廣島壽司拉麵店 馬鞍山

廣島壽司拉麵店 評價 相片

這間o野我都自己一個試過，不過真係好耐之前，所以唔係咁記得詳細內容，那日下午得返我一個食晏，咁市中心好多間都試過，咁咪諗住行去遠d 試下，其實那時都已經有下午茶餐，咁我又肚餓，所以咪叫了個午餐，滑蛋雞扒飯，仲有杯台式飲品，咁來了本台式飲品，唔凍，好甜呀!跟住來了滑雞雞扒飯，點知件雞扒冇味，咁我咪問佢有冇鰻魚汁，諗住用來點同埋伴飯，點知佢話冇，得豉油，冇理由一間日本料理冇鰻魚汁，佢擺明係唔想俾，咁算，諗住試下用豉油睇下好唔好d ，點知都係唔好食，佢d 飯俾我感覺唔係日本米呀!都唔好食，但係唔知點解可以做到咁耐，其實有時都開始懷疑住馬鞍山的人係唔係為求填飽個肚同埋總之要價錢平就得，這間o野自問就一定唔會有下次呀!但係間唔中都見到佢幾多人幫襯呀!唉、唉﹗難道真係唔會有一間用個心做的日本料理係馬鞍山呢？

其實已經很久沒有幫襯, 想寫的是之前吃過的食評. 馬安山區的日本食店少得可憐, 冇可選擇下試試這間, 路過看到門外有set lunch, 於是吃吃:我叫的是咖哩雞扒飯 咖哩相信是city super有賣的盒裝咖哩粉, 味道一般但分量開得很杰, 雞扒不是煎, 而是炸的, 味道算香口, 可是口感就油一點餐送百事一罐, 不夠凍不好喝呢餐可以另加錢要壽司或餃子, 但之前試過三文魚壽司塊三文魚薄過張紙, 而且味道很差, 簡直比百佳貨色還要差; 而餃子則炸到又硬又乾又油, 一向鐘意食餃子既我都頂唔順, 都幾失望

今晚同阿哥女朋友一齊去lee間店食野，第一次，是在本網頁找的，滿心歡喜諗住開開心心食一餐\！我請的~誰不知真係一肚氣！1.侍應反應慢，落單唔清唔楚。

2.叫佢\，總是應\'等等\'，例子係叫佢\拎幾杯水黎，\'等等\'，到最後埋左單都係冇水的。

3.叫左個海鮮火鍋，佢\大大隻字寫住0的中文字話有咩料咩料！v形蟹螃，北海道帶子，紐西蘭青口，去殼海蝦，竹輪，鳴門卷，口本魷魚片，同雜菜烏冬。

點知黎到一睇！v形蟹螃=蟹柳，北海道帶子沒有貨，但沒有講明，只係用0的垃圾魚片頂。

青口兩只，ok的。

去殼海蝦=普通壽司蝦。

成為八十。

我上前同老細理論，點知佢話冇帶子，用左魚頂，唔岩食都冇辦法！蟹柳即係蟹螃架喇！整體黎講是一間不會再去的黑店~食野俾錢好正常，不過要對版先得囉！食物質素要ok之餘唔該俾0的誠意對下客，如果唔係食一次，冇下次囉！環境差都唔好提了

今天第一次來到一間小規模的日本料理餐廳午飯。

點了滑蛋牛肉飯，呢度只要加多$4 就會有2 件三文魚壽司tim !好少食滑蛋牛肉，通常都是食滑蛋豬扒，牛肉都唔算太「un」，洋蔥都算淋，但整碗飯略為淡味; 而壽司只係超級市場水準，舊壽司飯略為酸。

都說了小規模，就不要有太大的期望。

雖然唔係好好好食，不過還是可以接受。

畢竟，一分錢一分貨，免加一仲有野飲送，算係咁啦!

昨晚一行11 人去到~~人唔算多。

但係因為是朋友的爸爸開的~所以食物非常豐富。

不單止是多，而且質素也是非常好的。

刺身夠新鮮，而且入口即溶。

而龍蝦刺身則非常爽口炸軟殼蟹卷也是非常不錯。

炒烏冬雖然面質較軟，但是味道則適中也帶小小辣那些台式特飲也不錯。

在吃的中途也有看過餐單，價錢也不算貴。

十分值得一試的地方!!

廣島壽司拉麵店餐單提供日本菜等推介美食位於馬鞍山區，餐廳座位數未知人均消費約$51-100，結賬可以用現金。

您對於馬鞍山餐廳「廣島壽司拉麵店」有何 comment？

廣島壽司拉麵店餐廳詳細資料：

• 廣島壽司拉麵店地址:
  馬鞍山鞍誠街18號新港城3期商場地下57號舖
  Hiroshima Sushi,  
• 廣島壽司拉麵店電話:  
• 廣島壽司拉麵店價錢: $51-100
• 分類: 日本菜
• 座位: 未知
• 付款: 現金
• FB專頁: 廣島壽司拉麵店 Facebook

更多廣島壽司拉麵店相關資料:

• 廣島壽司拉麵店分店
• Youtube
• Facebook
• Twitter
• Google