稻香 銅鑼灣

稻香 評價 相片

上星期六4月25日和媽媽去銅鑼灣皇室堡飲茶，原本係去開6樓的，但原來已經結業，所以去咗5樓稻香，見佢新裝修就去試吓，點知食物質素非常差，究竟點解點心都可以整到咁難食！唔怪之得星期六都無人等位，以後都唔會再去！

平時飲茶就飲得多, D 食物都係黎黎去去差唔多. 今次主要想講下係銅鑼灣皇室堡既呢間稻香既設施. 真係有D大鄉里出省….完全唔知道呢度既全自動斟茶斟水服務, 每一張枱隔黎都有一個設備, 有一個水機, 一個煲茶的電池爐加水壼, 2個茶具. 全自動化, 就算你個水壼無水, 佢都識得自動加水,完全唔洗再經服務員, 舉極手都無人理果種. 一開始都唔識用, 要全靠隔離D茶友既悉心教導....食物方面,就叫左一個得意的小蜜蜂肉鬆包, 味道有小小甜,再加少少肉鬆味, 肉鬆味唔太突出, 可能節省成本, 唔係落左好多肉鬆, 味道同奶黃包有D 類似.

一早就plan咗去九樓彩福飲下午茶，點知一時身痕，諗住改去五樓嘅稻香啦(之前都食過一次，不過平時大多都係去九樓彩福)，點知。

。

真係後悔莫及 ╮(￣▽￣"")╭入電梯時都聽到啲人話要去九樓，唔好去五樓，我都不以為意 (╯3╰) 上到五樓，一入去，我先知原來新裝修過，擺設傢私完全變晒。

一睇menu，超級貴，小點廿一蚊，中點廿五(好似係)。

心諗算啦唔緊要，好食就好了。

自動添水，但不user friendly，我見枱枱都唔識用。

我哋入座時間為兩點三，星期日，點知我哋叫咩無咩！點攪！叫春卷，冇，叫薄餐，冇，叫煎蘿蔔羔，冇！四個人只係叫咗五個點心就冇心機了，都唔知揀咩好。

鮮蝦腐皮卷，翻炸再翻炸，好油，好難食。

叉燒包，啲料好少。

可取之處，就正如我阿媽話齋，得個包皮好白 (~_~;)乳鴿係特價，廿幾蚊，Ok嘅，應該係即炸，但不太熱，味道不錯，最好味就係呢樣。

鳳爪，不過不失。

唔記得影腸粉(特價)，係深圳嗰隻石磨腸粉，不是廣東腸粉。

埋單盛謂$206蚊，四位。

呢間嘢，不單止冇嘢食，啲嘢只係average，咁貴，冇下次！

襯住平日放假，想去睇早場，順便去飲個早茶，就係附近搵間茶樓，點知撞正有職員派傳單，話早茶點心半價，但要711am入單，12點前埋單離座，時間真係岩岩好，睇11:30早場，就可以12點前埋單，諗都唔洗諗，即刻上去拎位；諗住平日會無咁多人，點知都要等；不過有樣好，可以用手機QR code scan 有位就會通知，唔洗企定定係度等😍對住咁靚既景飲早茶，寧舍心曠神怡🤩🌟香麻脆芋餅 $19🌟估唔到係熱辣辣的，好香口，外脆內軟😋🌟原籠馬拉糕 $22🌟每次飲茶都不可缺既馬拉糕，但食落就比較甜，不過就好鬆軟👍🏻🌟海龍宮腸粉盤 $48🌟用料絕對襯得上呢個名，裡面分別有鮑魚仔、帶子、石斑魚、鮮蝦；上面仲鋪左三文魚籽，一齊食起上黎，味道更佳🤤🌟天鵝榴槤酥 $28🌟鐘意食榴槤既一定要試呢個😵咬開又係熱辣辣的，要襯熱食，唔係凍左先食味道就差啲；一咬開濃郁既榴槤味就散發出黎🤤連個天鵝頭都食得架😝🌟傳統煎釀四寶 $22🌟好耐無食過呢啲街頭小食了，如果係四款都唔同就更加好😝食左8籠點心，$200都唔洗，唔洗搭枱又有靚景睇，邊度搵😍整體黎講，係好食既，無論環境、食物品質、服務都比預期中高，下次黎到銅鑼灣飲茶又多一個選擇🤪

稻香餐單提供粵菜, 廣東, 點心, 酒樓, 少鹽少糖食店等推介美食位於銅鑼灣區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,銀聯，Booking訂位可以電話致電 83008162 查詢。

您對於銅鑼灣餐廳「稻香」有何 comment？

稻香餐廳詳細資料：

• 稻香地址:
  銅鑼灣告士打道311號皇室堡5樓
  Tao Heung, 5/ F, Windsor House( The In Square),311 Gloucester Road, Causeway Bay
• 稻香電話: 83008162
• 稻香價錢: $51-100
• 分類: 粵菜, 廣東, 點心, 酒樓, 少鹽少糖食店
• 座位: 未知
• 付款: Visa,Master,AlipayHK,支付寶,現金,八達通,銀聯
• FB專頁: 稻香 Facebook

更多稻香相關資料:

• 稻香分店
• Youtube
• Facebook
• Twitter
• Google