Just Steak Premium 馬鞍山

Just Steak Premium 評價 相片

一個人突然好想食牛扒，可能因為昨晚捐了血，所以覺得需要補一補鐵，咁啱午餐時段行經這區時，見到一間似新開嘅牛扒店，即刻入去試吓，決定叫一個蒜蓉汁新西蘭肉眼扒餐拼炸薯條及溫泉蛋，而且有香濃咖啡☕️令你感到非常滿足！牛扒大約五成熟，你可以切開後，用鐵板的熱力稍為煎一煎，就可以做到七成熟，絕對唔會上碟嘅時候覺得太熟或者太生，可以自主控制！

餐廳以鐵板餐為主，主打牛扒，配汁一律都有黑椒/蒜蓉/同燒汁揀唔食牛嘅選擇有豬同鰻魚大部分扒都有200g/ 300g 選擇，非常貼心細食嘅女士唔洗擔心食唔哂👍🏻點好餐後，服務員會遞上圍裙，唔怕倒汁落鐵板時彈污糟啲衫！非常貼心👍🏻我揀左紐西蘭肉眼扒200g服務員會叫你先切開牛肉睇下熟度自己滿唔滿意，然後再落汁(服務員話一般上餐時係4成熟)我覺得味道可以，唔會話醃味好重，但牛扒肉質比較實醬汁我揀左蒜蓉汁，醬汁唔太鹹，味道偏淡，唔會蓋過肉味👍🏻屋企人點左美國肉眼 同豬肩扒美國肉眼冇份量選擇，只有300g，但肉質較淋，比紐西蘭肉眼好食豬鞍方面肉質唔鞋唔會話太老，塊菠蘿好甜帶微酸，可以中和豬扒嘅油膩感👍🏻唔錯！所有鐵板牛扒都可以以優惠價+$33加飯/意粉/薯條，溫泉蛋，沙律/餐湯，飲品 (4選1)沙律賣相一般但醬汁好夠菜亦好新鮮餐廳係菜湯，味道好淡好似蕃茄滾湯，麻麻地由於冇哂熱咖啡(可能機壞左🙄) 服務員推介凍滴精品咖啡又幾好飲，咖啡味濃郁，好rich，唔會一味得個甜味 飲糖水咁，又唔會有冰沖淡哂啲味，推薦👍🏻但好搞笑 一嚟到就係咁👆🏻，比人偷飲左兩啖咁😅整體嚟講味道質素都ok! 會再嚟😉

自上次有手帶人士去餐廳食野之後，宜家D餐廳都好小心, 量體溫, 俾酒精搓手液， 或者俾信封入住你個口罩，依間入去之前仲要求拎起你既衫袖， 檢查你有冇手帶（若果你係著長袖）點菜既時候，店員溫馨提示牛扒只會做到四成熟， 然後再因應自己既喜好喺鐵板上再煎， 但話雖如此， 依塊西冷真係好生， 切開既時候爆血， 而且鐵板唔算真係好熱，好難煎熟sauce 會另外裝住俾你，放喺鐵板上仲可以warm 係個sauce,夠哂貼心，個人喜好黎講，食一舊點一舊，感覺冇咁肥……HaHa

牛排上黎的時候比較生，最好切好再燒下再倒汁200g的份量都夠食，可以加33蚊要套餐，有幾款野揀。

另外近期加36蚊有兩隻鮑魚。

又幾好食😋 如果去開馬鞍山，都可以去試一下。

晚市時間都要排隊⋯大概排十五二十分鐘咁上下。

成日經過見價錢好吸引，今日瞓飽飽就中午12點過黎食個Lunch澳州西冷牛扒 300g $109紐西蘭西冷牛扒 200g $86另加$33 配有:配薯條/飯/意粉~ 薯條正，香脆配沙律/餐湯~ 食完牛扒，食沙律無咁膩配飲品睇價錢真係無得輸，牛扒送到上枱，煎得好靚，賣相吸引，牛扒又好有厚度。

因為鐵板上，牛扒只係得3，4成熟，鐵板熱力好快會熟晒架，我就唔想太熟，所以一切完一塊就放高去😂如果怕生，可以再慢慢煎😋牛味就無乜，個人覺得紐西蘭口感好食D墊底既洋蔥粟米好好味呀

Just Steak Premium餐單提供日本菜, 西式, 扒房等推介美食位於馬鞍山區，餐廳座位數未知人均消費約$101-200，結賬可以用現金，Booking訂位可以電話致電 26092083 查詢。

您對於馬鞍山餐廳「Just Steak Premium」有何 comment？

Just Steak Premium餐廳詳細資料：

• Just Steak Premium地址:
  馬鞍山鞍祿街18號MOSTown新港城中心(4期)2樓2105號舖
  Just Steak Premium, Shop2105,2/ F, M O S Town( Phase4),18 On Luk Street, Ma On Shan
• Just Steak Premium電話: 26092083
• Just Steak Premium價錢: $101-200
• 分類: 日本菜, 西式, 扒房
• 座位: 未知
• 付款: 現金
• FB專頁: Just Steak Premium Facebook

更多Just Steak Premium相關資料:

• Just Steak Premium分店
• Youtube
• Facebook
• Twitter
• Google