潮人潮食 長沙灣

潮人潮食 評價 相片

呢一區都有好多唔同嘅小店同舖頭今次嚟咗呢一間 睇落去店面都好乾淨 員工都好整潔仲超級窩心咁送你一包Temple紙巾 生滾滑牛肉粥 仲有一隻完整嘅雞蛋🥚打上碗粥的面 圓圓嘅蛋黃 好香滑而每一塊牛肉都好林 好軟熟 個粥都好軟綿綿 忍唔住食晒成碗粥😋鮮蝦雲吞麵 清清的湯 彈牙鮮蝦雲吞 唔好睇小咁平凡嘅鮮蝦雲吞麵原來呢間小店嘅雲吞都係店員自己每日親手包有五大粒雲吞 仲有兩條菜心 麵嘅份量亦都好多 真係用心之作❤️喜歡少鹽 冇味精 絕對係健康之選～ 仲有其他 粥粉麵飯 健康有營蒸選食物都好多元化

今日同個老人家去開長沙灣買啲嘢，買完就到中午時間，所以就隨意入一間餐廳食啲嘢歇歇腳。

小店嘅廚房屬開放式，食客可以見到入面廚師炒餸拋鑊嘅精彩絕技，樓面雖小但亦五臟俱全，以小店來講都算整潔。

餐廳食物選擇豐富，價錢合理。

老人家話秋風起，最啱就係食臘味，所以叫咗個時菜臘味飯。

配埋一大碗白飯，都幾經濟實惠。

我就唔算好肚餓，所以就簡簡單單叫咗個招牌雲吞麵。

店員好細心咁另上炸蒜同葱，都幾貼心。

雲吞總共有五粒，都算幾大粒，幼麵爽滑彈牙。

份量都幾多吓，影完張大合照，就可以開餐！呢間小店最貼心就係會送Tempo紙巾，成本一啲都唔低呀！

今日去長沙灣跟家人聚會，之前要食個下午茶醫肚先，家人介紹呢一間潮人潮食，說剛開張可以試吓。

餐廳望落乾淨企理，坐位雖然不多，但都算精緻，望見餐牌價錢相當實惠，真係親民價啊👍。

#雲吞河雲吞大大粒有5粒，鮮蝦蝦肉跟豬肉味道都十分新鮮，沒有一點雪味，而河粉又夠滑。

#下午茶餐叫左牛肉米配太陽蛋加多士，加$3配凍檸茶。

家人都讚好味😋份量剛剛好。

#蒸鯇魚腩可選擇要清蒸或豉汁，我選擇了豉汁蒸惹味點，鯇魚腩很滑沒有泥味，配搭豉汁非常之夾。

配菜心白飯，都唔使$50，真係好抵食啊。

此店舖雖然開張個多月，但見街坊來來往往的跟店員很熟咁，相信是店員很有親和力，老闆娘招呼得好好，每枱仲會送上一包愛心紙巾，令人感覺溫暖，人情味濃👍。

鮮蝦雲吞麵好味指數：👍🏻👍🏻👍🏻👍🏻👍🏻一入鋪頭，就見到店員係到包雲吞，店家堅持唔用雪藏雲吞，非常用心呀❤️果然食落係皮薄餡靚，好實在嘅豬肉，平均每隻都有一隻蝦入面。

麵底口感都彈牙，青菜份量都多，唔會好似有啲餐廳係得一條半條。

柱侯牛腩飯好味指數：👍🏻👍🏻👍🏻👍🏻👍🏻牛腩煮都好淋身，一啲都唔韌口，咬幾下就吞得。

牛腩同牛筋都非常入味😋同樣都會有生菜🥬做配菜，均衡飲食。

飯都粒粒分明，軟硬適中。

芙蓉煎蛋飯好味指數：👍🏻👍🏻👍🏻👍🏻雞蛋方面煎得都滑身，入面有芽菜、韮王同蝦仁，店家好用心咁將芙蓉蛋飯包成波型，賣相一流。

最爽係佢嘅甜豉油係任你加，撈飯好正呀😍凍西洋菜蜜（左）及熱奶茶（右）好味指數：👍🏻👍🏻👍🏻西洋菜蜜唔會太甜，岩岩好。

而熱奶茶就茶味較濃，鐘意重茶味嘅朋友仔都可以一試😋❤️貼心：店家會每枱客人都俾一包紙巾，相當細心❣️🪑裝修：以茶餐廳泥講，佢都相當企理乾淨。

適合14人入座。

當日同男朋友打完網球好想食一啲真正潮州嘅嘢。

皮蛋瘦肉粥好足料,足足有一隻皮蛋咁多。

分量比較大一碗真係已經夠兩個人食。

我驚男朋友肚餓所以叫左一個蒸黃花魚畀佢食。

蒸魚嘅味道好新鮮直情同酒樓食嘅質素一樣。

因為即叫即整嘅關係通常要等15分鐘。

套餐配上白飯油菜嘢飲簡直係冇得彈。

條魚好新鮮好滑,皮嫩滑肉滑,配上特有嘅蒸魚豉油簡直冇得彈。

男朋友叫咗個豬手撈麵好大碟見到佢個樣好滿足。

殷勤嘅服務而且簡潔乾淨企理。

amazing

潮人潮食餐單提供港式, 中菜館等推介美食位於長沙灣區，餐廳座位數18人均消費約$50以下，結賬可以用AlipayHK,支付寶,現金,微信支付，Booking訂位可以電話致電 34829818 查詢。

您對於長沙灣餐廳「潮人潮食」有何 comment？

潮人潮食餐廳詳細資料：

• 潮人潮食地址:
  長沙灣長發街17號永寧大廈地下7-8號舖
  The Best Food, Shop7-8, G/ F, Wing Ning Building,17 Cheung Fatstreet, Cheung Sha Wan
• 潮人潮食電話: 34829818
• 潮人潮食價錢: $50以下
• 分類: 港式, 中菜館
• 座位: 18
• 付款: AlipayHK,支付寶,現金,微信支付
• FB專頁: 潮人潮食 Facebook

更多潮人潮食相關資料:

• 潮人潮食分店
• Youtube
• Facebook
• Twitter
• Google