批&撻專門店 長沙灣

批&撻專門店 評價 相片

去完石澳,想去長沙灣食壽司,出閘掀完錢,發現世界遺物!!!!曾經風靡一時,十幾年前開到周圍都係既pie & tart,唔知幾時,冇興趣食,又唔知幾時,覺得佢完全消失曬...男人一見到雙眼發光,唔理d 魚生等緊我地,要兩隻芝士奶撻,再加多隻雞批,一撻一批係宵夜buddy 黎,仲有一隻現場即啪,我偷食左啖,都幾香芝士味,幾滑,唔太甜,我接受到,個牛油皮重牛油味,但有D 硬XD再擰轉頭男人已經食曬XD食完壽司返到冇耐,佢就啪埋隻奶撻同雞批,好彩我都食到一啖雞批,雞批有蘑菇係入面,幾好食,都係個皮硬左d,都ok既,唔知哩幾間分店仲可以捱到幾耐呢 ?

放半日假，上朋友屋企前買定兩杯 tiramisu 等一陣打麻雀既break 淺嚐😋Pie and tart 既撻類固然出名，但其實甜品都有咁上下質素～Tiramisu 食落唔會死甜，cream伴有淡淡的咖啡味，入口細滑，物超所值呀😋($16@1)

不知道大家多不多網上訂購之後約交收既經驗?近排我就好多, 見到交收過程方便又可以選擇自己想交收的地點,怪不得香港租鋪每個月賣野維持業績有點困難.今天, 就約左人在平時甚少去的長沙灣地鐵站做交收,一到要交收的位置, 就索到好香的Tart 味道 !!救命, 剛剛仲食完好味的下午茶茶餐. 二話不說即刻過左去望望.原來呢間係 Pie & Tart. 在地鐵站開的分店.見到廚櫃內, 嘩! 原來咁多選擇!! d 香味就係呢度傳出來了!!其實有好多味道都想試, 但有一種Tart 類係零抗拒: 薯蓉!!所以即刻用$16 買來試試.一拿上手, 極度熱手!諗住在地鐵站可以點食呢?! 原來隨袋附送膠匙一隻, 好貼心.食落去, 啖啖薯味充斥了整個味蕾. 十分享受.如當中亦有意式味醬連通心粉在內, 和薯蓉好 match.基於太惹味和就快要交的關係, 快快的食哂之餘, 之後又可以和人交收兼買到自己的心頭好了.愉快!

由細細個已經食pie and tart既tart大，貪佢夠平又好食。

用來做小食就一流。

今日行過地鐵站又見到呢間好耐冇食過嘅pie and tart。

依家食物種類仲好似越來越多，但係我仍然鍾情細個食開嗰幾種😂咁多年來價錢都好似冇乜點變添，都幾抵食！ 呢個係我一直以來都幾鍾意食嘅蘋果批，貪佢個批皮烤得好香脆，而且餡料入邊有粒粒好大嘅蘋果。

好好味呀，比起M記入邊好細粒嘅蘋果好好多。

另外叫埋呢一個鮮奶批，充滿奶香而且上面仲要鋪上芝士粉點綴一流呀。

👍

Pie & Tart 真係由細食到大，依家好多地鐵站都有分店，好方便!今日去開長沙灣搵朋友，聞到Pie & Tart果陣香味，我地就忍唔住一人買左一個佢地有好多唔同種類既批同撻，有甜又有咸，仲有d甜品、麵包同曲奇依家仲有通粉同千層麵，真係食個lunch都得!!!外賣係用紙袋裝住，一人一個美國蘋果批 $12蘋果批好香好清甜，批皮好香鬆脆，味道唔錯芝士鮮奶撻 $9以前就已經好鐘意食佢既鮮奶撻，因為好嫩滑!!今次就簡左芝士鮮奶撻，佢有鮮奶撻既嫩滑口感，仲多左芝士既香味牛油皮幾香脆，好味!!!

批&撻專門店餐單提供港式, 麵包店等推介美食位於長沙灣區，餐廳座位數未知人均消費約$50以下，結賬可以用現金，Booking訂位可以電話致電 27082220 查詢。

您對於長沙灣餐廳「批&撻專門店」有何 comment？

批&撻專門店餐廳詳細資料：

• 批&撻專門店地址:
  長沙灣港鐵長沙灣站大堂CSW8號舖
  Pie & Tart Specialist, Shop C S W8, Concourse Level, Cheung Sha Wan M T R Station, Cheung Sha Wan
• 批&撻專門店電話: 27082220
• 批&撻專門店價錢: $50以下
• 分類: 港式, 麵包店
• 座位: 未知
• 付款: 現金
• FB專頁: 批&撻專門店 Facebook

更多批&撻專門店相關資料:

• 批&撻專門店分店
• Youtube
• Facebook
• Twitter
• Google