感粘粘的, 味道可以。

可以說是多一個深夜的選擇啦。

開張後從未幫襯過這街市的熟食檔。

今天夜歸其他食店基本上都關了，這個街市的熟食店午夜二點才關，所以和太太一起來試試，見平日早上這間都有不少人流，我們便選擇了這間。

共點了二碗粉麵： 牛雜米粉及雲吞麵。

米粉尚算爽滑；牛肚夠霖，可以；唯一考師傅的腸內臟就可見真章了，可能是食材不夠新鮮，或可能清潔不力， 放入口完全是苦澀味，在云云馬鞍山的牛雜粉麵店裡，這間可算是最差的了。

雲吞的蝦可，雲吞不是很大粒。

總結2碗的食後感，就是高咸度的湯底，可能是添加了過多的味精，有口渴感。

如另文所述，那位收銀，可能亦是老闆，待客之道需要很大力的改善。

結論是只此一次，我們以後不會再光顧。

不嬲都係CDROM嘅我Join咗Openrice咁多年都從未寫過食評，今次真係嬲到爆，不吐不快！話說呢間嘢從剛剛開(18年1月尾)到現在我都幫襯過幾次，水準不過不失，係食物普遍偏鹹。

我超鐘意食牛筋，所以次次都係叫牛筋乜牛筋物。

今次都吾例外，老婆幫我買咗個牛筋牛肚米外賣。

15分鐘返到屋企後打開個蓋，有一點點「噏」味，都算，照食。

第一啖食咗舊牛肚，好淋好淋，啲汁唧出嚟，係就係鹹啲，都Okay好味。

第二啖就食咗舊牛筋，舐嘢，舊牛筋「餿」咗，仲要唔係一般嘅少少「餿」，係「餿到臭」果隻。

咁當然，話明外賣就唔可以即刻叫人換啦，唯有打個電話畀間鋪諗住話畀佢哋聽的牛筋「餿」咗啦。

一睇Openrice，先知原來佢哋冇留電話，不過唔緊要，街坊一定有佢哋嘅外賣紙，有外賣紙就一定有電話。

搵到電話，咁我老婆就打去啦，話曬都係佢幫我買㗎嘛。

當佢哋聽電話嘅時候，我老婆就話畀佢哋聽啲牛筋「餿」咗啦，仲諗住話叫佢哋退返$10雙拼價就算，點知，聽電話果個話你一係就而家攞番落嚟，你唔得閒就算，佢唔會講低畀同事聽有件咁嘅事，跟住Cut我老婆線。

自己啲食物有問題，態度仲惡劣成咁，咁我同老婆就即刻換衫出去間鋪度退返錢。

去到仲頂癮，條友雖然肯退錢，但係態度就可想而知，仲要話試過啲牛筋冇問題，言下之意係我哋無理取鬧？？我跟住話「而家成碗嘢响度，你咪即刻試吓囉！係你哋啲牛筋臭咗，你而家咩態度，仲Cut我老婆線？」條友就答話「而家都退咗錢畀你啦，你哋仲想點？我而家好得閒聽你電話呀！」跟手就拿拿林拎咗碗嘢入廚房掉咗。

問咗條友貴姓，佢係都吾肯講，仲要話而家係我哋自己攞嚟醜喎！真心從未如此受氣！咁嘅食物質素+咁嘅態度，呢間嘢永不再幫襯！

鄉下仔魚蛋粉餐單提供港式, 粉麵, 米線, 茶餐廳, 冰室等推介美食位於馬鞍山區，餐廳座位數未知人均消費約$50以下，結賬可以用現金。

您對於馬鞍山餐廳「鄉下仔魚蛋粉」有何 comment？

鄉下仔魚蛋粉餐廳詳細資料：

• 鄉下仔魚蛋粉地址:
  馬鞍山恆錦街1號恆安商場地下恆安街市26-27號舖
  鄉下仔魚蛋粉, Shop26-27, Heng On Market, G/ F, Heng On Commercial Centre,1 Hang Kam Street, Ma On Shan
• 鄉下仔魚蛋粉電話:  
• 鄉下仔魚蛋粉價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 鄉下仔魚蛋粉 Facebook

更多鄉下仔魚蛋粉相關資料:

• 鄉下仔魚蛋粉分店
• Youtube
• Facebook
• Twitter
• Google