藍鳥 長洲

藍鳥 評價 相片

長州出名小食， 但中午時分黎到，都係食餐正常午餐先。

可靠嘅大同就上Youtube，發展有YouTuber 推薦蠔仔肉碎粥同沙嗲牛麵。

平時唔鍾意食粥嘅我對蠔仔粥都幾有興趣，所以就去試吓。

藍鳥嘅位置係離碼頭5分鐘到嘅小巷到，有個唔係好顯眼嘅街坊招牌，寫住藍鳥，要多加留意先唔會睇留眼。

黎到就叫咗蠔仔肉碎粥同沙嗲湯底嘅車仔麵，兩份share。

老闆娘好好，見我哋share就主動俾多對餐筷俾我哋。

蠔仔肉碎粥係食過最好味嘅粥之一。

用料絕對唔馬虎，有滿滿嘅蠔仔、肉碎、芫荽。

蠔仔、肉碎令粥底超級鮮甜，而芫荽同蔥就增加咗香味。

如果個粥煮得更綿嘅話，絕對係值得五星嘅。

三餸麵叫咗蘿蔔牛腩同墨魚丸，配幼麵。

沙嗲湯底好濃郁。

雖然要額外加$8，但物超所值。

牛腩嘅份量大大舊，分量唔少。

我同友人都好滿意呢餐地道長州餐，蠔仔肉碎粥取得我地兩個嘅歡心。

下次黎長州都要再三回味下蠔仔肉碎粥！

經過一個在長洲長大的朋友推介，同我力sell 長洲蠔仔粥。

有日機緣巧合之下，去長洲遊玩下，就去呢間藍鳥餐廳食個午餐。

餐廳款式不多，有車仔麵，各款潮州粥，及一些炸小食。

朋友強力推薦，蠔仔粥加皮蛋 ，價錢HK$33 加皮蛋 $7。

蠔仔粥料很足，好多皮蛋蠔仔，蠔仔新鮮，粥底靚，加埋芫荽香蔥，味道一流。

另外，試試呢度必食雞髀，雞髀炸至金黃色，香脆可口，內裡肉汁不會流失。

而且雞皮上灑上孜然粉及香辣粉，使雞髀更加香口。

去長洲除左食芒果糯米糍之外，仲有其他唔錯既美食！今次試左間叫藍鳥既小店，朋友介紹要叫招牌炸雞髀，同肉碎蠔仔粥！招牌炸雞髀：超大份既雞髀，新鮮即叫即炸，睇住佢放落油，再炸好上碟，有得選辣或唔辣，辣既佢會灑d木枚粉同七味粉係雞髀面，超香！同佢有用南乳醃過，所以雞髀食入口會有陣陣南乳香，而且肉質滑，雞皮夠香脆，果然係招牌！肉碎蠔仔粥：類似湯飯既粥，飯煮得岩岩好，唔會太綿，蠔仔都幾多同新鮮唔會有腥味，加埋莞茜，蔥等配料食落湯底都幾鮮味，加入埋肉碎，令成碗鮮味加上肉香！亦見佢可以另加紫菜、蕃茄、皮蛋等其他材料！價錢亦合理！一試無彷！另亦有車仔面，同喇沙湯底粉面選擇👍

上次嚟已經睇中你。

終於今日相遇嘞，蠔仔粥！一上枱熱騰騰、香噴噴~ 你的內涵比外表還要吸引。

湯十分鮮甜，蠔仔又多又脹卜卜。

加了紫菜更鮮~ 除了紫菜，也有肉碎、方魚提供。

雖然有少少熱氣，但也忍不住點了炸豆腐。

味道是炸豆卜，但毫不油腻。

還脆得似薯片🤓可選擇辣和不辣。

我點了辣 ，更加惹味。

由於食物是即叫即整，需要一點時間。

倒也值得。

遇到有心做食物、有良心、有人情味和價錢合理的食店時，真的要多加珍惜。

這餐滿足又滿意。

小島上有多間餐廳供應喇沙湯粉麵，但每每都令我大失所望，不是湯底無味像稀釋過一樣，便是只有濃濃椰奶味，總是找不到好吃的喇沙湯麵。

偶然經過「藍鳥」，全靠它門外的易拉架宣傳，才得知小店除蠔仔肉碎泡飯及車仔麵外，還有喇沙湯麵，立刻點了雞扒喇沙湯米回家細細品嚐。

除了雞扒外，還有多塊豆卜作伴菜，出奇地豆卜完全吸收了喇沙湯底的精華，比主角雞扒更得我歡心。

主角雞扒以油炸，外皮香脆可口，而肉質尚算嫩滑。

此外，老闆細心把雞扒剪碎，吃起來方便很多，值得欣賞！喇沙湯底濃郁，鮮味、椰香味及辣味融合得恰到好處，讓人不禁把湯底一併喝光！

藍鳥餐單提供港式, 小食店等推介美食位於長洲區，餐廳座位數未知人均消費約$50以下，結賬可以用現金，Booking訂位可以電話致電 29869191 查詢。

您對於長洲餐廳「藍鳥」有何 comment？

藍鳥餐廳詳細資料：

• 藍鳥地址:
  長洲大新街44號地舖
  Blue Bird, G/ F,44 Tai San Street, Cheung Chau
• 藍鳥電話: 29869191
• 藍鳥價錢: $50以下
• 分類: 港式, 小食店
• 座位: 未知
• 付款: 現金
• FB專頁: 藍鳥 Facebook

更多藍鳥相關資料:

• 藍鳥分店
• Youtube
• Facebook
• Twitter
• Google