漁一 銅鑼灣

漁一 評價 相片

今晚舊同學聚會，諗左好多地方，大家都傾得不合心意，最後有舊同學建議這間在樓上的私房菜，既然在時代廣場附近，一於試吓，他們的晚飯菜譜有幾款，我們點了私房菜譜二，先來三錦碟：梅子番石榴、脆皮春花肉卷、馬拉盞涼瓜件。

再嚟一個鮮杏汁花膠筒燉白肺湯，瓦罉薑蔥蒜子大連鮮鮑魚，九層塔焗佢仲哈，欖角陳皮蒜子蒸龍躉脊，薑汁蘭薳炒美國肉眼粒，脆皮鹽香雞伴蝦片，蝦子薑蔥銀牙撈粗麵，甜品有椰汁馬豆糕馬蹄糕糖水我選了薑汁蕃薯糖水。

樣樣都正!一定會再來的。

好餓 已經八點半，一坐底就叫左個豆腐魚豆湯底， 一碟龍躉片，一碟鱔，同唐生菜侍應好有禮，又知我地好肚餓，即刻上茶同俾個調味碟我地。

好多料😍 狂落蔥粒，好香好脆，證明新鮮!唔洗十分鐘就黎左個湯底。

原來魚頭炸過，難怪咁香，但湯更鮮甜，更惹味，連豆腐都好有魚香同甜品。

我地兩個等唔切，即刻淨係空口食左個半個大魚頭同豆腐，基本上好味到骨都食埋(個骨係炸到脆再滾湯，所以好易咬)。

食完之後，食物就岩岩好到。

龍躉片得十片左右，唔理，即淥! 又爽又甜!!重點係個魚片好彈牙好爽口，d肉又脆又爽口，唔識用筆默形容!! 係我個frd話人地未熟囉，係咁話我太心急，明明爽爽地口先係精粹!鱔片，非常爽口，係好薄既，不過油脂分布平均又香口，好在唔會膩，仲越食越好食，越食越想食。

雖然同龍躉一齊食會被比下去，不過仍不失吸引力，都幾好味。

唐生菜好新鮮，爽脆，翠綠，一淥就起得，keep住又甜又脆；朋友鍾意食軟身d，更加係soak曬湯中既精華，魚既鮮甜。

encore左龍躉，不過今次叫骨試下。

真係好多骨，同時好少肉，件數都較少，但點解會貴d.... 都係叫片好d!最後送雪糕又有桂花糕! 點解可以咁好OMG 點解可以咁開心!念念不忘，仲係好想再食龍躉片…BTW環境夠靜夠企理，幾適合傾下計另外有私房菜，好似幾正，不過要訂；邊爐是不用等位的

話說朋友聚會中，大家決定在銅鑼灣打邊爐，但係邊間呢？又用了大半日去決定。

最後一間太貴，一間唔好食，一間無得訂位，一間限時，就揀了呢間唔多食評的漁一。

一早book了頭，原本訂了六人，最後朋友唔舒服缺席。

當初擔心會被轉細枱，但幸好店員理解，其實張枱似係4人枱加大。

店舖唔大，眼見有兩間vip房。

因為有選擇困難，揀了鴛鴦湯，好清既津白同好濃既沙嗲。

又叫了蟶子，牛，羊，黑豚肉，蟮片，丸，墨魚滑，餃，生根，菜等等。

食物不算特別，但都好味，夠大碟，最後仲有糖水及甜點。

因為散叫，叫下叫下都食左每人三百幾！勝在服務好，店鋪細細唔趕頭趕命。

好好好姊妹經常去，極力推薦漁一私房菜，因為識人所以份量有別於其他食客，好姊妹嘅家姐一早已安排菜單，先來兩個前菜小食，看似簡單嘅皮蛋薑，子薑無論食或吐⋯真係連渣都無，自家醃製，心思超讚，炸白飯魚除炸蒜同蔥之外，仲有火腿粒，而且魚仔細細居然有魚春，香口之餘仲有魚春卜卜聲，好驚喜，四個人居然點了十樣菜⋯大誇張🐦，雖然好味但都打包收場，多謝好姊妹家姐請客，大滿足🙏

又嚟打邊爐啦, 今次食午餐, 可以食到三點的, 安排左一間房俾我地, 湯底蕃茄牛尾湯加沙嗲, 然後就混醬, 今次我只加左D豉油,蒜及辣椒, 唔想太濃味. 不停咁叫, 牛肩脊, 雪花肥牛, 魚皮鮫, 雲吞, 響玲, 蝦滑, 墨魚滑, 蝦丸, 鮮蝦腐皮卷, 珊瑚蚌, 鱔片, 竹苼, 淮山, 蘿白, 皇帝菜, 西洋菜, 粟米等等....牛肉真的好好味, 薄薄的一片, 好快就熟, 肥牛及牛肩脊都係一樣咁好味, 淮山好粉, 正. 蝦滑, 墨魚滑都好爽口, 好好味. 鮮蝦腐皮卷及響玲又係加熱幾秒就食得, 仲脆脆地又熱熱地咁. 腐皮卷香脆, 蝦肉又爽口, 珊瑚蚌都好爽身, 又係好快就熟.菜都新鮮的, 其它的食物都好有水準的. 我們食足兩小時, 食到餐廳走淨我們一枱, 因要落場. 最後都有甜品, 桂花糕及馬豆糕, 桂花糕好清香的.

漁一餐單提供港式, 火鍋等推介美食位於銅鑼灣區，餐廳座位數未知人均消費約$101-200，結賬可以用Visa,Master,現金。

您對於銅鑼灣餐廳「漁一」有何 comment？

漁一餐廳詳細資料：

• 漁一地址:
  銅鑼灣耀華街3號百樂中心3樓
  Fisherman One, 3/ F, Bartlock Centre,3 Yiu Wa Street, Causeway Bay
• 漁一電話:  
• 漁一價錢: $101-200
• 分類: 港式, 火鍋
• 座位: 未知
• 付款: Visa,Master,現金
• FB專頁: 漁一 Facebook

更多漁一相關資料:

• 漁一分店
• Youtube
• Facebook
• Twitter
• Google