炳記麵家 香港仔

炳記麵家 評價 相片

其實炳記麵家都算係平時開飯既飯堂， 噚晚去食既時候發現加咗價，不過加咗之後都算比出面啲麵舖平既， $20 單拼、 雙拼加 $5。

平時最鍾意食墨丸河，啲墨丸唔似出面嗰啲咁好粉好淋，所以打邊爐都要幫襯佢買墨丸，hehe..........仲有啲豬紅都好好味同埋呢度有大樽玻璃裝既汽水，都只係$7（以前$6一支咋），而家好少地方有大樽裝既汽水飲lu

今日補食父親節飯，經過呢間開咗十幾年嘅舖，忍唔住走入去打個底就揀咗碗清清哋嘅魚片魚旦米，湯仍舊嘅清，唔洗落鼓油，仍舊有樽裝汔水、豆漿、咖啡茶…魚旦仍舊夠爽，魚旦新鮮唔腥，印象中牛腩麻麻哋凈食埋單$19

每次經過都畀佢嘅牛腩牛雜香味吸引, 但係我今次並唔係食牛腩牛雜, 今次食魚皮餃魚紮河粉!!呢間街坊小店座位唔多, 最多都係坐到1718 人, 坐多D 都得, 不過會好逼...檯面有魚露, 辣椒醬之類嘅調味料, 仲有我嘅至愛 冬菜...碗粉一到, 唔使諗, 落D 冬菜先, 再加D 佢哋自製嘅辣椒油... 正呀!! 跟住夾一舊魚皮餃試試, 皮較厚但係幾爽口, 味道好好...再試河粉, 一貫水準, 啱啱好, 滑身爽口, 好味!!!再食我最鍾意嘅魚紮, 面頭嘅魚肉好有魚味, 同入面嗰舊紅蘿蔔嘅味道好夾, 一齊食就產生好大嘅化學作用, 鮮味同香味充斥成個口腔... 之後再將D 粉同湯一齊送入口... 呀... 簡直將我融化喇, 湯應該冇落到C 父, 好鮮甜, 飲完都唔會話好口渴!負責樓面嘅亞姐收錢落單一腳踢, D 客一走就即刻收嘢抹檯, 成間舖都好乾淨, 地下又冇垃圾, 所以我好鍾意去食嘢... 下次再嚟過!!

今日因工作下午去到田灣, o係街口就見呢間舖有牛腩牛什魚蛋粉麵,只係16蚊, 一試無妨, 估唔到都有意外驚喜,叫一碗牛腩河, 聽事頭婆同伙記傾計, 應係潮州人, 你order野, 佢永遠只會應一句 '愛唔愛油菜?'牛腩肉味同質素唔錯, 霖得來又有咬口, 湯係半清, 有小小醬油味!如果唔係八角味重o左d 同湯唔算好清, 可以同九記比添!但價錢就平得多同份量都多d!油菜10蚊ok, 但炸魚皮要16蚊好似超貴!另外間舖面積好細, 只得三行細檯, 仲有個亞姐要o左一行來包雲吞,全部最多都係坐到10個人, 但係就會好迫! 所以我都見有d人來買外買!下次再經過會試下牛什同潮州魚蛋!因為以價錢來講質素算唔錯!

三月中旬．晴掃到來田灣，都有不少有興趣一試的食店。

這邊食店不多，但麵店就只得幾間，以這間比較似樣子，也比較多人，就來吃碗湯米。

要了腩米，問有爽腩或坑腩嗎？阿姐說「咩都有！」強！就來一碗爽腩米，要多青。

上檯的果然是爽腩，也果然多青。

爽腩不算炆得很爽，未太夠身，但帶著一點肥脂，很甘香，收貨的了。

米粉過水充足，蔥也切得幼細，看來是一間頗有誠意的店子。

也要了碟芥蘭，花摘清，爽甜好吃，不錯。

阿姐服務很好，見客人咳了一聲，即遞紙巾，抵讚。

埋單26蚊，除了牛雜牛腩，還有不少東西吃的，還可以再來。

炳記麵家餐單提供港式, 粉麵, 米線, 雲吞, 餃子等推介美食位於香港仔區，餐廳座位數未知人均消費約$50以下，結賬可以用現金，Booking訂位可以電話致電 25529746 查詢。

您對於香港仔餐廳「炳記麵家」有何 comment？

炳記麵家餐廳詳細資料：

• 炳記麵家地址:
  香港仔田灣街1號地下
  Ping kee restaurant, G/ F,1 Tin Wan Street, Aberdeen
• 炳記麵家電話: 25529746
• 炳記麵家價錢: $50以下
• 分類: 港式, 粉麵, 米線, 雲吞, 餃子
• 座位: 未知
• 付款: 現金
• FB專頁: 炳記麵家 Facebook

更多炳記麵家相關資料:

• 炳記麵家分店
• Youtube
• Facebook
• Twitter
• Google