永記點心小廚 長沙灣

永記點心小廚 評價 相片

上星期六晚和屋企人一家八大一小去食團年,本來是在斜對面的大中華飯店食晚飯,但係好多人等位,門口阿姐話最少要等一個鈡頭以上. 嘩!吓~我老豆和我個仔都話好肚餓,就係等等下見到斜對面有間新野,叫做「永記點心小廚」.門口貼咗一D報章,是5星級酒店大廚開的,也貼了D得獎相,好似幾吸引咁!!老婆話想試下呢間就入咗去,唔知係咪新開裝同位置較隱蔽嘅關係呢!入面只得五六枱客...入到去比我嘅感覺好似茶餐廳咁!唔知叫乜食好,見到牆上面有話新登場 秘制黑豚肉豬仔煲,是火煱來的,阿姐介紹牛肉丸、鮮蝦丸、豬肉丸等等來打邊爐( 全部是老細親自手打的)、還有介紹水餃是本店親手包,不是外來叫貨返嚟的,仲有阿姐特別推介炸先竹卷、炸雲吞來打邊爐. 哈哈!聽起來都很特別,見個阿姐介紹得都幾夠細心,所以通通叫了ㄧ碟來試…另外還叫了兩碟點心和兩碟小炒, 真的估不到貌似茶餐廳,原來內裏乾坤,D小炒都有大排檔feel,都夠鑊氣;而 點心叫了燒賣和牛肉都好食,即叫即蒸! 燒賣: 燒賣ㄧ向係我至愛, 呢間D燒賣都算有水凖, 冇失望,豬肉肥瘦適中,夠彈牙,不會太過乾爭爭, 好食!正… 山竹牛肉: 不會太淋我個仔勁話好味,可能會好食過好多酒樓黑豚肉豬仔煲: 都多料,成煲野好入味, 味道唔錯我好鈡意用呢個湯底火煱,但那些黑豚肉唔知點解好似D東坡肉咁肥嘅,雖然好肥, 但係我屋企人個個都話好味, D黑豚肉唔靭唔鞋! 連老婆一向唔食肥肉都話好味,但我見佢有時都會咬返D肥肉出嚟!這個黑豚肉豬仔煲可以值得推介,但為了健康, 建議不要舊舊都食埋D肥肉啦!! 牛肉丸: 彈牙,爽口, 有點似山竹牛肉,好食! 鮮蝦丸: 彈牙,爽口,真係食到ㄧ粒粒的蝦肉,好食!正… 豬肉丸: 彈牙,爽口,不多肥豬肉,出面未食過,好食! 水餃: 老婆話個皮做得好滑、不厚，D饀料有蝦、豬肉、木耳 炸先竹卷: 呢樣真係超正, 用炸先竹卷來打邊爐原來係咁好味咖!ㄧ點都不覺得油膩,正… 炸雲吞: 個阿姐話不要滾太耐, 因為食時還有點脆卜卜,都OK椒鹽九肚魚: 老婆至愛,我哋全家人都鈡意食辣,所以叫師父加辣, 呢個值得推介,裡面D九肚魚仲軟綿綿,外面非常脆,好夠味!絕對唔會落重粉,我最怕是食到成舊麪粉或者好似乾到成條柴嗰D, 好食!正…(可惜食落仍然不夠辣) 豉椒排骨炒麪: 大膽D講一句, 如果愛吃炒麪的人就ㄧ定要試下,不過都幾重味,但係D汁真係好味,D麪外面炸到好鬆脆,而裡面D麪就軟身連D豉椒汁撈起ㄧ齊食絕配!值得一試!正…最後...我哋盲鈡鈡入咗呢間永記點心小廚,食飽得很滿足,最梗要係全家人齊齊整整食得開心,各位預祝您們新年快樂,全家人齊齊整整開開心心

緣起這是我步出永記，未動筆已想到的題目──恕我不在此解釋「四式」何以「奪命」。

如閣下是「中文人」，或曾親身參加二零零七年以後中文科會考或文化科高考，一定理解並痛恨它……第四式，名曰「無從判斷」。

永記在區內熱店大中華斜對面，相當易找。

是日路過，看招牌有點心供應，便入內一試！午市時段剛過，在場食客不多。

我翻來覆去也找不到點心餐牌，惟有揚手問夥計。

她說點心即蒸的要等。

我表示沒關係，請她介紹。

只聽她連珠炮發：鳳爪鮮竹卷山竹牛肉春卷……盡是常見款式。

「有蝦餃嗎？」點了燒賣和鹹水角後，我追問，答案是「賣光了」 。

腸粉早市才有，盅飯又不感興趣；多點一客煎堆仔權充甜點，也就差不多了。

燒賣又名乾蒸燒賣，顧名思義，皮與皮之間應該乾爽、不黏連的才對。

面前的明顯太濕了，四顆如連體嬰般，無法一夾即起。

入口軟軟爛爛的，不及格 ！肉餡色頗深，有別於一般酒樓出品；看紋理似手剁，質感則較常吃的富嚼勁，惟肉味不鮮，欠缺肉汁。

冬菇份量極少，蝦更是「芳蹤」杳然(其實我更愛全豬肉餡 )！如此水準收費十五，絕對不值！油炸點心中最愛鹹水角，愛它外皮脆軟兼備，餡料「惹味」。

小時候隨便一家茶樓也做得出色，如今卻好「角」難求。

正宗的鹹水角，因用豬油搓皮，炸後表皮會冒起粗糙似粉的微粒；顏色應呈米黃，觸手乾爽。

餡料不外乎豬肉、韭菜、菜脯、沙葛等，別的無所謂，蝦米冬菇不能少 。

一瞧這鹹水角顏色 (炸過火？翻炸？我不肯定 ) 已知「凶多吉少」──是剛炸起的沒錯，入口滾燙，皮略厚。

脆是脆的，但不夠乾身，油分輕微回滲。

最重要的是皮不透香，反有油耗味，失望 。

餡料調味亦不中意，像麪包店兼售的兩元一隻的貨色。

(「品嘗」期間，夥計路過搭訕：「鹹水角好吃否？即炸的我也想吃啊！」我笑笑當作回答。

沒留意到我緊緊皺著的眉頭，對吧 )出色的煎堆仔──皮要輕且薄，一口如咬走內裡空氣般，既鬆脆，復帶一點糯米的黏軟；餡料 (個人認為蓮茸最佳，擂沙也不錯) 呈半流質狀態最棒 ！一冷便如洩氣氣球，非即炸的我從不下單。

這裡的賣相尚可，伸筷一夾，竟是「墬手」的 ──不敢相信那是出自一位「專業」的點心師傅之手！勉強咬了一口，果然，皮餡間並無一絲縫隙，怪不得沉重如鐵球 (請問，不是「空心」的能稱作煎堆嗎 )！厚得驚人、硬梆梆的糯米皮，與香滑沾不上半點兒關係的豆沙，我，實在無言……除非食物或服務達「難以忍受 」之地步，否則不輕易給予壞評。

未知炒粉麪等水準如何，單評點心的話，雖未至於不能下咽，但無一可取，真真是我吃過最不「理想」的點心……之一。

怎麼辦 ？「天人交戰」之後，我的結論是──P.S. 吃點心沒有茶，總覺欠了點甚麼；反正下不為例，算了……題外話個人認為「今餐總評」只有三個選擇 (不適用除外) 似乎不太夠用，四個會不會好一點？構想如下：大笑臉 ：極好吃，再三光顧微笑臉 ：很好吃至好吃，值得一試苦瓜臉 ：不太好吃至不好吃，不值一試哭臉 ：難吃，永不光顧

行到長沙灣,唔知食乜好,就入左黎永記食野,好似茶餐廳咁,但佢個招牌係點心小廚,我地咁夜去到...唔知有冇點心食到呢?比較企理o既茶記咁,d燈飾又比較新潮,黃光夠光猛,又有電視睇...諗住夜晚都唔會有點心食啦,今晚真係好彩,之前有人comment 講o既點心師傅係度,竟然可以整埋燒賣同鮮竹卷比我地食,但其他點心就賣晒喇...因為朋友未到,我地食住lei兩款點心先,個燒賣大大粒又蟹子,即刻蒸出黎,一食,好味!! 入面仲有好大隻蝦呀,點埋辣椒油食,正 仲好味過係酒樓食,跟住仲有鮮竹卷,我本人係未食過鮮竹卷,因為我唔食冬菇...但見佢又唔係超大條,朋友話好味,我即管試下啦...丫...又真係幾好食喎,鍾意d腐皮~~跟住呢,我地乜都叫d黎食下啦,兩個煲仔飯,咸魚肉餅同鳳爪排骨加潤腸....先講個飯,熟透,有飯焦,但唔似一般o既煲仔飯,唔知點講....又唔係蒸飯...唔知用咩米呢,都比較軟熟,重要係勝在即叫即煲,新鮮滾熱辣丫,都唔錯啦...肉餅就一般啦,可能落左少少鬆肉粉掛,跟住另一個鳳瓜排骨呢,d汁同豉油ok.唔會太咸..但我唔食鳳爪,所以冇乜點食...因為我鍾意食肉餅多d....仲有叫d"廚師推介" 黃金蝦...都幾大碟,色水好靚好香,咸蛋黃份量適中,好香口,如果d蝦用大隻d架呢會仲好食....仲有個琵琶豆腐,我好鍾意食lei個送,見有就會叫黎食...熱辣辣,都唔錯,但就咸左少少,雖然佢足料,多魚肉,但建議可以落多d豆腐o既比例,同埋整大粒d會更好...我地仲有叫左個黑椒炒牛粒同燒汁豬頸肉,個牛粒呢,好香好多青椒(雖然我唔食青椒),但炒出黎個味好香,都好多牛粒,但牛粒就牛味唔出,不過小炒o既牛多數都係咁,唔係食西冷o個d嘛...跟住個豬頸肉就好味呀,個翠肉瓜好好味,個汁o既味道唔錯,少少甜,豬頸肉都唔算太肥,lei個幾好!!d 伙記都好nice,整體,lei間小炒都唔錯,又有平時d午餐常餐呀,咩都有得食啦,又有點心食喎,最衰我唔係lei邊住唔係lei邊返工啦,都想試下佢其他點心,師傅話佢咸水角好正架,仲有d腸粉好似18歲咁滑一滑喎~哈哈....有機會真係想試下

今日同d親友去長沙灣果邊食晚飯跟住行行下見到有間茶餐廳入面冇乜人,但係系門口見到貼左d乜乜煲乜乜煲果d野好似好好味咁,跟住仲見到果老闆d相,原來佢係菲律賓香格里拉酒店道做過中式點心大廚,之後退休返泥見到有人搵人頂餐廳,佢就頂左泥做,新開茶餐廳唔怪得知冇人la==所以我米影左幾張相放上泥幫佢做1做宣傳lo(呢d野係系門口睇,同埋個老闆同我地講)好入正題,,,,,,我地見個老闆係香格里拉酒店做過中式點心大廚所以我地米叫左好多點心lo由其是係咸水角(推介):又脆又好味 「哈搞」:個皮又係好好味,跟住叫左幾個麵同炒飯,味ok同普通茶餐廳差5多點心大廚果然係點心大廚d點心突別好味叫左十幾樣野十幾人去食4百幾GOOD....之前睇食評多,今次第1次寫,因為真係好正,希望大家睇完去試1試la

永記點心小廚餐單提供粵菜, 廣東, 火鍋, 點心, 中式包點, 大牌檔等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「永記點心小廚」有何 comment？

永記點心小廚餐廳詳細資料：

• 永記點心小廚地址:
  長沙灣福榮街542號地下
  永記點心小廚, G/ F, Fuk Wong Street, Cheung Sha Wan
• 永記點心小廚電話:  
• 永記點心小廚價錢: $50以下
• 分類: 粵菜, 廣東, 火鍋, 點心, 中式包點, 大牌檔
• 座位: 未知
• 付款: 現金
• FB專頁: 永記點心小廚 Facebook

更多永記點心小廚相關資料:

• 永記點心小廚分店
• Youtube
• Facebook
• Twitter
• Google