炳利飯店 觀塘

炳利飯店 評價 相片

平時返工帶飯，今日就冇帶，唯有叫外賣，有同事就提議叫牛頭角嘅大排檔，其中一間就係炳利，之前經過都冇食過，就決定叫一次外賣！睇住長長嘅餐牌，最後就揀咗滑蛋叉燒飯，加多杯我至愛嘅凍檸茶，等咗45分鐘終於嚟到啦，都算係幾快外賣嚟講，打開個飯盒一睇，滑蛋好似太多水咁，整到啲飯太淋，可能呢個就係叫外賣嘅唔好處，不過叉燒出奇地有驚喜，呢啲大排檔叉燒一般都係食完好痴牙，但呢度嘅叉燒就非常之淋，不過略嫌少左啲，飯量就幾適中，晏晝食都唔會唔夠飽，自問係一個算大食嘅人！外賣＄33連凍飲嚟講算係幾唔錯嘅選擇，有機會會再番chur！～

星期一無帶住家飯盒，只好跟同事叫外賣，見到大家話大排檔D飯水準吾錯仲大件夾抵食，禁就梗係叫反個梅菜扣肉，試試佢！提早左一個鐘叫，所以就黎到岩岩好，初頭見佢大大盒意為裡面會細份D。

點知一開，我諗兩個女仔食都吾過份，何況我自己一個食，白飯起碼有碗半，而梅菜扣肉都吾小仲好入味，雖然未到入口即溶，但都已經好過好多茶記，美中不足係汁吾係好夠，多汁dd黎撈飯就一流！

公司附近既勵業街熟食中心，即係大排檔啦。

想試好耐架啦，襯星期五得閒就試試啦！一黎到已經見到啲火把把聲，師傅把把聲咁炒緊野，就知道一定要食鑊氣野。

芺蓉蛋，好好味！炒到岩岩好，又大份夾抵食！果然有大排檔味道！

$31可以食到豉椒排骨抄河，我諗都無咩其他地方可以食到，而且味道仲好正 : 排骨肉質好軟諗，同埋完全無雪藏味，豉椒汁滿蓋每一件排骨，用黎送大大碟嘅河粉就最正，同埋啲配菜亦好爽口，青椒洋蔥好新鮮，質素分分好過啲酒樓！

週末，太太去了同以前工作的一班姊妹飯聚。

由早至下午茶，都是我一個人在外獨自流連的時間。

身在觀塘的我，突然想起了某日網友提及過一間名字會令人歡笑的餐廳，炳利飯店《音(炳你)》。

這飯店，是大排檔，而且地點是非常隱蔽的，不近地鐵站也不近人流旺的地區。

勵業街熟食市場，聽過嗎? 我找到這兒時，才知道有這樣的一個小小大排檔，而且又有少少與世隔絕的感覺，非常乎合我尋求隱世的味道既主題。

這一個勵業街熟食市場，有少少像冬菇亭，一亭兩檔，說明顯又帶點隱蔽，這一個勵業街小販熟食市場，的確是一個飲食的特式。

我首度拜訪這兒，雖有另一家排檔更加之吸引，但既然為了炳你而來，就決定試一試這一家名字咁可愛的食肆吧。

這炳你，同我決定不日再拜訪的茶檔，在熟食市場的內則，茶檔也許有一個轉角位可以望到街，但這一間炳利，完全不起眼，因為旁邊是公園，一定要穿過另一家對馬路的排檔方能進來，所有不速之客，早已被另一檔攔截了。

男人的浪漫，就是豆腐火腩飯，這一個絕對是工廠區的工廠餐，肉厚飯多，是勞工階層人士的恩物。

味道，就是男人浪漫的味道，豉味十足的汁夠多，絕對方便你去送飯食。

肉感好，豆腐大，沒有菜，沒有蔥，絕豆腐加隔夜燒腩，WOW，這就是勞動一日的力量所在。

加多一支冰凍啤酒(不飲酒汽水也行)...再回想兒時廣告的那一首歌仔，如下...由朝坐到晚 運動少周身骨痛精神壞無佢黎保養快蒼老 易捱壞我地咁辛苦擒高擒低靠腰力 靠腳力調補身體最緊要病君咁樣點搵食鋤得多 傷氣力消耗一定要補充唔駛失威悲到極你地諗吓啦咦噫 咪講少 快D食...........廣告中的什麼固本培元湯....都不夠一碟份量足既豆腐火腩飯，來得補.....豆腐火腩飯，是治標良方。

炳利飯店餐單提供港式, 大牌檔等推介美食位於觀塘區，餐廳座位數未知人均消費約$50以下，結賬可以用現金，Booking訂位可以電話致電 27569468 查詢。

您對於觀塘餐廳「炳利飯店」有何 comment？

炳利飯店餐廳詳細資料：

• 炳利飯店地址:
  觀塘勵業街熟食市場5號舖
  炳利飯店, Shop5, Lai Yip Cooked Food Marke, Kwun Tong
• 炳利飯店電話: 27569468
• 炳利飯店價錢: $50以下
• 分類: 港式, 大牌檔
• 座位: 未知
• 付款: 現金
• FB專頁: 炳利飯店 Facebook

更多炳利飯店相關資料:

• 炳利飯店分店
• Youtube
• Facebook
• Twitter
• Google