十下 銅鑼灣

十下 評價 相片

中午又去登龍街開餐，今次試一間樓上食肆，十下火鍋，中午當然唔會食火鍋，但聽聞佢地因應之前邊爐家族少咗人食火鍋，佢地午市用火鍋湯底，火鍋配料做車仔麵，靈活識變通，都要去支持下。

食店用上香港八九十年代佈置，綠色雪櫃，木板間隔，舊暖水壺，對於我呢d老餅，感覺份外親切。

睇睇餐牌，可以點自選配料車仔麵。

又或者唔揀，直接叫佢地招牌火鍋湯底米線。

第一次幫襯, 當然要試下佢地既招牌火鍋湯底米線，上湯花膠雞湯米線。

估唔到都幾足料，見相都睇到大量花膠，當然係火鍋配料硬身既花膠，但都係爽口，不錯。

而且真係有好幾件雞，幾十蚊真係無得輸。

而我覺得最正清雞湯，清清地可以當湯飲，好味。

同場叫咗碗自選車仔麵，可以自選埋湯底，有雞湯，藥膳，胡椒，沙爹，辣汁，都幾多選擇。

飲品加杯洛神花茶，開胃醒神。

店員有禮，服務週到，專登遞上小碟放雞骨。

係銅鑼灣，我最鍾意到呢間火鍋店食野，尤其係而家哩啲天氣落雨陰陰涼涼，好耐無出去打邊爐。

餐廳大致走香港懷舊風味，一入鋪頭就見到牆上嘅霓虹燈，而野食好豐富，湯底好多選擇仲有有得自己揀食咩 或者叫set都得。

而最緊要嘅係，佢地嘅service 一流，超貼心驚你怕污糟就俾定好多濕紙巾你。

而哩間餐廳都好出名，好彩有朋友提我叫我要訂位同埋講好俾我地食耐小小，唔係夠鐘就走就食得無咁痛快。

總括而言，哩間餐廳值得大家去烚下烚下，真材實料，超級高質!

呢間餐廳裝修幾特別，充滿懷舊香港風味，一入門口就見到牆上霓虹燈寫住餐廳名「十下」，另外採用左圓枱，好似係大排檔食野既感覺，而地磚亦採用左格仔圖案，成個氛圍都包裝到八九十年代咁🤣湯底有好多款，有d仲可以拼鴛鴦湯底，揀左養生豆乳白鍋同埋麻辣湯底，一款麻辣辛香，一款清甜不膩，完全係兩個世界，湯底已包蜂巢凍豆腐同埋有鴨血👍🏻打邊爐最重要緊係個調味，一坐低就可以揀自己鍾意既醬料和調味料，食物上菜速度都幾快，點左5分鐘左右就開始有食物送到我覺得比較特別既係十下三寶滑，分別係鹹蛋黃蝦滑、臘腸魚滑同埋馬蹄牛根滑，係出面都比較少食到，睇外表都見到起哂膠，食落都好彈牙😋不過鹹蛋味唔太重，好似平時食開蟹籽蝦滑咁叫左大既安格斯牛肉，紋路都幾靚同埋唔算多肥膏，食落重牛味帶點嚼勁，不錯👍🏻

打邊爐絕對係香港嘅非物質文化遺產，邊爐狂熱分子表示忍左幾個月，終於可以打邊爐，表示感動！鋪頭勁Full booking，提早一星期book位，黎到都感覺到真係好旺。

我哋四人一坐底，即刻嗌個四人餐先！你以為呢到已經係全部？少年，你太天真！我哋啲嘢仲放滿左一架推車😂湯底我哋揀左個花膠雞。

半隻雞四個人分剛剛好，肉質又嫩滑，又有專人幫手分，勁貼心。

花膠亦都係勁大量，美容養生必食！基本上個set全部都係正嘢，無論係肉定係丸，都非常高質，呢個響鈴好食到令我記得要拎返起部電話影相😂唯一被唾棄嘅我諗得個陳皮魚蛋😌（係好食嘅，純粹係我哋唔好）食到最後真係飽到傻，甜品本身想嗌，但真係無空間容納😂

I love hotpot! Went for hotpot with 3 others friends. I would say this is one of the best place to go for hotpot in CWB. Great service with great food!They offer both a la carte and set menu as well. We picked a set menu for 3 and add on some more veggies and some drinks. Especially love their soup base options! Definitely will return again!  

十下餐單提供港式, 火鍋等推介美食位於銅鑼灣區，餐廳座位數90人均消費約$201-400，結賬可以用Visa,Master,AlipayHK,支付寶,現金,銀聯,微信支付，Booking訂位可以電話致電 35204111 查詢。

您對於銅鑼灣餐廳「十下」有何 comment？

十下餐廳詳細資料：

• 十下地址:
  銅鑼灣登龍街28號永光中心2樓
  SUPPA, 2/ F, Circle Tower,28 Tang Lung Street, Causeway Bay
• 十下電話: 35204111
• 十下價錢: $201-400
• 分類: 港式, 火鍋
• 座位: 90
• 付款: Visa,Master,AlipayHK,支付寶,現金,銀聯,微信支付
• FB專頁: 十下 Facebook

更多十下相關資料:

• 十下分店
• Youtube
• Facebook
• Twitter
• Google