桃園車站 馬鞍山

桃園車站 評價 相片

我們人齊已取了飛等枱，老闆娘説有位的時候正行入去，在我們後面新來了一個女人，説要一張7個位的枱。

老闆娘向我們說：「啱啱有7個位的枱，要比佢哋。

」什麼道理呀？我哋排隊有飛又人齊，明明比我哋，而新來的客得一個女人，佢話7個咁就比咗佢？老闆咁樣做生意？真的太差！一個唔好心地的老闆，啲野食都唔好得去邊。

得罪街坊？我哋會同所有馬鞍山friends bad list 佢。

鞍泰區終於有個We Go Mall20 年黎算係有返一個正常d 嘅商場 有日式 西式 中式 台式......今次就揀左係一樓嘅"桃園車站"星期六嘅lunch time9成滿座但唔洗等位落單都揚手左一陣陣先有staff serve 明顯係唔夠staff重點一提：依度所有湯底預設係牛肉湯唔食牛肉嘅就要注意返古早味滷豬手台灣麵$63有四大嚿豬手 但豬手無味略淡麵底份量大 清湯底無乜味蕃茄湯吉列豬扒台灣麵$61蕃茄湯值得一讚 有幾嚿蕃茄肉同加埋蕃茄蓉蕃茄味融於湯底吉列豬扒好脆 唔會係厚粉 亦夠大件麵份量亦好足凍廚力水晶鴛鴦+$16就算叫左"走甜 "d 水晶都係有甜味 所以其實溝埋鴛鴦 d 甜度係岩岩好唔"走甜"好肯定甜死同埋無乜咖啡味 成杯都比較奶味重今次只推介蕃茄湯吉列豬扒台灣麵而飲品，清湯湯底 豬手都唔合格服務都係一般，唔夠人手 係好影響服務品質

馬鞍山嘅We Go Mall開咗唔少嘢食，今次我同大肥肥👦🏻冇翻工就來咗呢度食下午茶🙈唔係話特別有心情飲飲食食，純粹食個快飯當一餐。

大家冇胃口都一定要食番少少野，有力氣先可以繼續加油💪🏻🔥要食翻多d澱粉質1️⃣迷你肉燥飯 $32蔥爆得好香，令成個肉燥飯🍚好濃蔥味。

肉燥切得比較碎，食落去都較為乾身，醬汁可以淋多d。

飯都較乾身。

滷水蛋🥚就幾入味，佢仲有條好長嘅菜心附上。

🙆🏻‍♀️美味指數:6.02/102️⃣香脆奶醬吐司 $28呢個先係重點🔥!吐司🍞好厚身，而且夠哂熱辣辣同埋超香脆可口🤤佢搽咗好多煉奶，花生醬同牛油係上面，超正!!!平時食奶醬多大部份得煉奶同花生醬，呢個加埋牛油更加香滑🥰🙆🏻‍♀️美味指數:8.12/10💡整體來講，性價比高，一定要試下香脆奶醬吐司🍞

今日同朋友嚟到馬𩣑山 呢度出名美食沙漠所以我地就無咩期望😳😳😳但聽講呢度開左新商場多左好多餐廳 於是我地就嚟左桃園車站食台灣菜😙😙😙呢度個lunch menu都好抵食 全部都係中等價錢 於是我就叫左個肉燥雞排便當試下🤔肉燥個質地啱啱好 肉質好軟吾會好鞋～ 而且飯軟硬適中 吾會好似坊間其他店一pat pat咁👍🏼👍🏼👍🏼 醬汁亦都好惹味 好快就食曬d飯👅雞排都幾厚切 上面上左d粉調味 炸得乾爽入面又有肉汁👀 整體性價比好高🤤🤤🤤推薦:⭐️⭐️⭐️⭐️

中午到桃園車站食lunch，餐廳佈置簡單，裝修有啲似傳統嘅甜品鋪，看門面以為鋪頭好細，入內都幾寬敞，放到十幾張細枱。

午餐點了鹽酥雞肉燥飯加台式奶茶，鹽酥雞香脆可口、不油膩，肉燥肥瘦適中，若豉油味再香啲會更好，台式奶茶清香，較其他鋪頭嘅台式奶茶重奶味，味道唔錯。

食物質素嚟講，性價比高。

桃園車站餐單提供台灣菜, 台式飲品, 粉麵, 米線等推介美食位於馬鞍山區，餐廳座位數未知人均消費約$51-100，結賬可以用現金，Booking訂位可以電話致電 26563588 查詢。

您對於馬鞍山餐廳「桃園車站」有何 comment？

桃園車站餐廳詳細資料：

• 桃園車站地址:
  馬鞍山保泰街16號WeGoMall1樓110B號舖
  桃園車站, Shop110 B,1/ F, We Go Mall,16 Po Tai Street, Ma On Shan
• 桃園車站電話: 26563588
• 桃園車站價錢: $51-100
• 分類: 台灣菜, 台式飲品, 粉麵, 米線
• 座位: 未知
• 付款: 現金
• FB專頁: 桃園車站 Facebook

更多桃園車站相關資料:

• 桃園車站分店
• Youtube
• Facebook
• Twitter
• Google