木衛二鑄茶所 銅鑼灣

木衛二鑄茶所 評價 相片

納入狠狠懲罰系列原因 提供免費冰水、連儂牆、文宣postcard銅鑼灣必定要幫襯既黃店，每次行過都勁多人飲既珍奶店，每次買完都要等好多張飛要排好耐但都係值得等，齊齊撐起黃色經濟圈。

成個店面都寫滿哂memo紙，入面就算連張枱都貼滿哂，仲繼續不停有人痴緊上去，仲有幾款抗爭明信片可以拎，款款都勁靚。

每款茶都會有樽茶葉放出黎俾人聞下先揀，大家鍾意邊款都可以睇一睇個茶香先，珍珠都有茶香同蜜香兩款，仲寫左點製作同埋有咩分別，另外仲有個月球打卡位。

《奶霜觀音》($32)：飲奶霜緊係要一啖就咁倒落囗，就係濃濃既奶蓋再有清清既茶配搭，奶霜厚身而且咸香度好夠，加上茶味出既觀音勁快就飲完一杯。

《藍伯爵奶茶》($27)：斯里蘭卡既藍伯爵茶唔係度度都有，茶味都係咁好飲奶又香滑，珍珠可以揀左黑糖同茶枝做既茶香珍珠，唔好太甜清新一啲，另外仲可以揀蜂蜜煮既蜜香珍珠。

店名：木衛二鑄茶所地址：銅鑼灣怡和街22號地下3號舖餐牌

打卡黃店之選！每次經過呢個位一定大排長龍😂❤️不過唔洗擔心，因為佢地超級快手，沖野飲好快手😍見到要等10幾個都係眨吓眼就過😌😌必叫一定係呢個藍伯爵茶Latte🥛🍵$36 （+$4茶香珍珠）Earl Grey茶味非常香濃，呢黎茶底奶茶好special🥳一飲落口就茶香滿溢！必點茶香珍珠😍非常彈牙味道獨特！我叫左半甜少冰，叫左半甜好似令茶味更加出😍珍珠都有少少甜味，所以整體balance翻！一定要叫呢款🥰

最近翻看過往的貼文，發現我從未介紹任何飲品🙈有見及此，今次我會介紹一間我常去的店和常買的飲品給大家🤟🏻這次介紹的店是一間來自台灣的茶飲店，由開張至今我已一直光顧，因為近公司🙈飲品主要以茶類為主，其次為奶茶和果茶，款式大概有30多款，可以選擇糖的多少、冰的份量和2種口味的珍珠（茶香珍珠和蜜香珍珠）👍🏻1️⃣奶霜觀音 Tieguanyin milk foam tea （微糖，另加蜜香珍珠$4）（sweet level: quarter; add $4 for honey flavour bubbles）$36自從第一次點了這個後，我就沒有轉過其他🙈選擇微糖是因為這樣才能品嚐淡淡的茶香，而觀音的茶香味道不會太澀，很易入口👍🏻奶霜非常幼滑，咸香味道很濃🤤最後加錢點了用蜂蜜煮過的珍珠，甜甜的，整個配搭都很好喝😋

每次泥親銅鑼灣，想飲芝士奶蓋就一定會泥木衛二，仲要次次都係食完隔離間渣哥就泥度飲番杯點左招牌飲品奶霜觀音，同其他飲品店一樣，有得揀甜度同埋冰既份量，每次都搞錯少糖同微糖既分別，店員都好友善咁提醒，今次就揀左少糖少冰，懶係健康啲成日都飲呢間，就係因為佢個觀音既茶味非常香，第一啖既芝士好cream，再飲落去個茶味中和番芝士奶蓋既甜，飲到最後，通常個奶蓋既部分會沉左，同啲茶mix 埋一齊，又係另一番味道。

手搖飲品店大行其道，周圍都有一間，要係當中突圍而出真係唔容易，要繼續加油！

佢啲奶蓋同茶底都係好出色🙈 每次飲都會覺得好驚艷 所以今次就帶埋朋友一齊再去試 今次我就試佐奶蓋藍伯爵 $37 🙆🏼‍♀️ 我想講層奶蓋厚到一個點之餘～我隔佐一個鐘之後先飲依然係飲到果層厚度同奶霜既香滑豐厚口感又唔會話好膩😍😍飲落真係瞬間幸福佐🥰 茶底藍伯爵用佐矢車菊黎整～所以飲落帶少少花香味. 茶底真係每次飲都覺得好甘香🥺 好似好少地方可以飲到 仲加佐蜜香珍珠 咬落好煙un同真係咬到蜂蜜味😍 另有黑糖茶香味～

木衛二鑄茶所餐單提供台灣菜, 台式飲品, 少鹽少糖食店等推介美食位於銅鑼灣區，餐廳座位數未知人均消費約$50以下，結賬可以用Visa,Master,AlipayHK,支付寶,現金,銀聯,微信支付，Booking訂位可以電話致電 36187576 查詢。

您對於銅鑼灣餐廳「木衛二鑄茶所」有何 comment？

木衛二鑄茶所餐廳詳細資料：

• 木衛二鑄茶所地址:
  銅鑼灣怡和街22號地下3號舖
  Europa Tea Foundry, Shop3, G/ F,22 Yee Wo Street, Causeway Bay
• 木衛二鑄茶所電話: 36187576
• 木衛二鑄茶所價錢: $50以下
• 分類: 台灣菜, 台式飲品, 少鹽少糖食店
• 座位: 未知
• 付款: Visa,Master,AlipayHK,支付寶,現金,銀聯,微信支付
• FB專頁: 木衛二鑄茶所 Facebook

更多木衛二鑄茶所相關資料:

• 木衛二鑄茶所分店
• Youtube
• Facebook
• Twitter
• Google