Memory Oyster & Wine Bar 銅鑼灣

Memory Oyster & Wine Bar 評價 相片

是日八月十五中秋夜, 與兩邊父母都已提前做節, 故一家四口用之前百多元買落既團購海鮮併盤, 大食一餐過節, 一去到樓下, 大街搵唔到大廈門口, 心感不秒, 轉入橫巷(就係阿一後面), 仲發現樓下幾個西式"up dup"色情招牌, 心感不秒, 上到去得我地一枱(雖然後來都多枱熟客), 仲要全黑加上真係有D果種俱樂部feel既格局, 心諗會唔會又中團購陷阱...............好! 叫野, 原本都心大心細海鮮併盤再叫set dinner一個定兩個好, 都係叫左一個, 睇定情況先, 海鮮併盤出場, 真係幾豐富落足料, 一D都唔欺場, 又新鮮, 睡蟹仲勁多羔亦唔細隻, 一家大細都食到嘴lum lum再黎set dinner, 先講個什菌白湯, 絕對唔係一般質素, 好多菇之餘味道都唔同平時飲開果D, 飲得出廚師既誠意, 主菜出場, 老婆大人至like既西班牙海鮮飯, 亦係唔同一般做法, 香濃既汁帶點微微既甜酸茄汁味, 老闆之一既大廚幾nice仲專登出黎介紹, 原來用左廿隻龍蝦加十多個蟹淆成(如果冇記錯), 仲刻意加入茄汁中和那膩既感覺, 飯則用返中國人食開既米, 佢話唔鍾意正宗意大利米既硬加韌既口感, 特意用中國米又煮得返意大利飯細細粒又少少硬既口感, 佢唔講我都唔知原來係中國米, 佢仲見我地一家四口專登加左飯量, 一家四口食完都覺夠飽, 同埋大廚老闆亦解釋, 原來尋晚佢地爆場, 原本今日又係中秋, 都諗住休息下, 我地打黎book位都輕鬆D照做; 今次係小弟第二次寫食評, 第一次都係用團購coupon, 但係食到一肚火, 今次寫就係因為一來個海鮮併盤真係平靚正之餘, 個set dinner雖然都百幾近二百蚊, 但係真係感覺佢地既誠意同用心, 唔似得果D團購平比你或者收得你八九十, 但都待你如乞兒般既份量同食材, 又或者加/改少少野都收你錢果D咁既自命高檔集團, 真係食左都背脊骨落, 結而言之, 一間食肆做得有良心, 又有誠意, 真係唔憂會冇客/會執, 希望每個食肆老闆好好自我反省、改進, 等我地做食客既食得開心, 比得甘心!!

昨天太太生日同她去了這間餐廳同晉晚餐及慶祝。

這間餐廳主要sell生蠔同海鮮。

我和太太share海鮮盤作為頭盤，之後我選擇了牛扒set,太太選擇了石斑魚set.首先講講頭盤，seafood platter有蝦，翡翠螺同長腳蟹。

雖然不是太多款式，但三款這非常新鮮，長腳蟹非常鮮甜，蝦肉很爽帶甜，翡翠螺略嫌有少少沙。

湯：我揀cream of mushroom,太太是什菜湯。

什菜湯味道濃郁，有很多菜在裡面；磨菇湯帶給我有一點驚喜，味濃不特止，飲落去很滑，不像一般的...沒有很像粉的感覺。

大盤：太太揀石斑魚。

魚肉很滑，皮煎得脆，但因為牛油汁關係，有點膩。

至於我的肉眼扒，來自澳洲，我叫的是五成熟，肉質鮮嫩、外脆！服務：樓面可能一個人做，所以他很忙！有時要等一等他！但態度也很好！Chef: 他詳細為我們講解食物的特質！座位扣一點分！桌子太矮！坐得不太舒服，很有劈埸feel!我們一定會再幫親！

朋友推介下在此慶祝生日, 吃之前上openrice看看, 有些擔心, 但朋友說食過生蠔, 海膽都無肚疴, 而且美味無窮, 為有博一博, 生蠔極為鮮甜又夠凍, 海膽從加拿大運到很鮮甜, 海皇湯簡直一流, 是用心烹調的, 香濃度適中,又夠滑, 海鮮拼盆的松葉蟹腳解凍時間不夠, 不過翡螺很爽口鮮甜, 至於意粉個人偏愛海鮮意粉, 意粉質感爽滑, 至於肉丸意粉茄汁味一般, 雖然肉丸來至宜家也可接受, 不過肉丸不夠熱廚師要留意食物溫度那就更好, 釀蟹蓋也很出色, 看得出廚師落了一番功夫最重要的是我們一行九人都冇肚疴.再去的話會打電話講定想食乜, 廚師就會悉心安排, 保證食到新鮮海鮮和至愛海皇湯

11/1(一) 7.30pm再次嗚謝"羅師奶"的引領,到了其友人新開業的餐廳試菜.七時半到埗,推門入進,格局儼如酒吧,一片漆黑,配合迷幻的背景音樂,跟劈場沒兩樣!經過份好客的老闆細心講解後,我倆$298一位的dinner set;兩人以上方可柯單此套餐,唯有就範!海鮮拼盤紅鏡帶子,凍蝦,凍蟹及翡翠螺,整個看來水準達標,尤以凍蝦鮮味稱王!生蠔依老闆吩咐,順序品嚐:South Bend,Blue Point,Irish Rock及Fine de Claire,以Fine de claire最為頂尖,吃畢Fine de claire再重回South Bend時,已覺South Bend乏味!生蠔品質不俗;致命傷為其溫度不夠凍,落得我倆得到腸胃炎的下場!海皇湯沒預先調的海皇湯自行略加海鹽及黑椒後,吊出濃郁的鮮,稠度稍稀.據悉老闆是用蟹,蝦,蜆及白酒入饌.蒜蓉包用新鮮蒜蓉粒,香草及牛油塗於法包上,味道天然!釀蟹蓋好客的老闆相贈之物.釀蟹蓋內的芝士,洋蔥及蘑菇粒混入鮮蟹肉中,味道鮮明!肉丸意粉及海鮮意粉僅供應紅汁;阿梁斷言肉丸乃宜家出品,海鮮以蜆肉及鮮蝦為伴,蝦鮮確切味美透頂!意粉則總算軟硬得宜,無奈茄醬含極重茄汁味,弊扭的菜式!咖啡沒有熱度,再香濃也是徒然...翌日,我倆上吐下瀉,胃口全倒;被診斷為腸胃炎後,阿梁打趣說道:"食一餐$600,省回6餐$100,挺划算!"

Memory Oyster & Wine Bar餐單提供法國菜, 酒, 海鮮, 樓上cafe等推介美食位於銅鑼灣區，餐廳座位數未知人均消費約$201-400，結賬可以用現金。

您對於銅鑼灣餐廳「Memory Oyster & Wine Bar」有何 comment？

Memory Oyster & Wine Bar餐廳詳細資料：

• Memory Oyster & Wine Bar地址:
  銅鑼灣駱克道485號恆景大廈14樓
  Memory Oyster & Wine Bar, 14/ F, Evernew House,485 Lockhart Road, Causeway Bay
• Memory Oyster & Wine Bar電話:  
• Memory Oyster & Wine Bar價錢: $201-400
• 分類: 法國菜, 酒, 海鮮, 樓上cafe
• 座位: 未知
• 付款: 現金
• FB專頁: Memory Oyster & Wine Bar Facebook

更多Memory Oyster & Wine Bar相關資料:

• Memory Oyster & Wine Bar分店
• Youtube
• Facebook
• Twitter
• Google