金玥 銅鑼灣

金玥 評價 相片

銅鑼灣登龍街多餐廳係人都知~今日嚟到開咁無耐嘅川菜餐廳金玥🌟以前嘅川菜份量比較大，起碼3,4人食但呢間餐廳夠體貼 推出一人午餐就算自己一個人都可以食川菜😆呢個川菜餐廳，都好跟得上潮流，2樓有個打卡位，真係食嘢不忙打卡影相😜🌠招牌老檀酸菜魚有得選辣度同酸度岩曬唔同口味嘅人，今次就試咗小辣😜平時係香港食酸菜魚，都係偏辣差啲酸味，呢間反而好夠酸，酸同辣嘅比例控制得好好😆食酸菜魚最重要當然係個魚，魚夠薄而大塊，食落嫩滑無骨，而且份量都唔小，2個人都夠😄🌠金玥招牌口水雞除咗酸菜湯，口水雞都係佢地嘅招牌菜一上菜見到上面鋪滿麻辣醬汁，已經知道店員冇介紹錯！食落醬汁味道層次豐富，辣中帶香、香中帶麻，麻中帶嫩爽，食落有小小醋香夠開胃！口水雞夠嫩滑，吸曬啲麻辣醬汁，真係令人再三回味！🌠爽清麻辣魚皮爽魚皮係香港食係唔係好多地方有，每到都必點✨食落爽口鮮味，再配麻中帶辣，真係快比我食曬！🌠泡椒脆藕苗作為前菜真係唔錯嘅選擇~藕苗食落微甜而脆，十分爽口，要保留藕苗嘅爽脆，廚師煮嘅時間真係控制得好好，呢間做得好好，藕苗好脆嫩，而且有齊酸、甜、辣等味道，值得一試😆

今日係銅鑼灣登龍街覓食，呢度一向都多美食，我就揀左川菜來試下先。

招牌老壇酸菜魚：呢度既酸菜魚辣度同酸度都可以揀，甘就岩晒想試又怕辣既朋友仔。

而呢度既酸菜魚係有酸蘿蔔架，好正宗吖！蘿蔔酸得來好爽脆~魚唔好使講啦，無骨之餘仲好滑，yummy~金玥招牌口水雞：講得招牌就一定要食，雞好滑，就算係雞胸位都唔會柴，口水雞既醬汁調得好惹味，辣辣地配埋飯或米線食，好開胃。

爽清麻辣魚皮：平時炸魚皮就食得多，涼拌既就第一次試啦。

魚皮勁爽口，加埋墊係底既青瓜一齊食，解辣之餘仲好清新，好易食唔停吖。

泡椒脆藕苗：呢個小食簡直係我至愛，香港很少地方有，而呢度居然有。

藕苗好嫩又脆脆，加左泡椒浸，辣辣地，而且份量超多。

呢間餐廳既餐飲係自已無架，全部都係養生飲品，好健康的。

剛剛調職到銅鑼灣， 朋友介紹去登龍街食嘢， 逐間逐間試，到咗哩間， 食咗一次之後，連續嚟咗三日。

最出名嘅係酸菜魚。

好食，要咗中辣，辣度剛剛好，魚好滑。

炒大腸都好正， 用鹹酸菜炒，酸酸辣辣好惹味又開胃。

仲有一個湘思小炒肉， 唔記得咗影相， 仲要食咗兩次都忘記影。

鍾意食辣嘅一定要揀佢，湘思小炒肉＝辣椒蒜苗炒五花腩，餸飯一流夫妻肺片，有啲辣，好食。

口水雞麻麻地冇乜特別， 熗炒金肉福剛菜花，略為酸咗少少，如果輕手啲會好食啲。

呢度嘅午餐略為貴咗少少，但係份量都幾多，白飯可以再添食㗎。

希望呢間店可以keep住呢個水準。

仲會再嚟呀～

有咩驅使我哋2個人叫咗咁多嘢食係好味呀！原來銅鑼灣開左一餐食四川菜嘅餐廳他愛吃辣 一於就去試吓哩度嘅套餐大約$60$70幾就有交易 都幾抵食而且主菜都幾大份吓小食亦有好多款選擇🔸招牌老壇酸菜魚（$78）（👍🏻推）可選辣度，我哋叫左正常辣。

湯底又濃惹味，食落夠香夠酸又夠辣！會唔小心飲多幾啖。

酸菜好爽脆，魚新鮮唔腥，煮到入哂味好好食，而且份量夠2人食用。

🔸老壇酸菜花膠（$68）（👍🏻推）第一次食酸辣嘅花膠，原來口味好夾，花膠又多又厚，養顏又好味。

配料還有金菇、芽菜、酸菜、蓮藕，酸酸辣辣好岩送飯。

🔸老四川麻婆豆腐（$75）（👍🏻推）老闆話同平時出面食嘅味道唔同，我鍾意食豆腐所以叫嚟試吓。

先想講豆腐個質地挺身但又好滑，唔會一夾就散。

醬汁係比平時食到嘅較為杰身，好有豆豉、麵豉嘅香，食落微辣好惹味，而豆腐煮到夠入味，好好食！🔸清爽麻辣魚皮（$35）好有花椒嘅香辣味，麻麻辣辣嘅味道會停留喺口腔，魚皮好爽彈，食唔停口。

🔸醬香脆海蜇（$35）海蜇好脆，食落有麻香蒜香，味道微酸，而海蜇已入哂味，好開胃。

🔸手工酸菜炒大腸（$78）（👍🏻推）平時晌街好少叫炒大腸，因為好多時食到嘅都好韌。

但我見老闆推介就放心試吓，點知好好食！大腸外層食落似煎脆左，而中間好軟熟，仲帶有豬腸嘅肥膏，好香口！而且佢哋嘅酸菜又好爽，兩者口感好夾，味道酸酸辣辣好好食！🔸金玥招牌口水雞（$64）麻辣嘅口味又有點豆醬嘅香，而雞皮嫩肉厚，脂肪唔多，雞肉實淨，去左骨方便食用。

.🟢整體食物味道都好，冇邊樣係伏，份量又足，同埋佢地仲有養生飲品：檸檬薏米水、桂圓紅棗、茶山楂茶...，食辣野都一樣可以健康。

銅鑼灣又一川菜好選擇聽老闆講，原來廚房師傅特登去咗大陸學師幾年，唔怪得知味道咁正宗，真係未食完已經好想聽日再食，樣樣都好得，味道一流！今日四人午餐必選推介鹽水鵝鹹香味十足（老闆話唔係日日有得食，限量發售）蔥爆牛肉孜然味好特別，好嘢味酸菜魚夠酸夠辣，又唔會死鹹連小食酥炸菇菇，姑姑入邊都好juice煉奶饅頭,沒有油膩感,都做得唔錯好味到要即刻encore比公司同事食，個個食完都問我邊間味道咁正宗,我諗晚市開返呢間一定大排長龍

金玥餐單提供川菜, 四川等推介美食位於銅鑼灣區，餐廳座位數105人均消費約$101-200，結賬可以用現金，Booking訂位可以電話致電 54402459 查詢。

您對於銅鑼灣餐廳「金玥」有何 comment？

金玥餐廳詳細資料：

• 金玥地址:
  銅鑼灣登龍街31-35號玉山大廈31-35號地鋪
  La Golden Bistro, Shop31-35, G/ F, Giok San Building,31-35 Tang Lung Street, Causeway Bay
• 金玥電話: 54402459
• 金玥價錢: $101-200
• 分類: 川菜, 四川
• 座位: 105
• 付款: 現金
• FB專頁: 金玥 Facebook

更多金玥相關資料:

• 金玥分店
• Youtube
• Facebook
• Twitter
• Google