辣到鎮 觀塘

辣到鎮 評價 相片

幾個月前第一次同同事來食LUNCH, 感覺很不錯。

但時至今日.....真係好差!!!!食物咖哩飯>之前都覺得D咖哩又香又足料, 但時至今日已經係差到不能再差~ d咖哩一"pat pat", 仲有一層厚油係面<原本想形容更細緻, 但大家知道這裡用字不能太過火>, D牛腩多肥膏又冇味! 紅薯粉>因為我好鐘意食紅薯粉, 所以次次黎都會叫, 但今日去食, D紅薯粉已經唔彈牙~~差..差..差..唯一可靠的只有冬陰公湯底!*****下次再黎我諗只可以食海南雞*****服務可能之前幾個月仲係學生哥既SUMMER HOLIDAY, 有幾個後生仔係到幫手, 佢地手腳快又有禮貌.但近幾次去, 得返4個阿嬸做樓面, 手腳慢都算, 又計錯數, 又落錯單, 真係頂佢唔順!!!!!

個日午飯去食 唔知食乜好之際就去左食米線揀左個酸辣湯底 少辣 米線黎錯野 黎左個薯粉都算啦 見佢咁耐 個湯好唔掂一個字形容 係酸既!! 仲要加我一蚊for佢個湯!!!!

今晚同一班中學年青人一齊去APM睇戲，開映前得一個鐘頭食晚飯，要快但又唔想食快餐food court，同時又要符合年青人既口味同budget，咁高要求，一時間都諗唔到，於是就接受左其中一個年青人既提議，來這間飯店試下。

飯店環境簡樸，但非常光猛衛生。

一班人先叫3碟招牌口水雞，有辣同唔辣，食落啖啖肉，肉質非常嫩滑，辣度適中，正!之後，自己叫左碗泰式大頭蝦炸鹹肉湯河，$2X有大頭蝦食已經唔錯，但原來炸鹹肉先致係主打，食落鬆脆又唔太鹹唔太熱氣，送湯食一流，超正!!!!加埋杯秘製紫背天葵，清熱解毒，冇得頂! 下次一定會帶埋老婆一齊來！

友人介紹到觀塘廣場的辣到鎮，愛食辣的我當日雖不在狀態(生痱滋中)，仍要去試試，最多唔食咁辣男友食海南雞飯，上次佢食過友人外賣的油飯一啖之後念念不忘，誰知晚上七時油飯就已售罄。

據友人話，海南雞好對辦，滑溜肥美，加上秘製豉油，同o係新加坡食的差唔多，咁勁？下次我都要試下。

我就食麻辣豆干紅薯粉，紅薯粉彈牙入味，正~ 見其他食評話麻麻，唔係好入味，我諗係大家食涼拌既關係?我覺得唔錯wor，幾入味我要左中辣，唔算好辣(註：我都幾食得辣架)，食到麻味，下次要試下大辣先~麻辣青瓜，因男友唔食得辣，老闆特意落小d，好好味，青瓜又爽又多汁。

Lam肉？(唔知點寫)，泰式香腸，我個人唔多食香腸，男友同我都一般，但個汁好好食~自家製飲品：紫貝天葵 男友都幾鍾意，有點提子汁的味，很開胃羅漢果桂圓茶 飲得出冰糖的味，但對我而言太甜了，男友都覺得略甜了，是用以解辣的關係嘛？

開張果陣去食，海南雞都係23蚊之嘛，而家加到25蚊，仲要愈黎愈細碗…我一個女仔食都嫌唔夠飽，同埋好似愈黎愈淡咁，偷工減料…以前叫海南雞，都有雞脾雞胸，最近食幾次，都係得D碎骨頭，同埋雞轉彎果D骨多過肉O既雞件…(咁我唔係要求次次都係雞脾，但都唔好求其上D碎骨俾我)講真，係觀塘食返唔會預平得去邊，25蚊碗海南雞粉，辣湯要加1蚊，冬蔭功加3蚊，凍飲仲要加7蚊！特飲加10蚊！食完真係背瘠骨落！我唔可以話佢唔好食，只係佢唔值一餐3x蚊呢個價錢囉！

辣到鎮餐單提供川菜, 四川, 粉麵, 米線等推介美食位於觀塘區，餐廳座位數未知人均消費約$50以下，結賬可以用現金。

您對於觀塘餐廳「辣到鎮」有何 comment？

辣到鎮餐廳詳細資料：

• 辣到鎮地址:
  觀塘開源道68號觀塘廣場G26-G27號舖
  辣到鎮, Shop G26- G27, Kwun Tong Plaza,68 Hoi Yuen Road, Kwun Tong
• 辣到鎮電話:  
• 辣到鎮價錢: $50以下
• 分類: 川菜, 四川, 粉麵, 米線
• 座位: 未知
• 付款: 現金
• FB專頁: 辣到鎮 Facebook

更多辣到鎮相關資料:

• 辣到鎮分店
• Youtube
• Facebook
• Twitter
• Google